YAKOB 4:4 - Kalate Zambe Nnomo a Mfefe Mfefé Nkôñelan

⁴ A binga bijabô! Ye mi nji yeme na nye'ane *si nyô ô ne ziñ ja wosane Zambe? E môt a kômbô bo mvôé a *si nyô a bo émiene nyô a siñe Zambe.

Bible en langue Bulu

⁴ A binga bijabô! Ye mi nji yeme na nyeʼane si nyô ô ne ziñ ja wosane Zambe? E môt a kômbô bo mvôé a si nyô a bo émiene nyô a siñe Zambe.

YAKOB 4:4 Iomraidhean Croise

KALATE METATAʼA 3:15

Ma ye futi ziñ e zañe jôé a minga, e zañe mvoñe jôé a e mvoñe jé: Enjéé ja ye fite wo nlô a wo wo ye lôbe nye étimekili.

BESAM 21:8

Njô bôt a too Zambe ndi, a amu mvame Nyô a ne ôyabe yôp, a nji fô'ôsan.

BESAM 50:18

Nge wo yene ñwuwup, ô nga nyoñe ngap a wô, wo tabe vôme bebo *mejian be né

BESAM 73:27

Amu tame yene na e bôte ba ke wo ôyab ba mane wu, wo tooé ba bese be nji buni wo évô.

EZAYI 57:3

Ve mia, za'ane bebé va mia bone be ngbwengbwele minga, mvoñe mbo *mejian a minga ébamba.

YEREMIA 2:2

kelek a kobô'ô melo me bôte ya Yérusalém na: Avale di nde Nti a jô na: Ma simesane nye'an wôé éyoñ ô mbe ngone minga, nkabetan ô nga kabetane ma bi too *atiñ aluk, éyoñ ô mbe ô tôñe ma fé été, e vôm a ne nkôt.

YEREMIA 9:2

Ba kolé ôyem an'élaé, asu ya laane minsos; be nji beta bo ngu e si jab été, amu nkobane benya mejôô; ba mane bo mbia jame va, a beta bo nyô mbo'o valé, a be ne te yeme ma, nalé Nti a jô.

EZEKIEL 16:32

Ô mbe minga *mejian, nye a belane beyeñ éjiane nnôme wé.

Oz 3:1

Ane Nti a nga jô me na: kelek, nyeke'e minga môte mfe *a nye'e, nyô a ve émien mboone *mejian: amu avale te fe nde Nti *a nye'e bone b'Israél. Eyoñe be ba kôñelane be bezambe befe, *a nye'e biwôlé ba yam, a bibuma bi ndi'i woon.

METIAS 12:39

A nga yalane be na: A mia bôt ô ne *abé a *mejian wo sili ndem! Mfa'a ajô ndem, fe ja ye bo te veban, ve ndeme *nkulu mejô Yôna.

METIAS 16:4

Mvoñe bôt é ne *abé a *mejian ja yi ndem! Mfa'a ajô ndem, ba ye bo te liti be fe ve nyô Yôna. Ane a nga li'i be a ke.

METIAS 6:24

Te ke môt a ne saane bemasa bebaé, a ye vini wua *a nye'e nyô mbok, nge na a ye kabetane wua a biasé nyô mbok. Mi se nguleya saane Zambe baa *mamoñ.

LUKAS 19:27

Jam afe na: besiñe bam be nji kômbô na me jôô be, za'ane be va a tyi'ane be *tyiñ me too.

YOANES 15:19

Nge mi nga ye bo ba ya si ndôn, si ndôn é nga ye nye'e jôme jé. Ve mbôl mi nji bo ba ya si ndôn, amu mamien me nga ke ma tob mia e si ndôn été, ajô te si ndôn ja wô'ô mia biko.

YOANES 17:14

Me nga mane ve be mejô môé, ane *si nyô é nga wô'ô be biko, amu be nji bo bôte ya si mu, aval fe mamien me nji bo môte ya si ndôn.

YOANES 7:7

Bôte ya *si nyô be se ngule ya siñe mia, ve ba siñe ma, amu ma tyi'i mva'a na mimboone miab mi ne *abé.

BERÔMEÑ 5:10

Bi nga too besiñ be Zambe, ve bi maneya bo élat a nye, a zene ya awu mone wé, biyoñe tañeya, éyoñ bi ntoo nlatan a nye, bia ye nyiiban amu ényiñe jé.

BERÔMEÑ 8:7

Amu ôsimesane mboone mame minsôn wo siñe Zambe. O nji ve nkômbane Zambe mewôk, a ô nji bi ngul éte.

1 Ko 1:20

Mfefek ô ne vé? Nye'ele metiñ a ne vé? Mfase mame ya melu ma a ne vé? Ye Zambe a nji bo fe'e ya *si nyô na é bo akut'

1 Ko 1:21

Amu *si nyô, a zene ya ñyemane mam, é nji yeme Zambe e fe'e Zambe été, ve Zambe a nga yene mvaé ya nyii ba ba buni, akute nkatane Mejô me Zambe été.

GALATI 1:10

Amu éyoñe ji, ye ma jeñe na, bôte be se'e ma? Momo, ve nse'ane Zambe! Ye ma jeñe na me yené mvaé e be bôt? Nge ma beta kômbô yené mvaé e be bôt, wôna me nji ke fe bo mbo ésaé Krist.

YAKOB 1:27

Nya mbunane a ne *mfuban a tee ayeñ, asu Zambe Esaa, nye nyô: njomane bobenyui a minkus e minju'u miab été, a nsa'alane *si nyô asu ya bo te bili mvin.