MINYÔN 2:2 - Kalate Zambe Nnomo a Mfefe Mfefé Nkôñelan

² Nti a maneya mine bitaba'a bi Yakob bise te k'éngôngo; ayaa dé été, a maneya tyam bitison bi'alem ya Yuda, a maneya wua bie si; a sameleya si a bejôô y'été.

Bible en langue Bulu

² Nti a maneya mine bitabaʼa bi Yakob bise te kʼéngôngo; ayaa dé été, a maneya tyam bitison biʼalem ya Yuda, a maneya wua bie si; a sameleya si a bejôô yʼété.

MINYÔN 2:2 Iomraidhean Croise

Yb 2:3

Nde Zambe a sili satane na: Ye ô yeneya fo'o mbo ésaé wom Yob? E *si nyô môt éziñ a nji bo ane nye; étua *mvo'é môt a *zôsôô, a ko Zambe woñ a sa'ale'e fe *abé. A yeme ngu e ntabane *mvo'é wé été, a wo tindi me na me dimili nye te étom.

BESAM 21:9

Wo wôé wo ye koone besiñe bôé éyoñ ése, mbo nnôme wôé wo ye koone ba ba vini wo.

BESAM 74:7

Be bo'éya *nda jô'é é n'étyi nduan; be biaséya étaba'a ya jôé dôé a wua je e si.

EZAYI 22:5

Amu den a ne môse ya fe'e njañan, môse mbiban a fe'e ne vema, ñwô Nti, Zambe ya *minsamba mewosan a lômeya; e mbi'ili ya ñyenane mam été, beta mfin a kuya, a miñyôn mia bet e mfa'a ya beta minkô.

EZAYI 23:9

Nti ya minsamba mewosan nye a nga nyoñe ntyi'ane te, asu ya balé mebune ya jôm ése ja faé aveñ, asu ya sili e ba bese be be'e duma e *si nyô si.

EZAYI 25:12

Mfa'a ya meka'a môé a Môab, mfa'a ya aleme dôé e n'ôyabe yôp, Nti a sô'ôlôya bie si, a kpwéya a wua bie si, e mbulu'u été.

EZAYI 26:5

a sô'ôlôya ba be nga too mevôm me n'ôyabe yôbe si, a siliya tison é nga zalé si a siliya je a kui tyia, a boya je na é nnambe mbuluk.

EZAYI 27:11

Eyoñe mintyaé mia kôt, ba bu'u mie; binga ba zu futi nduan été. Be mbe bôt be ne te k'atyeñ, ajô te nyô a nga té be a nji ko be éngôngo; nyô a nga mé be a nji ke mvamane be.

EZAYI 43:28

ajô te me nga bo bivete ya vôm a n'étyi ane zesé bôt, me nga kee Yakob e njañ a Israél e metaa été.

EZAYI 47:6

Me nga wô'ô ayoñe bôte dam *abé, me nga ndaman éli'i jam a kalane be e mo môé; ô nji ke ko be éngôngo, ô nga titi adit ébôñeté jôé e bitule bi nnôme môt.

YEREMIA 13:14

Ma ye bo be bifus, bana be wosa'ane ba bevok, b'ésaa a bone nsamba wua, nalé Nti a jô; ma ye bo teke señele jam, éngôngole momo, mvañe momo, teke jôm ja ye kamane me na me mane jiane be.

YEREMIA 19:15

avale di nde Nti ya *minsamba mewosan, e Zambe Israél a jô na: Mi lôô ma zuu bidim bise me nga jô bie e tisone nyô a e bitisone bise bi n'éjôé jé si, amu be nga bo metyiñe mabe ñyemelane na be bo te wô'ô mejô mam.

YEREMIA 21:7

Mvus éte, nalé Nti a jô, ma ye ve Sédékias, njô bôte ya Yuda, bebo bisaé bé, ayoñ a ba bese be too e tisone nyô mbe ba ye fame bim, bita a mfumbale zaé a nkpwaté mekôn, ma ye ve be e mo me Nébukatnétzar, njô bôte ya Babilôn, e mo besiñe bap, a e mo me ba ba jeñ ényiñe jap; a ye wôé be a meyo me nkpwaté mekôn, a ye bo te éngôngole mfa'a wop, teke ye'ele jôm a mvame momo.

