MINYÔN 1:1 - Kalate Zambe Nnomo a Mfefe Mfefé Nkôñelan

¹ Za aka'a étame tisone nyô é ntoo di nyô é nga too bôte ne lut melu mvus! Nyô é nga wum e *meyoñ été é ntoo ane nkus. Nkpwe'e tison ô nga jôô bifuse mesi o ntoo éyoñe ji asu bisaé bi'alo.

Bible en langue Bulu

¹ Za akaʼa étame tisone nyô é ntoo di nyô é nga too bôte ne lut melu mvus! Nyô é nga wum e meyoñ été é ntoo ane nkus. Nkpweʼe tison ô nga jôô bifuse mesi o ntoo éyoñe ji asu bisaé biʼalo.

MINYÔN 1:1 Iomraidhean Croise

2 Bb. 23:33

Faraoñ Nékô a nga ka'a nye ngata'a e Ribla, e si Amat na, a bo te beta jôô e Yérusalém. A nga sili Yuda *toya a too betalañ be argent ntet a talañ or wua.

2 Bb. 23:35

Yehôyakin a nga ve Faraoñ argent a or, ve a nga taté yemelan abim akum e ne si jé, asu ya ve moné ate, aval abendé Faraoñ e mbe; a nga miate bôte ya si jé na be ve Faraoñ Nékô argent a or, môt ase aval ane tañe jé é né.

2 Minkte 9:26

A nga dañ bejô bôte bese ataté ôsôé Yordan a kui e si Befilisteñ a minné y'Ejipte.

ESDRAS 4:20

Biwôlô bejô bôt bi mbe Yérusalém bi nga jôô si ése é ne Efrate yat a bôt be nga ya'ane be memvôla, betoya a duan.

NEHEMIE 5:4

Befe be nga jô na: Bi nga kôlé moné bi li'i mefube bidi mangan a mefube mindi'i mangan éban, asu *toya njô bôt.

NEHEMIE 9:37

Abui mefo'o ya si éte, é ntoo asu bejô bôt ô nga futi éjôé jangane si, amu minseme miangan; bejô bôte bete ba tibi bia yôp éyoñe ji ane ba kômbô, avale te fe ba bo biyeme biangan: éyoñe ji bi ne e beta ôlun été!

BESAM 122:4

E be wo nye *meyoñ ya Israél, *meyoñ me Nti ma zu ke dulu étyi ya ke kañ, ya ke kañe Nti, nalé nye a ne ntiñetan Israél.

EZAYI 14:12

Jia! O kômeya ku ô so'o yôp, a ôteté wo faé, a mone ya melendé me tyé! O bibaneya e si, wo ndañe *meyoñ!

EZAYI 22:2

A wo ô ne zô'é abui, tisone bindundumba, tisone ya meva'a nga' Bebalé meveñe bôé be nji balebane meveñ a nkpwaté mekôn, a ba ye bo te wu bita

EZAYI 3:26

mimbé miôé mia ye tat a yôn asu'ulan, wo ye tabe si.

EZAYI 49:21

A wo ye jô e nleme wôé été na: za a nga biaé ma be' Amu me mbe te fe *bon, me mbe nkôkôm. be nga kee ma minkôm, be nga suu ma; za a nga yale be' Me nga li'i étam: e bana be mbe vé'

EZAYI 50:5

Zambe, nyô a ne Nti, a kuiya m'alo, ve ma, me nji bene njôan wé, nge bulane mvus.

EZAYI 52:2

Sase mbulu'u wôé, kôlô'ô si, tabe'e si a Yérusalém! Ti'ine mengata'a me ne wo *tyiñ, wo nkôme ngone ya Sioñ!

EZAYI 52:7

Aka'a abeñ mebo me nkate mbamba mefoé me né e minkôle yôp, nyô a yôtane *mvo'é! Mebo me nkate étua mbamba mefoé, nyô a yôtane nyian! Nyô a jô Siôn na: Zambe wôé a jôô!

EZAYI 54:4

Te ko woñ amu ôson wo ye bo te bi wo; te tebe ne zemeté amu wo ye bo te same; ve wo ye vuan ôsone ya melu ô mbe ésoé, a wo ye bo te beta simesan ôsame ya éyoñ ô mbe nkus.

YEREMIA 31:7

Amu avale di Nti a jô na: sô'ane Yakob a mevak, tôta'an mefôn e minlô ya meyoñe yôp! Bo'one na be wô'ô mia, kañan, jô'ane na: a Nti, nyi'i bôte bôé, *mebuka'a y'Israél!

