MINYÔN 2:4 - Kalate Zambe Nnomo a Mfefe Mfefé Nkôñelan

⁴ A koléya *élaé jé ane nsiñ, mbo nnôme wé ki nkômesane ya limiti je ane nyô a ne ngame yat, a maneya wôé jôm ése mis me mbe me yene mvaé, ayaa dé e kalaneya e *nda Zambe ya Yérusalém ane nduan.

Bible en langue Bulu

⁴ A koléya élaé jé ane nsiñ, mbo nnôme wé ki nkômesane ya limiti je ane nyô a ne ngame yat, a maneya wôé jôm ése mis me mbe me yene mvaé, ayaa dé e kalaneya e nda Zambe ya Yérusalém ane nduan.

MINYÔN 2:4 Iomraidhean Croise

2 Minkte 34:21

Kela yemelane nkômbane Nti asu dam a asu *mebuka'a me Israél a Yuda ajô mejô ya kalate a te some nyô, amu ayaa Nti é maneya sôébane be bia di e ne anen, amu b'ésaa bangan be nji ke ba'ale nkobô Nti a bo aval ése é ne ntilan e kalate nyô.

2 Minkte 34:25

Amu be li'iya ma a di'i bezambe befe beôlobinda; asu ya bo me na me wô'ôlun a mimboone mise ya mo map, nde ayaa dam é sôébaneya e vôme nyô, a da ye bo teke dim.

Yb 19:11

Ayaa dé é kalaneya me nyô, a nyoñeya ma ane wua ya besiñe bé.

Yb 6:4

Amu mekoñ m'élaé ya Nyô a ne Ngul ése me tulaneya me nyô, a nsisime wom ô nga nyu nsule y'été. Beangôndô be mame Zambe be ne me ngame yat.

BESAM 37:14

Bebo *abé ba té nkpwaté mekôn, ba kolé élaé mfa'a ya na ba wôé éngôngole môt ba *nzôzoé, asu ya tyi'i ba zene jab é ne *zôsôô tyiñ.

BESAM 7:13

Nge a bo te bulane be nye, ékotekote môt ja jebe nkpwaté mekône wé, a kolé *élaé jé a sôñe je nkôman.

EZAYI 42:25

Ajô te a nga sôé ayôñe y'ayaa dé njete ya mewosane mé e nyôl Israél. Bita bite bi nga sôé nye nduane nyô bifase bise; a a nji fe beta kômbô yeme jôm éziñ; a nga mane di'i Israél v'Israél a nji nyoñe jame te anene mfa'a wé.

EZAYI 63:10

Ve be nga bene njôan, be nga ve mfufube Nsisime wé ôlun; nde a nga kôñelane a bo nsiñe wop a nye a nga wosane be ngame yat.

EZAYI 63:6

Ayo'o dam été, me nga tibi *meyoñ me bôt a mebo; me nga bo na me sok ayaa dam été, a me nga mialan metyi mabe si.

YEREMIA 10:20

Nda éndelé jam é maneya tyamban, minkole miam mi maneya téé, bone bam be kôlôya be ma; be nji beta bo; me nji bi môt a ne beta limi *nda éndelé jam, nyô a ne beta bete menda bindelé mam;

YEREMIA 21:12

A *nda bôte David! Avale di Nti a kobô na: tyi'ane mejô *zôsôô ataté mametyé, a vaa nyô ba diane nye e mo me ntibili bôt, ayaa dam e za tôtan ane nduan, a e za yôñé, môte ya dime de momo, amu évô ya mimboone mienan.

YEREMIA 21:5

A mamien ma ye wosane mia a akule wo e ne nsaman, a wo ô ne ngu, a ayo'o ese a ayaa ese, a beta ôlun ase.

YEREMIA 30:14

ba bese be mbe be nyeke'e wo ba ye vuane wo, te fe beta jeñe wo; amu me nga bibi wo avale nsiñ a bibi, me nga ve wo *melep mveane njet, amu ézu'u bikobe jôé, a anene ya *abé dôé.

YEREMIA 36:7

Ndô'ôtô na, minja'ane miab mia ye kui asu Nti a bo nguleya bulan, môt ase mbia zene wé; amu ayok a ayaa Nti a maneya tot mfa'a bôte ba e n'anen.

YEREMIA 4:4

Tyi'ibane metye asu Nti, tyi'ibane metyele ya minleme mienan, a bôte ya Yuda a ba be too Yérusalém, ayaa dam e za kalan ane nduan, e za yôñé ane nkaba'a nduan, bôt be too te nguleya dime wô, amu *nkpwala ya mimboone mienan.