YEREMIA 5:10

Betan e meka'a ya Yérusalém yôp, a tyame me. Ve te mane jian ase! Va'ane mintyaé mié, amu mi nji bo mi me Nti!

MINYÔN 2:17

Nti a tôéya jam a nga tyik, a boya mejô a nga nyoñe ntyi'an mimbu ya mvus. A tyameya te k'éngôngo; a boya wo ava'a besiñ, a beteya ngule ya besiñe bôé yôp.

MINYÔN 2:21

Bisoé a minnôm ba bôbôane si; bengo be binga bam a bendômane bam ba ku mimbim a nkpwaté mekôn; wo jian e môse y'ayaa dôé, wo tyi'i *tyiñ te k'éngôngo.

MINYÔN 2:5

Nti a ntoo fo'o v'ane nsiñ; a mineya Israél; a mineya fe menda bejô bôte mé, a maneya tyame bitisone bi'aleme bié, du a miñyôn a jaléya bie e be ngone ya Yuda été.

MINYÔN 3:43

Ô nga feteban ayaa dôé été a tôñe bia, a wôé bia éngôngole momo;

EZEKIEL 5:11

Amu ajô te nde ane me vee! Nalé Zambe nyô a ne Nti a jô: amu ô nga ve vôme wom a n'étyi mvin a beangôndô mimboone bôé, mbia mimboone miôé, ma fe ma zu kôlô a dise dam da ye bo te k'éngôngo; ma fe ma ye bo teke ye'e jôm.

EZEKIEL 7:4

Dise dam da ye bo be wo te k'éngôngo, a ma ye bo te ye'e jôm amu ma ye beté wo mbe'e ya mezene môé. Beangôndô mimboone bôé ba ye tabe zañe jôé; a mia ye yeme na me ne Nti.

EZEKIEL 7:9

Dise dam da ye bo te k'éngôngo a ma ye bo te ye'e jôm; ma ye ka'a wo mbe'e avale mezene môé me né, beangôndô mimboone bôé ba ye tabe zañe jôé. A mia ye yeme na me ne Nti nyô a bibi wo.

EZEKIEL 8:18

Ma fe ma ye bo a ayo'o ese; dise dam da ye bo te k'éngôngo a ma ye bo te ye'e jôm; éyoñe ba ye yône tyiñe yôbe melo mam, ma ye bo te wô'ô be.

EZEKIEL 9:10

Ma fe ma ye bo t'éngôngo a ma ye bo te ye'e jôm; ma ye bo na mimboone mi mame miap mi ku be minlô

MIKÉ 5:14

Ma ye liti akuna'a dam, ayo'o été a ayaa été, e be *meyoñ me nga bo te wô'ô ma.

MALAKI 1:4

Nge *bon b'Edom ba ye jô na: Be maneya bôé bia; ve bia ye beta lôñe mevôm me ne ntyaman. Nti ya *minsamba mewosan a jô na: Be tame lôñ, ve me ma ye tyam, a ba ye loone be na: Si ya mbia be mam, e bôte Nti a yaa be nnôm éto.

METIAS 18:33

ngaa wo fe ô nga yiane ko ébe mbo ésaé wôé éngôngo ane ma fe me nga ko wo éngôngo'

2 Ko 10:4

Momo, biôme mewosane biangan bi nji so e be bôt, ve ngule jap ja so e be Zambe, mfa'a ya tyam alem. Bia tyam asimesane befe'e,

DEUTERONOME 28:52

Da ye dili wo bita e vôm ase wo ye tabe akekui e beta mimfine *mekok mi ne ngu ô too mie ndi e si jôé ése mi maneya ku; ayoñe te da ye bômane wo bita e vôm ase wo ye tabe, e si ése Nti, e Zambe wôé, a ve wo.

DEUTERONOME 32:22

Yaa, ayaa dam e kalaneya: da nyiin ja'ana e bido'o ya vôme miñwuan mi né; aval'ane nduan, da di'i bibuma bise ya si, da di'i a kui minkañe ya minkô.