Tt 1:2 - Kalate Zambe Nnomo a Mfefe Mfefé Nkôñelan

² amu ndi *nlem ényiñe ya melu mese, nje éte Zambe nyô a ne te laa minsos, a nga ve ngaka'a te na biyoñe ya nnôm éto bi ntoo.

Bible en langue Bulu

² amu ndi nlem ényiñe ya melu mese, nje éte Zambe nyô a ne te laa minsos, a nga ve ngakaʼa te na biyoñe ya nnôm éto bi ntoo.

Tt 1:2 Iomraidhean Croise

EZAYI 1:20

Ve nge mia ben a bo melo, nkpwaté mekôn wo ye mine mia: amu anyu Nti e kobôya.

NLAÑANE BÔT 23:19

Zambe a nji bo môte na a laa minsos. Nge mon adame na a jôban. E jam a jôya, ye a ye bo te bo de' Jam a kobôya, ye a ye bo te yemete de'

METIAS 25:34

Eyoñe te njô bôt a ye jô ba ba ye tebe nye mbo nnôme na: Za'an, mia bôt Esaa wom a nga botan, nyoñane ngab éjôé é nga kômban asu denan ataté ane émo é nga téban:

METIAS 25:46

Balé bete ba ye tôbane melebe ya nnôm éto, ve bezôsôô be bôt ba ye nyoñ ényiñe ya nnôm éto.

MARKUS 10:17

Valé Yésus a ndôme fo'o téé dulu, e nde môt éziñ a zu ke so mbil ôsu, a kute meboñe si, a sili nye na: A Mba Ñye'ele, ma yiane bo jé ane me ne nyoñ ényiñ ya melu mese'

MARKUS 10:30

a se ngule ya bo te nyoñe biôm bite ntet biôm tañe jôme jia éyoñ ébien ji, a taté menda a kui bobenyañ, a beka, a benyia, a *bon, a mefup, a fulane bikpwe'ele, a ényiñ ya nnôm éto mfa'a ya biyoñ bia zu.

YOANES 10:28

e nde fe ma ve mie ényiñe ya melu mese, teke mi ye'e jañ ajañ ajañ, a teke môt éziñ a ne vaa mie e mo mam a ngu.

YOANES 17:2

aval ô nga ve nye ngule ya jôô bôte, e nde te bôte bese, ô nga ve nye a ve be ényiñ ya melu mese.

YOANES 17:24

A Tat, ba ô nga ve ma, ma yi na e vôm me too be fe be tabe valé bia be be, ane ba ye yen étôto'o jam mamien, nje ô nga ve ma amu ô nga nye'e ma *si nyô é ngenan te boban.

YOANES 5:39

Mia ke mia fas Mintilan, amu mia bebiene mia yene na, ényiñe ya melu mese, mi ne nyoñ je été; a Mintilane mite mibien, mia bo'olô ajô dam.

YOANES 6:54

E môt a di minsône miam a nyu fe metyi mam a bili ényiñe ya nnôm éto, a mamien ma ye wômôlô nye e môse wo ye su'ulan.

YOANES 6:68

Ane Simon Pierre a nga yalane nye na: A Nti, bia ye ke e be za mfe? Ke wo ô bili mejô m'ényiñe ya nnôm éto,

Mm 15:18

Nalé Nti a jô, nyô a bo mam mete, mme me ntoo ñyeman aso nnôm éto.

BERÔMEÑ 1:2

Mbamba Foé ate, Zambe a nga mane ka'a nye, anyu bekulu mejô bé, e mimfufube mintilan été,

BERÔMEÑ 16:25

Nde e be nyô a bili ngule ya yemete mia, aval ane Mbamba Foé ma kat a né, éyoñe ma kañete Yésus Krist, aval ane nkulane *nsolane jam ô nga ba'aleban évôl été aso biyoñe ya nnôm éto ô né,

BERÔMEÑ 2:7

Enyiñe ya melu mese e be ba bese, amu mbane wop ya bo mvaé, ba jeñe étôtok a duma, a jôm é ne te tyendé.

BERÔMEÑ 5:2

E be nye, a zene ya mbunan, bi mbili anyiin e mvame Zambe a tabe je été. A bi bili mevak me ndi nleme ya étôto'o Zambe.

BERÔMEÑ 5:21

Nalé ate, aval ane *abé e nga jôô a kui awu, nde te amu *zôsôô, *mvam ja jôô asu ényiñe ya nnôm éto, amu Yésus Krist Nti wongan.

