YAKOB 2:8 - Kalate Zambe Nnomo a Mfefe Mfefé Nkôñelan

⁸ Yaa, nge mia bo atiñe njô bôte mewôk, aval ane e ne ntilane, na: Wo ye nye'e môt a ne wo bebé ane wo nye'e womien, mia bo *mvo'é.

Bible en langue Bulu

⁸ Yaa, nge mia bo atiñe njô bôte mewôk, aval ane e ne ntilane, na: Wo ye nyeʼe môt a ne wo bebé ane wo nyeʼe womien, mia bo mvoʼé .

YAKOB 2:8 Iomraidhean Croise

1 Bb. 8:18

Ve Nti a nga jô Esaa wome David na: Amu ô biya nkômbane ya lôñe jôé dame *nda, ô nga bo mvaé ya bi jame te e *nlem.

2 Bb. 7:9

Be nga jô e zañe jabe na: Bi nji ke bo ane da yian. E môse wu ô ne môse mbamba foé. Nge bia bo te jô jam a yange éfufube tyé, bia ye bo te tub ayaa. Nkean a nyiin e tison a kate *nda njô bôte foé.

LEVITIK 19:18

Te kune womien a te ba'ale bone ya ayoñe dôé ôviti'i *nlem, ve wo ye nye'e e môt a too wo bebé ane wo nye'e womien: ma me ne Nti.

LEVITIK 19:34

Mia ye belan e *ntabe ô too be mia ane bialébialé ya zañe jenan; wo ye nye'e nye ane womien, amu mi nga too mintabe e si y'Ejipte: ma me ne Nti e Zambe wônan.

YONA 4:4

Ane Nti a nga yalan nye na: Ye wo bo mvaé ane wo yaa'

YONA 4:9

Ane Zambe a nga sili Yôna na: Ye wo bo mvaé ane wo yaa amu ajô élé bek? Yôna na: Ma bo mvaé ane ma yaa, a jeñe awu.

METIAS 22:39

Di baa da funane fe di ôsu nde di: Wo ye nye'e môt a ne wo bebé ane womien.

METIAS 25:21

Masa wé a nga jô nye na: Mvaé, ô ne mbamba mbo ésaé a nyô ya buni, ô litiya *zôsôô mfa'a ya tyôtyoé biôm, ma ye telé wo ô ba'ale biôm abui; za'a vak mia masa wôé.

METIAS 25:23

Masa wé a nga jô nye na: Mvaé, ô ne mbamba mbo ésaé a nyô ya buni, ô litiya *zôsôô mfa'a ya tyôtyoé biôm, ma ye telé wo ô ba'ale biôm abui, za'a vak mia masa wôé.

METIAS 7:12

Ajô te, mam mese mia yi na bôte be bo mia, miabebien bo'one me asu dap: Metiñ me Zambe a bekulu mejô mbie le.

BERÔMEÑ 13:10

Nye'an ô ne te bo môte mfe *abé. Ajô te nye'an ô ne mboone metiñ ô ne ngum.

GALATI 5:14

Amu metiñe mese ma jaléban éfia jia jina été na: Wo ye nye'e môte mfe ane wo nye'e womien.

GALATI 6:2

Mi beka'ane mimbe'e mi ba bevok, nalé ate mia ye jalé metiñe me Krist.

FILIP 4:14

Akôsa bo nalé mi nga yeme bo, éyoñ mi nga nyoñe ngabe ya ôlune viam.

1 Tes 4:9

Mfa'a nye'ane bobenyañ, e nji fe bo mfi na me tili mia de, amu mi nga yé'é miabebien e be Zambe na, mi nye'esan mia mia,

YAKOB 1:25

Ve môt a beme mis e mbamba *atiñ, e di ya éto beti a tôñe de, saa ve ñwô'an étam, ve bo ane da ye'ele, môt ate a ye yene mvaé ya mimboone mié.

YAKOB 2:12

Koba'an a bo aval ane bôt be ne nloone ya tyi'ibane mejô a atiñe ya éto beti.

YAKOB 2:19

Ye wo buni na Zambe a ne ve wua? Wo bo *mvo'é! Mimbia minsisime fe mia buni nalé a mia nyeñeban.

YAKOB 4:11

A bobejañ, te koban *abé mia mia. E môt a kobô monyañ *abé nge tyi'i monyañ ajô, a kobô *atiñ abé, a tyi'i fe *atiñ ajô. A nge wo tyi'i *atiñ ajô, ô nji bo ane metiñ ma jô, ve nyô a tyi'i metiñ ajô.

1 Pi 2:9

Ve mia mi ne mvoñ é ne ntoban, nsamba betuni be njô bôt, ayoñ e ne étyi, e bôte Zambe a nga kuse na mi yôtane beta mimboone mi nyô a nga loone mia akôlô dibi été, a zuu mia étôto'o éfufube jé.