MIKÉ 7:9 - Kalate Zambe Nnomo a Mfefe Mfefé Nkôñelan

⁹ Ma ye jibi ayaa Nti amu me nga bo nye *abé, akekui a ye suñ ajô dam a tyi'i ma ajô *zôsôô. A ye zuu ma vôm éfufub é né, a ma ye nye'e me yenek *zôsôô wé.

Bible en langue Bulu

⁹ Ma ye jibi ayaa Nti amu me nga bo nye abé , akekui a ye suñ ajô dam a tyiʼi ma ajô zôsôô . A ye zuu ma vôm éfufub é né, a ma ye nyeʼe me yenek zôsôô wé.

MIKÉ 7:9 Iomraidhean Croise

SAMUEL BAA EJÔÉ DAVID 24:17

Ane David a nga kobô Nti éyoñ a nga yene éngele a wôé bôt a jô na: Tame yen: ma me nga bo *abé! Ma me nga kop; ve bôte ba be nga bo jé? Wo wôé wo yiane bibi ma a *nda bôte jam!

Yb 23:10

Ve nye *a yem e zene me tele. Eyoñ a ye ve'ele ma, ma ye kôlô *mfuban ane or.

Yb 35:14

akôsa bo wo jô na ô ngenane te yene Nye, ajô ô bili e n'ôsu vié: yange'e nye!

BESAM 119:154

Nyoñ ajô dam wo wôé été, a beke'e ma aval'ane ô nga ka'a de, bula'ane ma ényiñ.

BESAM 37:6

A ye bo na *zôsôô wôé a yené an'éfufup, a mba'alane metiñe wôé ane jôp ya zañe *môs.

BESAM 43:1

Tyi'i m'ajô a Zambe, kama'an ajô dam ayoñ bijabô été! Kôté'é ma, e be bôt be ne medu'an a mvô!

BESAM 7:6

nsiñe wom a ntoo ve tôñe ma a nambe nsisime wom, a wo'otô'ô ényiñe jame si, a bôôé duma dam e mbulu'u été!

BESAM 94:15

Zôsôa môt a ye beta bi mekabe, a bôte bese be ne nleme zôsôô ba ye tôñe nye.

EZAYI 42:16

Ma ye bo mindindime na mi wulu e zene mi mbe te yem, ma ye ke ma ya'ale mie a so zene mi mbe mi dimi'i; ôsu viap ma ye veñesane dibi é bo éfufup, mevôm me n'ékotekot, me bo nje'ese, jame te ebien nde ma ye bo.

EZAYI 42:7

Asu ya kui mindindime mis, asu ya bo na mimbôk mi kôlô menda mimbôk, a bo bôt be too dibi été na be kôlô afanefane mevôm.

EZAYI 46:13

Ma zuu *zôsôô wom bebé; a nji bo ôyap. a nyiane wom wo ye bo te beta langan. Ma ye telé nyian e Siôn, asu Israél e nyanga jôme jam.

EZAYI 51:22

Avale di nde Nti, e Zambe wôé, e Zambe wôé a kaman ajô ya ayoñe bôte dé na: tame yen, ma nyoñ *élaé ndumekan e wo wôé été, *mebuka'a m'élaé y'ayaa dam wo ye bo te beta nyu me!

EZAYI 56:1

Avale di nde Nti a jô na: ba'ala'ane metiñ a bo'one *zôsôô, amu nyiane wom ô mbeme so a ntyi'ane mejô wom ô mbeme litiban.

YEREMIA 10:19

Ngo'o ma! Me bu'uya! Fôle jam é ne mintaé! Ngo'o ma me mbe me jô'ô na: mintaé miame le, ma ye jibi mie.

YEREMIA 14:7

Nge bikobe biangan bia ve bia bijô, a Nti, bo'o jam éziñ, amu jôé dôé! Amu beyeñeyeñ bangan be n'abui, bi boya wo *abé.

YEREMIA 51:10

Nti a bo na *zôsôô wongan a yené, za'ane bi kañete ésaé Nti, e Zambe wongan Sioñ.

MINYÔN 1:18

Nti a ne zôsôô amu me nga bo abendé dé melo. Vô'ôla'an, mia *meyoñ me bôte mese, yenane nju'u wom. Bengone bam a bendômane bam be maneya ke minkôm.

LEVITIK 26:41

Ma fe ma ye bo be ntib a kee be si besiñe bap. Eyoñe te minleme miab mi ne melo mia ye sili mibiene si. A ba ye ya'ane mvôla ya bikobe biap.

MALAKI 3:18

Eyoñe te mia ye beta yen nkandan e zañe zôsôa môt a mbo *abé, e zañe môt a saane Zambe a nyô a nji saane nye.

1 Ko 4:5

Amu ajô te, bo'one te tyi'i ajô éyoñ éyoñ é ngenane te kpwaan, te naa Nti a so. Nye a ye liti e mame me ne nsolane dibi été éfufup, a kulane mefe'e mese me nee minlem. Wôna, môt ase a ye nyoñ ékaña'a ja yiane nye be Zambe.

2 Tim 4:8

Ataté éyoñe ji, ékate *zôsôô é ne me mba'alan, nje Nti, *zôsôô Ntyi'i mejô a ye ve ma *môs ôte. A saa ve ma étam, nalé fe ba bese ba ye nye'e e nsoone wé.

NLITAN 18:20

Va'ak, a yôp amu nkuane wé! Mia mimfufup, minlôman a bekulu mejô fe va'an, amu Zambe a kobôya ajô denan éyoñ a maneya tyi'i ajô Babilôn.

SAMUEL ÔSU 24:15

Ba ye yeme na njô bôte y'Israél a ke wosane za émien? Wo tôñesane za? Mbime mvu, zesé nyényé.

SAMUEL ÔSU 25:39

Eyoñe David a nga wô'ô na Nabal a wuya, a nga jô na: Nti a bo'o ébotan, Nyô a maneya kaman ajô dam ôsone jame ya Nabal a nga bo ma, nye fe a maneya kamane mbo ésaé wé na a bo te Kulu metyi! Nti a boya na *abé Nabal é ku émien e nlô yôp. Eyoñe te David a nga lôm Abigayil tyiñe na a kômbô na a bo minga wé.

SAMUEL ÔSU 26:10

David a nga jô na: Ane Nti a vee! Nti étam nye a ye bibi nye: nge na *môs awu wé wo kpwaan, nge na a wu e nseñe mewosan.

SAMUEL ÔSU 3:18

Nde Samuel a nga kate nye mejô mese teke solé nye jôm. Ane Eli a nga jô na: Nti le, a bo'ok aval'Emien a yene mvaé.