BERÔMEÑ 5:4

a njiban wo ve ngul e *meve'ele été; a njibane *meve'ele wo biaé ndi *nlem.

BERÔMEÑ 6:23

Amu ma'ane m'abé me ne awu, ve mveane zesé Zambe, ô ne ényiñe ya nnôm éto e be Yésus Krist Nti wongan.

KÔLÔS 1:27

A nga kômbô bo na be yem afok a étôto'o ya *ndimba jam éte ézezañe ya meyoñe me ne te yeme Zambe, e ne na Krist, ézezañe jenan, ndi nleme ya étôtok!

1 Tes 2:15

e mbe bete be nga wôé Nti Yésus a bekulu mejô, be nga kpwe'ele fe bia, be nji yené mvaé e be Zambe, a be ne besiñ be bôte bese.

1 Tes 5:8

ve bia bi ne ba be *môs, e mbo'on atyeñ, bi jaé ébene mbunan a ji nye'an, a ékôngô ndi nleme nyian.

1 Tim 6:12

Wosa'ane mbamba mewosan me mbunan, jeñ ényiñe ya melu mese, nje éte ô nga loban, aval ane ô nga mem mbunan mbamba mmeman ôsu ya abui bengaa.

1 Tim 6:19

Nde ba ye kôane bebien mbamba akum a libi melu ôsu, a bi ényiñ é ne fo'o nya ényiñ.

2 Tim 1:1

Ma, Paul, *nlôman Krist Yésus, amu nkômbane Zambe, aval ane ngaka'a ényiñ é ne e Krist Yésus été é né.

2 Tim 1:9

nyô a nga nyii bia a loone bia mfufube nloon, saa amu mimboone mi mam miangan, ve amu nkômbane wé émien a mvame jé, e *mvam é nga vebane be bia aso biyoñe ya nnôm éto e be Krist Yésus,

2 Tim 2:10

Ajô te ma jibi mame mese, amu mintobane mi bôt, nalé be fe ba ye bi nyian ô nee be Krist Yésus a étôto'o ya nnôm éto.

2 Tim 2:13

Nge bia bo te bo ba a too be ndi, ve nye a ye bo étabe ndi jangan, amu a se ngule ya dimi émien.

2 Tim 2:15

Ô va'a ngule ya yené asu Zambe, ane nyô a ve'elebaneya, ane mbo ésaé a ne te wô'ô ôson, nyô a ye'ele bôt benya mejôô *zôsôô.

Tt 2:13

nté bia yange mefo'a ndi *nlem a nliteban étôto'o beta Zambe wongan a Nyii bôt Yésus Krist.

Tt 2:7

mfa'a ya mame mese. Liti'i womien éve'ela mfa'a ya mbamba mimboon: e mfubane nye'elan été,

Tt 3:7

nde, éyoñe bi kabeya amu mvame jé, bia ye bo benyoñe ngab ényiñe ya melu mese amu ndi minlem é né.

1 Jn 2:25

Avale te ngaka'a émien a nga bo bia é né. E ne na ényiñe ya melu mese.

1 Jn 5:20

Bia yeme na Mone Zambe a nga so. A nga ve bia atyeñe ya yeme nyô a ne Nyaa, a Bebela! Bi ne be Nyô ane Nyaa e be Mone wé Yésus Krist. E nye a ne bebela Zambe a ényiñe ya melu mese.

YUDE 1:21

Taba'an e nye'ane Zambe été. Ajô ényiñe ya melu mese, tela'ane ndi minleme jenan e nkoon éngôngol Nti wongan Yésus Krist été.

NLITAN 13:8

Ba ye kañe nye, ba bese be too e si, e ba bese môé map me nji bo ntilan e kalate ényiñ Mone Ntômba a nga wôéban aso mbôka'a ya *si nyô.

NLITAN 17:8

E tit wo te yen é nga too, ve é nji beta bo. Ja ye so mbi'ili a ke e njañ. A e bôt be too e *si nyô mbe môé me nji bo ntilan e kalate ényiñ ane *si nyô é nga téban, ba ye semé éyoñ ba yene tit éte, amu é nga too, ve é nji beta bo, ve ja ye beta so.

SAMUEL ÔSU 15:29

Nyô a ne ngule Israél, a ne te laa minsos nge jôban, amu a nji bo *abé!