Tt 3:3 - Kalate Zambe Nnomo a Mfefe Mfefé Nkôñelan

³ Amu melu mvus, bia fe bi nga too mekut, bebene njôan, ñyalane feñ, belo minkômban mise a mimvôman mevale mese, a nyiñ ézezam a minyamete été, angôndô *abé, a siane bia bia.

Bible en langue Bulu

³ Amu melu mvus, bia fe bi nga too mekut, bebene njôan, ñyalane feñ, belo minkômban mise a mimvôman mevale mese, a nyiñ ézezam a minyamete été, angôndô abé , a siane bia bia.

Tt 3:3 Iomraidhean Croise

KALATE METATAʼA 38:9

Amu Onan a nga yeme na mvoñe bôt éte jaa ye ke bo énjé, a nga sôé meyôme tyia éyoñ a ke bômbô minga monyañ, nalé ate a ye bo te ve monyañe wé mvoñe bôt.

KALATE METATAʼA 39:16

A nga bôôé ngômesane Yôsep e fefele jé, akekui nnôme wé a soya *nda.

BESAM 36:2

Nkobô mbo *abé a bene njôan ô ne ma *nlem été, a nji yen amu jé a yiane ko Zambe woñ.

MINKANA 8:5

Mia mekute me bôt, yéka'ane ntabane ntye, mia mi ne *te fek, yéka'ane ñyemane mam.

MINKANA 9:6

jôka'an mboone mame ya te fek éyoñe te mia ye nyiñ! Nalé fe na wula'an e zene ñyemane mam.

EZAYI 44:20

Môt a kôme kabetan asup nleme wé ô du'ubaneya, wo jañele nye fé; a ye bo te kôtéban! V'a ye fe kate jô na: jôme me bili mo ji, ye é se medu'ane nga'

ABDIAS 1:3

Mebune ya nleme wôé me du'uya wo, wo ô too e mimbane ya meko'o été, wo étaba'a jôé é ne mbetane yôp, a jô womiene na: za a ye sili ma a kui si'

METIAS 21:29

Nde mone nyô a nga yalane na me nji kômbô ke, v'asu'ulan, éyoñ a kôñelaneya *nlem, a nga ke.

LUKAS 21:8

Yésus a nga yalane na: Taba'ane ntyele ya woneban. Amu abui bôt da ye zu a jôé dam a jô na: ma le, a éyoñ é ntoo bebé. Te tôñane be.

YOANES 8:34

Yésus a nga yalane be na: Bebela, bebela fo'o ma kate mia na e môt ase a bo *abé a ne *ôlo ya *abé.

BERÔMEÑ 11:30

E ne été na, e melu mvus, mi nga bo Zambe melo. Ve éyoñe ji, amu melo map, mi nga koban éngôngol.

BERÔMEÑ 6:12

Jeñane ñhe na, *abé e bo te beta jôô e biwuwua menyôle bienan été a bo mia na mi ve mbia minkômbane mié mewôk.

BERÔMEÑ 6:17

E mva'ane Zambe akéva! Amu vôme mi nga to belo b'abé, mi nga ve éve'ela ya nye'elan mi nga nyoñ mewô'ô ma so *nlem.

BERÔMEÑ 6:22

Ve éyoñe ji, amu mi ntoo nkôtane mfa'a éto belo b'abé, mi ntoo belo be Zambe, a mia wume bibuma bia kee mia e *mfuban été; asu'ulane dap e ne ényiñe ya melu mese.

BERÔMEÑ 6:6

E ntuka'a wô'an ajô di: nnôme môte wongan ô nga tyeléban élé a nye, nde nyôle *abé nyô ja ye ndaman, ane bia ye bo te fe bo belo b'abé.

2 Ko 12:20

Ma ko fo'o woñe ya zu koone mia, éyoñe ma zu, mi too teke avale ma kômbô, a na, mi ke mi bo te yene ma avale mia kômbô: metyama'an a bo momo be mia nalé fe éviele, ayaa, mesengan, bibôta, ékobôkobô, *minkobô mi ébiasé, biduñ.

GALATI 6:3

Amu nge môt a buni na a ne jôm éziñ, éyoñ a nji bo je, a du'u émien.

KÔLÔS 1:21

A mia, mi nga too beyeñ e melu mvus, ba e mbe bete mbia mimboone miap mi nga dutu ayaa dé,

KÔLÔS 3:7

Melu mvus mi nga wulu e mam mete été, éyoñe mi mbe mi nyiñik me été.

2 Tim 3:13

ve mfa'a mbia be bôt a belaa minsos, ba ye yaé *abé été, a du'u bôt befe a bebien.

2 Tim 3:6

Bevo'o ya be be ba nyiin menda menda a dutu abibinga e ne njalan a mam *abé e mevote map, e nde ete e ntoo alo ya minkômbane mevale mese.

Tt 1:16

Ba meme na ba yeme Zambe, ve ba kate nye e mimboone miab été. Be ne angôndô y'abé, bikange kange, te ngule ya bo mbamba jam éziñ.

Tt 2:12

Ja ye'ele bia bi lik *abé a minkômbane ya si ndôn, nde bia ye nyiñe ntye e si ya éyoñe ji, *zôsôô, a e nye'ane mam me Zambe été,

YAKOB 1:26

Nge môt éziñ a buni na a ne mbuni Zambe, ve te bi ôyeme vié ngbwak, a du'émien, mbunane wé ô ne zesé.

1 Pi 1:14

Bo'one Zambe mewôk, a bo te beta bo mbia minkômban ya melu mvus, éyoñe te mi nga too ndiman été.

NLITAN 12:9

Ane beta dragoñ a nga wuaban e si, nnôme nyo, e nyô ba loone na Diable a Satan, ndu'u si ése, a nga wuaban e si baa beéngele bé nsamba wua.

NLITAN 13:14

Ja du'u bôt be too e si a e bitua bi mam bia vebane be je na é bo e mise me tit éte. Ja tindi na be telé éve'ela asu duma tit é be'e aveñe nkpwaté mekôn, nje é nga beta nyiñ.

NLITAN 18:2

A nga yôtan a tyiñe ngu a jô na: A kuya, a kuya, beta Babilôn. A ntoo étaba'a mimbia minsisim, étaba'a mimvimvine minsisim mise, étaba'a anon ese e ne mvin a *abé.