Tt 3:5 - Kalate Zambe Nnomo a Mfefe Mfefé Nkôñelan

⁵ a nga nyii bia, saa amu mimboone biabebien bi nga bo e *zôsôô été, ve amu nkoon éngôngole wé, a zene mewoban me mfefé abialé a mvumelane Mfufube Nsisim a ve.

Bible en langue Bulu

⁵ a nga nyii bia, saa amu mimboone biabebien bi nga bo e zôsôô été, ve amu nkoon éngôngole wé, a zene mewoban me mfefé abialé a mvumelane Mfufube Nsisim a ve.

Tt 3:5 Iomraidhean Croise

Yb 15:14

Môt a ne jé ane a ne nguleya bo *mfuban' A nyô a nga bialé be minga ke jé ane a ne nguleya bo *zôsôô'

Yb 25:4

Môt a ne bo *zôsôô aya e mise me Zambe' Nyô a nga bialé be minga a ne bo *mfuban aya'

Yb 9:20

Nge me nga ye bo *zôsôô, anyu dam ebien e nga ye ve ma mekua; a nge me too ye bo te jame ya vebane mekua, anyu dame mamien e nga ye ve ma mekua.

BESAM 130:7

Ayoñ Israél, tabe'e mebun be Nti amu a ne mvaé, a bili mezene toyini ya nyii wo.

BESAM 143:2

me ne mbo ésaé wôé, te kee ma aba mejô, amu teke'e môt a ne te bijô asu dôé.

BESAM 51:10

kate ma foé ñyenane mvaé a mevak nalé ate bives ô maneya buk bia ye fôn.

BESAM 62:12

Zambe a kobôya éyoñe jia, ve me wô'ôya de biyoñ bibaé na ngul é ne jôme Zambe;

BESAM 86:15

Ve wo, a Nti, Zambe a ne nko éngôngo a *mvam, ôte'ete'e ya ji'a yaa, njalan a *zôsôô a mba'alane metiñ,

BESAM 86:5

A Nti, wo ô ne mbamba *nlem, *nlem wo jamé, njalan a zôsôô mfa'a ya ba bese ba loone wo,

EZAYI 57:12

Ma ye kañete *zôsôô wôé a mimboone miôé mbie bia ye bo te volô wo.

EZEKIEL 36:25

Ma ye miame mia mendim me ne *mfuban e nyô, a mia ye bo mfuban; ma ye tune mia mfa'a ya mvine jenan ése a bengunemelane benan bese.

MIKÉ 7:18

Za a ne Zambe ane wo, nyô *a jamé ékop a lôte mbia mboon amu a kamane *mebuka'a ya ngabe jôé' A ne te ba'ale ayaa nnôm éto, amu *a nye'e mvam.

METIAS 3:11

Ma ma du mia e mendim asu nkôñelane minlem, ve nyô a zu ma mvus a ne ngul a dañe ma: me nji bo nyô a yiane vaa nye besilefas; nye a ye du mia e Mfufube Nsisim été a e nduan été.

LUKAS 1:50

E nde fe na e nleme mvame wé wo ke e be ba bese ba ko nye woñ ataté miaé bôte wu a kui miaé bôte wu.

LUKAS 1:54

A nga zu volô Israél, mbo ésaé wé, amu a nga simesane mbaa nleme wé,

LUKAS 1:72

A nga liti mvame jé e be b'ésaa bangan *a simesan e mfufub élate wé

LUKAS 1:78

Jame te da so édo'o mbamba nleme Zambe wongan: Amu édo'o mbamba nleme te nje ôteté ya jôbe da tôô ô zuya jome bia ô so'o yôp.

BERÔMEÑ 11:14

a ndi nleme jame na, ma ye soñelô *aban e minleme ya ba bia be be bi ne mbialan a nyii bevok.

BERÔMEÑ 11:6

Nge e ne amu *mvam, wôna, a nji bo ajô mimboone mi mam. Amu nge nalé, wôna *mvam é nji fe bo *mvam.

BERÔMEÑ 12:2

Te mia vu si ndôn ya melu ma. Ve bo'one mveñesan, zene ya tyendé ñyemane wônane mfa'a ya yemelan jé é ne nkômbane Zambe. Nalé nye ane mvaé a nya *mvo'é e mise mé.

BERÔMEÑ 3:20

Amu ajô te teke môt a ye kabe asu dé amu mba'alane metiñ. Mvolane metiñ ô ne ve na be yem *abé. E ne été na, metiñ ma bo môt a yeme na a boya *abé.

