Tt 1:8 - Kalate Zambe Nnomo a Mfefe Mfefé Nkôñelan

⁸ A yiane yeme nyoñe bôt, mvôé mbamba be mam, évôvoé, *zôsôô, étyi, njôô émien,

Bible en langue Bulu

⁸ A yiane yeme nyoñe bôt, mvôé mbamba be mam, évôvoé, zôsôô , étyi, njôô émien,

Tt 1:8 Iomraidhean Croise

1 Tim 3:2

Ve yeme na, évék a yiane bo tee bijô, nnôm a bili minga wua, te dañe di, fek a yeme nyiñ a bôt, anyep, ngule ya ye'ele,

Tt 2:7

mfa'a ya mame mese. Liti'i womien éve'ela mfa'a ya mbamba mimboon: e mfubane nye'elan été,

1 Bb. 5:7

Bengovina be nga ve biôm asu mba'alane njô bôte Solômon a bôte bese ba subu tawôlô njô bôte Solômon bebé, ngovina ase tañe ngone jia; be nji ke jô'é jôm éziñ é jemban.

1 Jn 5:1

E môt ase a buni na Yésus a ne Krist, a bialéya e be Zambe. A nyô ase *a nye'e Zambe a ne mbiaé, *a nye'e fe nyô a ne mbilane be Zambe.

1 Jn 3:14

Mfa'a wongan bia yeme na bi kôlô ya awu a kui ényiñ ve nné ane bia nye'e bobejañ. E nyô a ne te nye'e a too awu été.

1 Tim 6:11

Ve wo, a môta Zambe, sa'ale'e mam mete. Jeñe *zôsôô, mboone mam me Zambe, mbunan, nye'an, mban a évôvoé.

1 Tim 4:12

Môt a bo'o te biasé wo amu na ô ne ésoé. Ve bo'o éve'ela e be *bebuni, mfa'a ya nkobô, ntaban, nye'an, mbunan a mfubane wôé.

1 Tes 2:10

Mi ne bengaa, a Zambe fe, na, bi nga nyiñe be mia, *bebuni, ényiñ é ne *mfuban, *zôsôô a tee bijô.

BESAM 16:3

Azezambe ya *si nyô, mingungule me mbe me yene mvaé mite,

1 Bb. 5:1

Solômon a nga jôô *meyoñ mese ataté ôsôé Efrat, si Befilisteñ, a kui nnéa Israél a Ejipte. Be nga ya'ane *toya a saane Solômon nté ôse a nga vee.

SAMUEL ÔSU 18:1

Nné ane David a nga mane kobô Saül, Yônatan a nga kabetane David, a Yônatan a nga nye'e nye an'émien.

2 Tim 3:3

ba ye bo teke minleme mebum, njet, bibôta, be te jôô bebien, évô, besiñe mam me ne mvaé.

2 Tim 2:22

Mate'e mbia minkômbane bisoé, jeñe *zôsôô, mbunan, nye'an a *mvo'é mia be ba bese ba loone jôé Nti be too mfubane minlem.

Am 5:15

Vina'an *abé, nyeka'ane mvaé; *mbé aka'a ya ba kobô mejô, bo'one na *zôsôô nye a kabe: ndô'ôtô na, éyoñe te Nti, Zambe *minsamba mewosan, a ye ko *mebuka'a ya *nda bôte Yôsep éngôngo.

LUKAS 2:25

Nde môt éziñ a mbe e Yérusalém valé jôé na Siméon. Môt ate a mbe *zôsôô a nye'e mam me Zambe, a mbe a yange'e mvolane *nlem Israél a Mfufube Nsisim a mbe be nye.

Mm 24:25

Ve mbôle nkobô Paul ô nga dañe vôôn ajô *zôsôô ntaban, ajô njôane *nlem, ajô ntyi'ane mejô wo ye zu, ane Félix a nga ko woñ. Ane a nga jô Paul na: Tame beta bulan, ma ye beta loone wo éyoñ éfe.