Tt 3:2 - Kalate Zambe Nnomo a Mfefe Mfefé Nkôñelan

² Te ta môt, a sa'ale meluman, a yené *mvo'é e be bôt, a liti ndeme nje'ebane *nlem e be bôte bese.

Bible en langue Bulu

² Te ta môt, a saʼale meluman, a yené mvoʼé e be bôt, a liti ndeme njeʼebane nlem e be bôte bese.

Tt 3:2 Iomraidhean Croise

SAMUEL BAA EJÔÉ DAVID 22:36

Wo ve ma ébene ya nyiane wôé, a évôvoé ja bo ma beta môt.

BESAM 140:11

Ma'a me nduan me kpwa'a be nyô. Zambe a bo'o na be bi'iti a ku nduan été, mbi'ili ñwô be se fe nguleya beta bet!

MINKANA 19:19

Nyô ayaa da bi a ye ya'an étom y'été, amu na nge wo jamé nye wo tindi nye na a beta taté.

MINKANA 25:24

E ne mvaé na môt a tabe abu'u y'andile nda a dañe ntabane *nda jia a minga mintañete.

MINKANA 6:19

ékotekote ngaa ja laane minsos nyô a miase mintañete e zañe bobenyañ.

EZAYI 40:11

A ve mbame biyeme wé bidi, ane mba'ale mintômba, a ye kôane bone mintômba a wo wé, a be'e be abume dé si; a ye ya'ale beyale mintômba ba nyia *bon.

METIAS 11:29

Beka'an éboñeté jam a yéka'ane be ma, amu me ne évôvoé a nleme nje'ebane si a mia ye yen awo'one ya minsisime mienan.

Mm 23:5

Paul nye na: A bobejañ, me nji yeme na a ne Ntuni nnen. E ne fo'o ntilane na: Wo ye bo te ta ntebe ôsu ya bôte bôé.

1 Ko 6:10

nge miñwuwup, nge bewôlé bôte biôm, nge beso'o bilam, nge bendamane bôte môé e zesé, nge benyoñ abet, ba ye nyoñe ngab éjôé Zambe.

1 Ko 9:19

Yaa, me ne e be bôte bese, ve me nga bo mamien *ôlo e be bôte bese, nde ma ye dutu bôt abui.

2 Ko 10:1

Mamiene Paul, ma sili mia de a évôvoé a e *mvo'é Krist été, e ma ma yeme suu mamiene si éyoñe me ne ézezañe jenan bi lôane mesu, ve ayok e be mia éyoñe me ne ôyap;

2 Ko 12:20

Ma ko fo'o woñe ya zu koone mia, éyoñe ma zu, mi too teke avale ma kômbô, a na, mi ke mi bo te yene ma avale mia kômbô: metyama'an a bo momo be mia nalé fe éviele, ayaa, mesengan, bibôta, ékobôkobô, *minkobô mi ébiasé, biduñ.

GALATI 5:22

Ve ébuma ya Nsisim é ne na: Nye'an, mevak, *mvo'é, njiban, *zôsôô, *mvam, mbamba *nlem, mbunan,

GALATI 6:1

A bobejañ, nge da kui na ba dilane môt éziñ a bo'o *abé, mia bôte ya Nsisim mi beta'a sôane avale môte te *zôsôô, a nsisime ya évôvoé; ve ô tabe'e ntye, amu womien fe ô ne ngule ya tôbane *meve'ele.

GALATI 6:10

Nde, nté bi bili éyoñe ya bo, e mbo'on ésaé mfa'a mvaé bôte bese, e dañedañ, e ba be ne ba ya *nda mbunan.

EFEZE 4:2

A nsuane bebiene si, a évôvoé, a njiban, jiba'ane mia mia e nye'an été.

EFEZE 4:31

Ziñ, ôlun ayaa, mewôman, meta mame mete mese ma yiane bo momo e zañe jenan, aval ane kane *nkpwala ese.

FILIP 4:5

Abeñe fulu denan e bo'o di bôte bese ba yem. Nti a ntoo bebé.

1 Tes 2:7

ve bi mbe fe ngule ya belane ngule jangan ane minlômane mi Krist. Ve bi nga too e zañe jenane njalan a évôvoé, aval ane nyia a futi e *bon a ve bidi ayôñe ya abume dé si.

1 Tim 3:11

Binga fe avale da, ba yiane bo éjijin, saa beso'o bôt, ve te dañe di nge nyu; e ba ya buni mimfa'a mise.

1 Tim 3:3

Saa nyuu bilam, nge môta mewosan, ve évôvoé, nlate bôte ngbwa, môt a nji yange ma'an,

YAKOB 3:17

Ve fe'e ja so yôp, ôsusua, é ne *mfuban, évôvoé, mvaé, ja late bôte ngbwa, ja ko éngôngo, ja wume mbamba bibuma, teke ôbangam nge bebadu'u.

YAKOB 4:11

A bobejañ, te koban *abé mia mia. E môt a kobô monyañ *abé nge tyi'i monyañ ajô, a kobô *atiñ abé, a tyi'i fe *atiñ ajô. A nge wo tyi'i *atiñ ajô, ô nji bo ane metiñ ma jô, ve nyô a tyi'i metiñ ajô.

1 Pi 2:1

Ajô te, va'an avale *nkpwala ese, minsose mise a nsisime bebadu'u aval ese, minyamete a bibôta.

1 Pi 3:10

E ne bebela na, nyô a kômbô nye'e ényiñ, a yene melu ya afok, a yiane ba'ale ôyeme vié a bo te laa minsos anyu dé,

1 Pi 3:8

Ma su'ulane jô mia na fula'ane minlem a wulu a fe'e jia. Mi nye'esan ane bobenyañ, a bi minleme ya éngôngo a anyep.

1 Pi 4:4

Ajô te ba kam amu jé mi nga tyetebe be, te fe fulan a be e mbia mboon été,

2 Pi 2:10

Osusua, a ye lebe ba ba tôñe mbia minkômban ya minsône miap, a biasé éjôé Zambe. E ba ba dañe buni bebien, ébiasé e nkobô, be ne teke semé bitôto'o bitétéa ya yôp, ve taa bie.

YUDE 1:10

Ve bôte bete ba kobô e mam be nji yem ébiasé. A e jame ba yem ñyemane ya nlô, akut ane betit, wo kee be ve njañan.

YUDE 1:8

Avale te fe bôte bete, e befe'e ya biyeyeme biab été, ba bo minsône mvin, a biasé ngule njôan a ta e ba be ne bitôtok.