YAKOB 3:1 - Kalate Zambe Nnomo a Mfefe Mfefé Nkôñelan

¹ A bobejañe bam, te boone beye'ele abui, amu mia yeme na ntyi'an ajô wongan wo ye dañe bo ngu.

Bible en langue Bulu

¹ A bobejañe bam, te boone beyeʼele abui, amu mia yeme na ntyiʼan ajô wongan wo ye dañe bo ngu.

YAKOB 3:1 Iomraidhean Croise

LEVITIK 10:3

Ane Môze a nga jô Arone na: Nde te ma ye teléban étyi e be ba ba subu ma bebé, a ma ye wum e vôm ayoñe bôt ese é né, nalé Nti a jô. Aron a nga tabe évôl.

MALAKI 2:12

E môt ase a bo avale jame te, ja'an a ne z'avale môtô, a ja'an a ne nyô a ve Nti ya *minsamba mewosan mimvean, Nti a ye vaa nye *nda bôt Yakob été.

METIAS 10:24

Nyé'é te dañe nye'ele wé, nge mbo ésaé e dañe masa wé.

METIAS 23:13

Bidim a mia, *beyeme bekalate a Befarizieñ bôte bebadu'u, amu mia dip éjôé ya yôp ôsu be bôt; miabebien teke nyiin été a teke jô'é ba ba kômbô nyiine na be nyiin.

METIAS 23:14

Bidim a mia *beyeme bekalate a Befarizieñ bôte bebadu'u! Amu mia nyoñe minkus e biôme bise be bili, éyoñe te fe mia bo ayabe meye'elane na bôt be yene mia.

METIAS 9:11

Ayene Befarizieñ be nga yene jame te, be nga jô beyé'é bé na: Amu jé masa wônan ba be benyoñe *toya a bebo *abé ba di vôme wua'

LUKAS 16:2

A nga loone nye a jô nye na: Za jame ma wôk be kobô'ô ajô dôé? Bo'o sito'o ya mba'alan akume wôé, amu ô se nguleya beta bo mba'ale akume wom.

LUKAS 6:37

Te tyi'ane bôte mejô, nalé mia ye bo te tyi'ibane mejô, te veane bôte mekua a mia ye bo te vebane mekua, jama'an a mia ye jamban.

YOANES 3:10

Ane Yésus ki a nga yalan a jô nye na: E wo ô ne ñye'ele ya Israél, ye wo yiane dimi mame mete'

Mm 13:1

Bekulu mejô a beye'ele bôt be nga too keké ya Antiôche. Barnabas, Siméoñ a mbe jôé afe na Niger, a Lusius môte ya Siréne, Manaén nye baa Hérôde Tétrak be nga yeñ aso bongô a Saül.

1 Ko 12:28

A, e ba Zambe a nga telé e keké été be ne: ôsusua minlôman, nsamba baa, bekulu mejô, e wu lale beye'ele wôna mveane ya bo bitua bi mam, wôna wu ya saé bôt, wu ya volô bôt, wu ya jôô, mveane ya kobô *minkobô.

2 Ko 5:10

Amu bia bese bia yiane tebe asu éto ntyi'ane mejô Krist teke jôme ja solé bia, ane môt ase a ye nyoñe ma'ane me mam a nga bo nté ényiñe minsône jé, nge mvaé, nge *abé.

EFEZE 4:11

A Emien a nga bo bevo'o minlôman, e ba bevo'o bekulu mejô, bevo'o bekatefoé, wôna ba bevok Bepastô a beye'ele,

1 Tim 1:7

Ba ve'e fe'e na be ne beye'ele metiñ, ve e too na, bebien be nji yeme jôme ba jô, nge mame ba yemete a ngul ése.

1 Tim 2:7

ñwô ôte me nga teléban nkatefoé a *nlôman. Ma kobô bebela, me nji laa minsos, nye'ele beteyeme Zambe, e mbunan a benya mejôô été.

2 Tim 1:11

nye ate ma, me nga teléban nkatefoé, *nlôman a nye'ele.

HÉBRE 13:17

Mi va'a betebe ôsu benan mewôk a tabe e njôane wobe si. Amu ba mombô éyoñ ése ajô minsisime mienan,

YAKOB 1:16

Te du'uban, a bobejañ ma nye'e.

YAKOB 1:19

Simesa'an ajô di a bobejañ ma dañe nye'e, môt ase a bo'o avôle ya wôk, ve ôte'ete'e ya kobô a ôte'ete'e ya yaa.

YAKOB 3:10

Anyu daa da nde bibotan a biyo'é bia so. A bobejañ, e nji yiane bo nalé.

1 Pi 5:3

Saa amu mia sôñe ma'an, v'amu nya nkômbane ya bo ésaé.Te jôô be njôane ya liti ve ônyu, ve bo'on éve'ela ya mbam.