BERÔMEÑ 3:28

Bia liti ne sañesañ na: Môt a kabe amu mbunan, saa amu mimboone mi mame ya metiñ.

BERÔMEÑ 4:5

Ve mfa'a môt a nji bo ésaé, ve buni môt a kale mbia môt, mbunane wé wo lañebane nye *zôsôô.

BERÔMEÑ 9:11

Jame ya semé na, bone bete be ngenane te bialé, nge tame bo mvaé nge *abé, ve mbôle ya na, fe'e Zambe é tabe, fe'e jé éte nje é nga taté yené, amu fili ntobane wé. A ntoban ôte, ô nji timbi amu mimboon mi mam, ve amu nyô a loon.

BERÔMEÑ 9:16

Ajô te a nji bo ajô nkômban, nge mveane ngule ya môt, ve ajô mvame Zambe.

BERÔMEÑ 9:30

Nde bia ye jô aya? Ve na bikul, e bi bi nji tôñe *zôsôô, ve be nga nyoñe nye, e ne na, e *zôsôô a so amu mbunan.

1 Ko 6:11

Avale te mi mbe, mia bevok.Ve mi nga sôban, mi nga tuneban a kaleban a jôé Nti Yésus Krist, a Nsisime Zambe wongan.

GALATI 2:16

Ve bia yeme na, môt a nji kabe amu mimboone mi mam ya metiñ, ve a mbunan a buni Yésus Krist. Bia fe bi nga buni Yésus Krist, saa mimboone mi mame ya metiñ, amu teke môt a ye kabe a mimboone mi mame ya metiñ.

EFEZE 2:4

Ve Zambe a ne njalan a mvam; amu beta nye'an a nga nye'e bia,

EFEZE 4:23

Mia yiane bobane mimfefé a ntyendane nsisime ya atyeñe denan,

EFEZE 5:26

Ajô te a nga kômbô bo je *mfuban a ntunane je a mendim ma sôp e ne na, mejô me Zambe été.

DEUTERONOME 9:5

Momo, sake amu zôsôôô wôé, nge bebela ya nleme wôé nde wo nyoñe si jap; v'amu ésase ya meyoñe mete nde Nti, e Zambe wôé, a titane me ôsu viôé, a asu ya yemete nkobô Nti a nga kane b'ésoo ngana: Abraham, Izak a Yakob.

KÔLÔS 3:10

a mi jaéya mfefé môt, nye ate, asu ya bi ñyeman, a ne te jô'é mboone mfefé éfunane a nté wé.

2 Tim 1:9

nyô a nga nyii bia a loone bia mfufube nloon, saa amu mimboone mi mam miangan, ve amu nkômbane wé émien a mvame jé, e *mvam é nga vebane be bia aso biyoñe ya nnôm éto e be Krist Yésus,

Tt 3:4

Ve éyoñe mvame Zambe Nyii wongan, a nye'ane wé mfa'a bôt, bi nga yené,

HÉBRE 10:22

e nsuba'ane ñhe bebé e be Zambe a minlem mi ne tee medu'an, a nya mbunan a minleme *mfuban teke bijô e mone môt ya *nlem été a menyôl me ne nsôban a mfubane mendim.

HÉBRE 4:16

Ajô te e nsuba'an éto njôane ya mvame bebé a ndi minlem, ane bia ye kooban éngôngo a yene *mvam, nde bia ye nyoñe mvolan éyoñ ja yian.

HÉBRE 6:6

E ne ayaé na be kôñelan éyoñe baa, e too na ba beta tyelé Mone Zambe élé yôp amu nkôñelane wop wo bo nye jôm ba ta.

1 Pi 1:3

Zambe a bo'o ébotan, Esaa Nti wongan Yésus Krist. Amu e beta *mvam wé été, a nga bo bia na, bi beta bialé a bi vevea ndi *nlem, amu ñwômane Yésus Krist e miñwuane na,

1 Pi 2:10

Mia, aso melu mvus, mi nji bo e bôte bé, ve éyoñe ji mi ntoo émbé. E mia mi nji koban éngôngo, ve éyoñe ji, mi koobaneya éngôngo.

1 Pi 3:21

Jame te e mbe ndeme nduan wo nyii mia éyoñe ji. O nji bo ntunane mvine ya nyôl, v'ô ne mintiñetane mi mbamba mone môte ya *nlem e mfa'a Zambe. Wo nyii mia amu ñwôman Yésus Krist,