MINYÔN 2:11 - Kalate Zambe Nnomo a Mfefe Mfefé Nkôñelan

¹¹ Mise mam me jaéya a milik *miñya mia bo'o m'abum zôñ é tuiya ma amu mbia jam a kuiya be ngone y'ayoñe dam, amu *bon a benyañebéé ba wu évé e mevôme ya tison me ne ndam

Bible en langue Bulu

¹¹ Mise mam me jaéya a milik miñya mia boʼo mʼabum zôñ é tuiya ma amu mbia jam a kuiya be ngone yʼayoñe dam, amu bon a benyañebéé ba wu évé e mevôme ya tison me ne ndam

MINYÔN 2:11 Iomraidhean Croise

Yb 16:13

Mekoñ bilaé mé ma bômane ma vôm ase, a lume ma mekoñ angeteñ tek'éngôngo, a sôé e zôñe jame si.

Yb 30:27

Biôme y'abume dam bia kundi teke awo'on. Melu ya njuk me tôbaneya ma.

BESAM 119:82

Mise mam ma sibi a jeñ na me yem édok ya foé jôé, a ma sili na: Wo ye volô ma *nlem éyoñ évé'

BESAM 22:14

Ba kui ma anyu dap ane ngbwengbwem ja nyab a bam.

BESAM 31:9

A ô nji kee ma e mo me nsiñ; wo bo na me wulu *mvo'é.

BESAM 38:8

Amu angeteñe dam e ne njalan a ndi'an. Te ke jôm é ne *mvo'é e minsône miam été.

BESAM 6:7

Ate'e da bi ma amu ma dañe tat; alu ese, ma boté énoñ jam a milik. Ma sôôé mili'i mam énoñe jam amu miñyône miam.

BESAM 69:3

Ma dimesan édo'o mboto'o été, vôm a ne te k'atebe: me kuiya édo'o mendim été, vôme ndôn ja yandane ma yôp.

EZAYI 22:4

Ajô te ma jô na: Va'ane me mise nyô, jôka'ane ma me yôn mbia ñyônan; te veane ngule ya volô ma *nlem, amu bidim bi ngone ya bôte bam.

EZAYI 38:14

Ma tat ane nguleyebe nge bingo, ma kobô ane zum. Mise mam mbetane yôp be wo, me se fe nguleya jibi: a Nti, me ntoo ntya'an bo'o jam éziñ asu dam!

EZAYI 51:20

Bobefame bôé nte'an ne botok, be mbe be bôô e mefôla mese ya minjoñ, ane tite mimbiaé é biliya avot, be be'e ayaa Nti, minkomekan mi Zambe wôé.

YEREMIA 14:17

Wo ye jô be ajô dina na: mise mam ma kui milik alu a amôs te k'atebe; amu éndune ngon, e ngon ayoñe bôte dam, e bibaneya a beta éndaman, a ébubua ja dañe mintaé.

YEREMIA 4:19

Abum da bo'o ma! Minkañe mise ya nleme wome fe mia taé! Nlem wo kumetane ma, me se nguleya tab'évô; amu wo wôk, a *nlem, tyiñe toñ, zô'é bita.

YEREMIA 44:7

Eyoñe ji, Nti ya *minsamba mewosan, e Zambe Israél a kobô avale di na: Amu jé mia bo miabebien abim anen *abé di, éyoñe mia vaa ézezañe Yuda été befam, binga, bongô a minkeñelé mi *bon, *mebuka'a momo'

YEREMIA 8:19

Tame yene miñyône mi ngone y'ayoñe dam. mia so si é n'ôyap. Ye Nti a nji fe bo Sioñ' Ye njô bôte wé a nji fe bo e zañe jé' Amu jé be nga soñe ma me yaa a minkpwelane bive'ela miap, a bemomo be mame ya bikuu'

MINYÔN 1:11

Bôte bé bese ba tat: ba jeñe bidi; be maneya ve jôm be nga bili é too édima asu bidi, ane be ne beta ve binyiñe biabe ngu. Tame yen a Nti a fombô ane me ntoo nsilibane si.

MINYÔN 1:16

Mam mete mme ma bo na me yi, milik ma kui me mis amu nyô a ne volô ma nlem a beta wômôlô ényiñe jam a keya ma ôyap. Bone bam be ntoo éngôngo amu nsiñ a maneya dañ.

MINYÔN 1:20

A Nti, tame yen aval ôlun me tele été, *miñya mia bo'o m'abum été nleme fe ntya'an amu me nga bo fo'o wo melo. Mfa'a y'atan nkpwaté mekôn ô maneya jiane mvoñe jam, e be mamien été ki fo'o v'awu.

MINYÔN 5:17

Tame yen amu jé minleme miangan mia kon, tame yen amu jé mise mangan ma bo ndim,

LUKAS 23:29

Amu mi lôô: Melu ma zu e mme ba ye jô na: Ebotan é bo'o be minkôkôm mi binga, ébotan é bo'o be binga be nji biaé *bon a be nji nyaa *bon!

SAMUEL ÔSU 30:4

Eyoñe te David a bôte ba be be be mbe nsamba be nga yi a kui nguleya yôn é nga mane be.