YEREMIA 42:18

Amu avale di Nti ya *minsamba mewosan, e Zambe Israél a jô na: Aval ayaa, a ayo'o dam bi nga sôéban e be bôte ya Yérusalém, avale te ayaa dam da ye sôébane be mia, nge mia k'Ejipte; mia ye bo jôme biyo'é, melunga, ébiasé a ôsame. A mia ye bo te beta yene vôme nyô.

YEREMIA 7:20

Ajô te Zambe, nyô a ne Nti, a kobô na: ô lôô ayaa dam a ayo'o dam da sôéban e vôme nyô, e be bôt a betit, e bilé ya fé a bibuma ya si; da ye yôñ teke beta dim.

MINYÔN 1:13

A too yôb été, a lômeya nduan é di'i ma bives, a dañe bie ngu; a yaaya avot e mebo mame si a sô'ôlô ma kayale; a boya ma me tabe étam a kone *môs ôse.

MINYÔN 2:5

Nti a ntoo fo'o v'ane nsiñ; a mineya Israél; a mineya fe menda bejô bôte mé, a maneya tyame bitisone bi'aleme bié, du a miñyôn a jaléya bie e be ngone ya Yuda été.

MINYÔN 3:3

Môs ôse, a kôñelane me wo wé e ngame yat biyoñ biyoñ.

MINYÔN 4:1

Jia! or a ntoo teke fe faé! Nya or a maneya tyendé! Meko'o me n'étyi me ntoo mmialan e mebôta ya minjoñe mise!

MINYÔN 4:11

Nti a keya kui aku'u y'ayaa dé, a sôéya ayaa dé e n'ayôñ. E Siôn, a bo'éya nduan ja di'i nje é maneya mine mimbôka'a mié.

EZEKIEL 13:13

Ajô te ñhe avale di Nti nyô a ne Zambe a jô na: Ayo'o dam été ma ye bo na ôkôs ô vuñ; ayaa dam été meduulu mveñ a ye noñ a meko'o meta'a ma ye ku a ngul ése asu ya jiane jôm ése.

EZEKIEL 20:34

Ma ye vaa mia ézezañe *meyoñ me bôt a ma ye sulane mia a wo ô ne ngu a nsaman mi so'o mesi mi nga mane mialane me sô'é ayaa dam.

EZEKIEL 22:22

Avale argent a nyemé mbe'e nduan été avale te mia ye nyemé Yérusalém été.

EZEKIEL 24:25

Mfa'a wôé, a mona môt, e ne fo'o na môse ma ye vaa jôme ja bo ngule jap, ava'a dap, mekom a bivongo biap, mefo'o ya mise map, ntéane nleme wop bobefame bap a bobebinga bap,

EZEKIEL 36:18

Eyoñe te me nga jô'é, ayaa dam e nyôle jab amu metyi be nga mialan e si jab a amu bengunemelan be nga ve si éte mvin.

EZEKIEL 5:13

Ayaa dam da ye tôéban, ma ye je'e ayo'o dam e nyôle jap, a ma ye bo mamiene mvaé a ba ye yeme na ma Nti, me kobôya abane dam été a kui ayaa dam da tôébane be be.

EZEKIEL 6:12

Nyô a n'ôyap a ye ku bim, nyô a ne bebé a ye ku a nkpwaté mekôn, nyô a ye li'i a dilibane bita a ye wu mfumbale zaé. Ma ye tôé ayaa dame be be,

EZEKIEL 7:14

Ba loñe toñ, jôm ése é ntoo nkôman, ve teke môt a wulu dulu mewosan amu ayôñe y'ayaa dam da tôtane nyôle jama bôte wob ase.

LEVITIK 26:17

Ma ye kôñelane mia asu dam e ngame yat a besiñe benan ba ye bôme mia ôsu vienan; ba ba siñe mia ba ye bebe mia minlô yôp, a mia ye mate teke môt a titane mia.

NAHUM 1:2

Nti a ne e Zambe a n'aban, a kun émien; Nti a kun émien, a ne njalan a ayaa; Nti a kun émien e be besiñe bé, teke jamé be.

NAHUM 1:6

Za a ne jibi ayaa dé' A za a ne tebe ayôñ ayaa dé e ngame yat' ayaa dé da mialan ane nduan a bôé mekôk.

DEUTERONOME 32:22

Yaa, ayaa dam e kalaneya: da nyiin ja'ana e bido'o ya vôme miñwuan mi né; aval'ane nduan, da di'i bibuma bise ya si, da di'i a kui minkañe ya minkô.

SAMUEL ÔSU 28:16

Samuel na: Amu jé wo sili fe'e jam éyoñe Nti a keya wo ôyap a a ntoo wo ngame yat'