SAMUEL BAA EJÔÉ DAVID 9:10 - Kalate Zambe Nnomo a Mfefe Mfefé Nkôñelan

¹⁰ Wo ye bé mefup asu dé, womien, bone bôé a bebobisaé bôé a wo ye naane bidi wo ye kôan, nalé mona e masa wôé a ye bi bidi ya di. Ve Mefibôsét, e mona masa wôé, a ye di tawôlô wom éyoñ ése. Siba a nga bili *bon awôm a betan a bebo bisaé mewôm mebaé.

Bible en langue Bulu

¹⁰ Wo ye bé mefup asu dé, womien, bone bôé a bebobisaé bôé a wo ye naane bidi wo ye kôan, nalé mona e masa wôé a ye bi bidi ya di. Ve Mefibôsét, e mona masa wôé, a ye di tawôlô wom éyoñ ése. Siba a nga bili bon awôm a betan a bebo bisaé mewôm mebaé.

SAMUEL BAA EJÔÉ DAVID 9:10 Iomraidhean Croise

SAMUEL BAA EJÔÉ DAVID 16:3

Njô bôt a nga jô na: E mon masa wôé a ne vé? Siba a nga yalane njô bôte na: A li'iya Yérusalém amu a te jô na: Den ndaa Israél ja ye bulane ma éjôé ésaa wom.

SAMUEL BAA EJÔÉ DAVID 19:18

Ba be bôte toyini ya Bényamin be mbe nsamba a Siba, mbo ésaé ya *nda Saül ba be bobefame bé awôm a betan a bebo bisaé bé mewôm mebaé. Be nga yiane ke tôbane njô bôt e Yordan,

SAMUEL BAA EJÔÉ DAVID 19:28

Ve a te laane tate wom, njô bôte minsos ajô mbo ésaé wôé. Ve tate wom, njô bôt, a ne aval'ane éngele Zambe. Bo'ok e jam wo ye yene mvaé e mise môé.

SAMUEL BAA EJÔÉ DAVID 21:7

Njô bôt a nga kamane Mefibôsét, e mona Yônatan ndaé Saül amu ngana David a Yônatan, e mona Saül, be nga kan e zañe jap asu Nti.

SAMUEL BAA EJÔÉ DAVID 9:7

David a nga jô nye na: Te ko woñ! Bebela a ne na ma zu mvamane wo amu ésoo Yônatan. Ma ye bulane kee wo mesi m'ésoo Saül mese, a wo ye di tawôlô wom éyoñ ése.

1 Bb. 2:7

Ve wo ye mvamane bone be Barsilayi ya Galad; ba yiane bo e nsamba ya ba ba di tawôlô wôé, amu be nga zu be ma a mbamba *nlem éyoñ me nga tube monyoñe Absalom.

2 Bb. 25:29

A nga bo nye na a tyendé mengômesane mimbô'ô mé a nga be'e, a Yehôyakin a nga di éyoñ ése e vôm a nga too, nté ôse a nga vee.

YEREMIA 52:34

Mbelan be nga belane nye, mbelane y'éyoñ ése ô mbe nye nkôman be njô bôte ya Babilôn, *môs ane *môs, akekui *môs a nga wu, nté ényiñe wé ôse.

LUKAS 14:15

Wua ya bôt be nga too tawôlô, éyoñ a maneya wô'ô mejô mete, a nga jô Yésus na: Ebotan a môt a ye tabe tawôlô ndian éjôé Zambe!