YEREMIA 40:9

Gedalia e mone Ahikam, ndaé Safan a nga kane be ngana, be, a bôte bap, a jô'ô na: Te koone woñe ya saane Bekaldééñ, taba'ane si jenan, bo'one njô bôte ya Babilône bisaé, éyoñe te mia ye tabe *mvo'é.

YEREMIA 42:2

a jô Yérémi na: Nja'ane wongan ô tame kui asu dôé; ye'ela'ane Nti, e Zambe wôé, ajô dangan a asu *mebuka'a ma. Amu bi nga too abui, éyoñe ji bi li'iya ôyôm abim avale mise môé me lôô de.

YEREMIA 44:2

Avale di Nti ya *minsamba mewosan, e Zambe Israél a jô na: Mi nga yene bidime bise me nga zuu bie Yérusalém, a bitisone bise ya Yuda: mi lôô bi ntoo môse wu ve bilik, teke fe bôt be too été,

YEREMIA 44:6

Aya'a dam a ayo'o dam bi nga sôéban a di'i bitisone ya Yuda, a minjoñe ya Yérusalém mbie bi ntoo éyoñe ji ve bilik, melunga, avale da yené môse wu.

YEREMIA 50:23

Nalé a ne boban aya' Babilôn a mbe ôkuta'a wo tya'a si ése; nye a ntoo mbôlane bifuse nyô. E *meyoñ été, a ntoo v'éko woñe *nkôte si.

YEREMIA 9:11

Mfefe'e môt wo wô'ô mame ma ô ne vé' A kate ñhe de, nyô Nti a nga kobô nye a anyu dé! Si jenan ja jañ amu jé, a amu jé é ntoo ndi'an ane *nkôte si, vôme môt éziñ a nji fe lôt'

MINYÔN 1:19

Me nga loone bôt be mbe be nyeke'e ma, ve be maneya du'u ma. Betuni bam a bemvendé bam be nga wu e tison été: Valé be jeñe jôme ya di mfa'a ya beta nyoñe ngu.

MINYÔN 2:1

Jia! Nti, ayaa dé été, a futiya Yérusalém e minkute si étôto'o y'Israél, a sô'ôlôya je é so'o yôb a kui si! E môse y'ayaa dé a nji ke fe simesan ételé mebo jé.

MINYÔN 2:10

Bemvendé ya Yérusalém be too si, teke kobô; be maneya kute mbuluk e minlô miap, be maneya jaé minkuta; bengo be binga ya Yérusalém ba luu minlô mfa'a ya si.

MINYÔN 4:1

Jia! or a ntoo teke fe faé! Nya or a maneya tyendé! Meko'o me n'étyi me ntoo mmialan e mebôta ya minjoñe mise!

MINYÔN 5:16

Ekate duma ya nlô wongan é kuya! Ngo'o bia amu bi boya *abé!

EZEKIEL 26:16

Bivete bise nsa'a mañ bia kôlô bito bejôô biap, ba vaa melô'ô map, a vaa mengômesane map me ne ntiñan; ba sombane woñ été a tabe si; éyoñ ése woñ wo bi be a be ne nte'an amu wo.

EZEKIEL 26:2

A mona môt, amu Tir a nga jô Yérusalém a tele nye ngame yate na: Jia! Jia! Nde *mbé meyoñ me bôt ô bôébaneya! Mbé te wo kôñelan mfa'a me né. Ma ye jaléban, ve wô ô ntoo bilik! Amu nalé nde Nti nyô a ne Zambe a jô na:

EZEKIEL 5:5

Avale di Zambe nyô a ne Nti a jô na: Avale te nde da ye kui be Yérusalém: me nga telé nye ézezañe ya *meyoñ, a mesi ma bômane nye.

LEVITIK 26:31

Bitisone bienan bia ye bo ne sangaññ a mevôme menan ya nkañan ma ye bo ve si si, a ma ye bo te beta vebe mbamba ényume ya mimboone mienan.

LEVITIK 26:33

Ma ye mialane mia e *meyoñ été a nkpwaté mekôn wo ye zu mia mvus. Si jenan ja ye bo élik avale fe ane bitisone bienan.

SOFONI 2:15

Tame ñhe yene tisone mevak éte, nje é nji bi jame ya tyelé nleme yôp, a ja jô nleme wé été na: ve ma, fo'o ve ma! Jia! E ntoo jôm ôlun, étaba'a betit! ba bese ba lôte je bebé ba loñe vioñ a febe wo.

NLITAN 18:7

Abim a nga nye'e étôtok a nyanga, abime te va'ane nye éndeñela'a a awu. Amu a jô e nleme wé été na: Ma ma dañ, a me nji bo nkus, a teke me ye'e ve'ele yen awu.