MINYÔN 2:9 - Kalate Zambe Nnomo a Mfefe Mfefé Nkôñelan

⁹ Mimbé mié mi maneya nyiine si été, a maneya tyame bie a té mengôñ. Njô bôte wé ba be bivete bié be ne *mmialan e *meyoñ été; metiñ me nji fe bo. To'o na bekulu mejô bé fe teke fe yene mam me too nlitane Nti.

Bible en langue Bulu

⁹ Mimbé mié mi maneya nyiine si été, a maneya tyame bie a té mengôñ. Njô bôte wé ba be bivete bié be ne mmialan e meyoñ été; metiñ me nji fe bo. Toʼo na bekulu mejô bé fe teke fe yene mam me too nlitane Nti.

MINYÔN 2:9 Iomraidhean Croise

2 Bb. 25:7

Be tyi'i bobefame be Sédékias *tyiñ émien a too; wôna njô bôte ya Babilôn a nga bo na be tube Sédékias mis, a nga bo fe na be ka'a nye a minkole mi mvot a kee nye e Babilôn.

2 Minkte 15:3

Israél a nga tabe ayap teke nya Zambee, teke bi *ntuni a ye'ele, nge metiñ.

NEHEMIE 1:3

Ane be nga yalane me na: Ba be nga li'i te ke minkôm, be n'éfase si éte wé, be too e mbia nju'u été a ôson été: mfine *mekok wo bômane Yérusalém ô maneya ke wo bu'i, a mimbé y'été mi maneya di'iban a nduan.

BESAM 74:9

Bi nji yene mendeme mangan; *nkulu mejô éziñ a nji fe bo; a teke môt éziñe ya be bia a yem nté jame te da ye tabe.

EZAYI 24:12

Jôm é li'iya e tison fo'o ve minkpwas, *mbé y'été ô maneya bôlé, ô maneya tyamban.

YEREMIA 14:14

Ane Nti a nga jô me na: minsos mmie bekulu mejô ba kuli a jôé dam, me nji lôme be, me nji ve b'abendé éziñ, me nji kobô be; miñyenane mite mi ne minsos, bemvi'i a nkañane bengunemelan, mendu'ane ya minleme miap mmie ba kuli mia.

YEREMIA 23:16

Avale di Nti ya minsamba mewosan a jô na: te vô'ôlane mejô bekulu mejô ba kulu mia mejô! Ba du'u mia, ba kañete mia miñyemane ya minleme miab mibien, saake jam da so anyu Nti.

YEREMIA 39:2

Ngone nyini é too melu ébu ya mbu awôm a wua, Sédékias njô bôte ya Yuda a nga jôô, ñwô beta nsalan a nga bobane tisone Yérusalém.

YEREMIA 39:8

Bekaldééñ be nga di'i *nda njô bôt a nduan a menda me bôte y'ayoñ, wôna be nga kpwé fe mimfine ya Yérusalém.

YEREMIA 51:30

Bewosane ya Babilôn be jô'éya mewosan, be li'iya be too e bitison bi bili alem; be vuaneya éwôlô jap, be ntoo ane binga; be futiya nduane menda mé, be téya mengôñe mé.

YEREMIA 52:14

Nkane bita Bekaldééñ ôse ô mbe a évete bezimbi, ô nga mane tyame mimfine mise mi nga bômane Yérusalém.

MINYÔN 1:3

Eyoñe Yuda a ke minkôm, ôsame a éto *ôlo bi lateya nye. Yuda a too bikule zañ, ve a kate bi awo'on. Bekpwe'ele bé be diliya nye ôfanefane vôm.

MINYÔN 4:15

Be mbe be jô'ô be na: Kôla'an, mia mimvimvin! Kôla'an! Kôla'an! Te nambane bia! Eyoñe ba ke ba tub te yeme vôm ba ke, bikuu bi nga jô na: Be se nguleya tabe be bia ayap.

MINYÔN 4:20

Nyô a mbe ényiñe jangan, nyôô Nti a ne ñwo'one mbon a biliya e bibé biap. Bi mbe bi jô'ôk ajô dé na: Bia ye nyiñe *meyoñ été bi too éjijine jé si.

EZEKIEL 12:13

Ma ye wua avote dame be nye, a a ye bili ôlame wom; ma ye kee nye Babilôn sii Bekaldééñ; ve a ye ke je a a ye wu.

EZEKIEL 17:20

Ma ye wua avote dame be nye a a ye bili ôlame viam; ma ye kee nye Babilôn a e wé bia nye bia ye kat ajô jo'ojo'o dulu a nga wulu mfa'a wom.

EZEKIEL 7:26

Bidim bia tôñe bidim, foé ja tôñe nyô fok; ba sili *nkulu mejô miñyenan. Ve metiñ ma jeñebane be ntuni a fek e be bemvendé.

Oz 11:6

Nkpwaté mekôn wo ye biban e bitisone biap, a jiane mefôla ma bômane be, wo ye mine be, amu asimesan be nga bi.

Oz 3:4

Nalé ate bone b'Israél ba ye tabe abui melu: teke njô bôt, tek'évet, teke *bityi'a, te k'akôn ôzezambe, tek'éfôd nge *ngunemelan.

Am 1:5

a ma ye bu'u ôlé étyé wo dipe *mbé aka'a ya Damas a jiane bôt be too mbi'ili Aven, a nyô a bili *ntum éjôé ya *nda njô bôt Eden, a ba ye kee bôte ya Siri minkôm e si ya Kir, nalé Nti a jô.

DEUTERONOME 28:36

Nti a ye bo na ô wulu, womien a njô bôte wôé wo ye telé, a ke minkôm e b'ayoñ ô nji tame yem, womien, to'o na b'ésoo.

DEUTERONOME 28:63

Avale Nti a nga yen ava'a ya bo mia mvaé a fôlô mia, avale te a ye yene mvaé ya wôé mia a jiane mia; a ba ye vaa mia e si wo ye nyoñ a ngu.

SAMUEL ÔSU 28:6

Ane Saül a nga sili nkômbane Nti; ve Nti a nji yalane nye, to'o a biyeyem, to'o a Urim, to'o a bekulu mejô