SAMUEL BAA EJÔÉ DAVID 5:2 - Kalate Zambe Nnomo a Mfefe Mfefé Nkôñelan

² Ayap é ngenan te lôt éyoñe Saül a mbe njô bôte wongan, wo ô nga wulu Israél meke a meso. Nti a nga jô wo na: Wo ye ve mbame bôte wom Israél bidi, a wo ye bo nliti zene y'Israél.

Bible en langue Bulu

² Ayap é ngenan te lôt éyoñe Saül a mbe njô bôte wongan, wo ô nga wulu Israél meke a meso. Nti a nga jô wo na: Wo ye ve mbame bôte wom Israél bidi, a wo ye bo nliti zene yʼIsraél.

SAMUEL BAA EJÔÉ DAVID 5:2 Iomraidhean Croise

KALATE METATAʼA 49:24

Ve *élaé jé é nga li'i é too avale da, e mo mé me nga vebane ngu a mo me Ngungule Yakob; ajô te a nga su'ulane bobane mba'ale, akôm Israél.

SAMUEL BAA EJÔÉ DAVID 6:21

Ane David a nga yalane Mikal na: Ma te vak e mise me Nti, Nyô a nga tobe ma a dañ ésoo a *nda bôte jé ése a telé ma njôô ya ayoñ Israél: ôsu vié ñwô ma te vak.

SAMUEL BAA EJÔÉ DAVID 7:7

Vôm ase bia be bone b'Israél bese bi keya, ye me toteya éfia e be ayoñe da ya *meyoñ y'Israél di me nga bendé na é ve bôte bam y'Israél bidi, ye me jôya na: Amu jé mi nji lôñe ma *nda besédre'

SAMUEL BAA EJÔÉ DAVID 7:8

Eyoñe ji wo ye kobô mbo ésaé wom David na: Nti ya *minsamba mewosan a jô na: Ma me nga nyoñe wo vôm ba ba'ale biyem, e mvuse mimbam betit, na ô bo nliti zene ya bôte bam y'Israél.

2 Bb. 20:5

Bula'ane ke jô Ezékias, nliti zene ya bôte bame na: Avale di nde Nti, e Zambe David, ésoo a jô na: Me wô'ôya meye'elane môé, me yeneya mili'i môé. Tame yen ma ye bo wo mvo'é; e môse lale, wo ye bet e *nda Nti.

1 Minkte 11:2

Ayap é ngenane te lôt, to'o na éyoñe Saül a nga vee, wo ô mbe ô kele'e Israél a soo fe nye. Nti, e Zambe wôé, a nga jô wo na: Wo ye ve ayoñ Israél dam bidi, a wo wo ye liti ayoñ Israél dame *zen.

2 Minkte 1:10

Eyoñe ji a ntoo ñhe ve ve ma fek a ñyemane mam, nalé ma ye yeme wulu e bôte bana ôsu. Amu na, za nye a ne nguleya jôô e beta ayoñe bôte wôé nyô'

EZAYI 40:11

A ve mbame biyeme wé bidi, ane mba'ale mintômba, a ye kôane bone mintômba a wo wé, a be'e be abume dé si; a ye ya'ale beyale mintômba ba nyia *bon.

EZAYI 55:4

O lôô me nga telé nye ane ngaa ya *meyoñ, ane nliti *zen, a jô'ô *meyoñ.

EZEKIEL 34:23

Ma ye telé be mba'ale mintômba wua, nye a ye ve mie bidi mbo ésaé wome David, a ye ve mie bidi a ye bo mba'ale wop.

MIKÉ 5:4

Nye a soo *mvo'é! Eyoñ Beasirieñ ba ye zu e si jangan, a nyiine menda bejô bôte mangan, bia ye telé nye beba'ale mintômba zamgbwa, a bivete y'ayoñ muam e ngame yat.

NLAÑANE BÔT 27:17

nyô a kui ôsu viap, a nyô a nyiin ôsu viap, nyô a bo na be kui a bo fe na be nyiin, nalé ékôane bôte Nti ja ye bo te bo aval'ane mintômba mi nji bi mba'ale.

METIAS 2:6

Amu wo a Bétléhém, si ya Yudé ô nji dañe dañe tyôtyoé ézezañe minlô minlame ya Yuda, Amu na Njôô a ye so be wo, A ye ba'ale mbame wom Israél.

YOANES 10:11

Ma me ne mbamba mba'ale. Mbamba mba'ale a ju ényiñe jé amu mintômba.

HÉBRE 2:10

E ne *zôsôô na, Zambe, nyô a nga té a ba'ale biôme bise, a bo Yésus e nyô a yian, a zene ya mintaé, nde a ye zuu *bon abui be nyoñe ngap ya étôto'o jé. Amu Yésus a ne nyô a kee be nyian.

SAMUEL ÔSU 13:14

Eyoñe ji njôane wôé woo ye ke fe tebe. Nti a jeñeya môt e nleme wé wo yene mvaé, a Nti a teléya nye nliti zene ya bôte bé, amu ô nji ba'ale jame Nti a nga bendé wo.

SAMUEL ÔSU 16:1

Ane Nti a nga jô Samuel na: Wo ye yône Saül nté *mbé? Ma me beneya nye na a bo te beta jôô Israél. Jalé'é nla'a mbone wôé a ke! Ma lôme wo e be Izayi, e Bétléhém, amu me yeneya njô bôte wom e bobefame bé été.

SAMUEL ÔSU 18:13

Ajô te Saül a nga vaa David bebé e vôm a nga too, a telé nye évete ya toyina bôt. David a mbe a kelek a so'ok, a too nlô ya bôt.

SAMUEL ÔSU 18:16

V'Israél ase a Yuda be nga nye'e David, amu a mbe évete jap meke a meso.

SAMUEL ÔSU 18:5

David a nga ke e vôm ase Saül a nga lôme nye a a nga bo mbamba ésaé vôm ase; Saül a nga telé nye évete ya bôte mewosan a bôte bese y'ayoñ be ga yene nye mvaé, to'o na bebo bisaé be njô bôt.

SAMUEL ÔSU 25:28

Ma ye'elane wo na ô jamé ékobe mbo ésaé wôé a ne minga, amu Nti a ye fo'o bo tate wome na a bi *nda bôt é ne te k'afô'é, amu tate wom a ne e ngame mewosan me Nti. Ajô te be bo'o te koon *abé be wo éyoñ éziñ!

SAMUEL ÔSU 25:30

Eyoñe Nti a ye bo tate wom mvaé ése a nga ka'a wo, a telé wo évete y'Israél,

SAMUEL ÔSU 9:16

na: A Akiti, aval'éyoñe di, ma ye lôme wo môte ya Bényamin, wo ye wo'o nye mbone na a bo nliti zene ya bôte bam Israél. A ye nyii bôte bam e wo Befilisteñ; a me Fombôya bôte bam amu ñyône wop ô beteya a kui be ma.