MIKÉ 7:2 - Kalate Zambe Nnomo a Mfefe Mfefé Nkôñelan

² Môt *a nye'e Zambe a ne momo e *si nyô éyoñe ji, zôsôa môt a jemban e bôt été. Bese be n'asoé asu ya kuli metyi; môt ase a titane monyañ a avot.

Bible en langue Bulu

² Môt a nyeʼe Zambe a ne momo e si nyô éyoñe ji, zôsôa môt a jemban e bôt été. Bese be nʼasoé asu ya kuli metyi; môt ase a titane monyañ a avot.

MIKÉ 7:2 Iomraidhean Croise

BESAM 10:9

A mombô asoé e vôm a n'étam ane ngbwengbwem ébô'a jé, a mombô na a bi éngôngole môt atemetem, a bi éngôngole môt atemetem éyoñ a dutu nye avote dé été.

BESAM 12:1

Sam David asu évete beyia bia; mbômane mvet é ne minsañe muam.

BESAM 12:2

Nyi'i ma, a Nti! amu bezôsôô be bôbe Zambe be nga man; *zôsôô a jañ a *bebuni ba man e bôt été.

BESAM 57:6

Bo'o mbetane yôb été, a Zambe! A étôto'o jôé é yanda'ane *si nyô ése.

MINKANA 1:11

Nge ba jô na: Za'a bi ke, bi mombô asoé a kulu metyi za'ane bi lame môt a ne te bijô melam te k'étom,

MINKANA 12:6

Mejô ma kui bebo *abé menyu me ne melam ma kuli metyi, v'anyu bezôsôô be bôt da nyii be.

EZAYI 3:5

E ayoñe bôt été, môte wua a ye tibili nyô mbok, a môt ase a ye tibili nyô mbok; ésoé ndôman ja ye té nnôme môt ntañete, ôvevese môt wo ye wosane môt a n'adit,

EZAYI 57:1

Môt a ne *zôsôô a jañ, ve teke môt a nyoñe de ngap e nleme wé été; ba vaa mbamba be bôt, ve môt éziñ teke wô'ô na zôsôa môt a ne mvaan asu ya mate bidim.

EZAYI 59:7

Mebo map ma mate a tôñ *abé, be n'avôle ya kuli metyi me ne te bijô; asimesane dap e ne di y'ékotekot, nsaane biôm a bilik bi ne mezene map.

EZAYI 9:19

Ba tyi'i ôfus mbo nnôm, ve beta wô'ô zaé, ba mine wu vo'o mbo ngal, ve teke jaé, môt ase a mine minsône ya wo wé.

YEREMIA 16:16

Ma nyô! Ma lôm ézu'u beyobe kos, nalé Nti a jô, a ba ye yobe be; mvus éte, ma ye lôm ézu'u besômé tit, a ba ye jeñe be e beta minkôle bese a e bone minkôle bese yôp a minsalane meko'o été.

YEREMIA 5:16

Nkobe bibaé bi mfane wé ô yoo ane soñ; bese be ne mimben.

YEREMIA 5:26

Amu mbia be bôt be ne e zañe bôte bam; ba mombô ane belam anon, ba lame melam asu ya bi bôt.

YEREMIA 8:6

Me too ne séé, me vô'ôlô'ô, be nji kobô, avale be nga yiane kobô; teke wua y'été a jôbane mbia mboone wé, nge jô na: Jé me nga bo ji' Bese ba beta taté mbile wop, aval'an'ékabela ja ke bita.

MINYÔN 4:18

Ba yemelane medaa mebo mangan avale bi se fe nguleya ke mevôme mangan, asu'ulane dangan e ntoo bebé; melu mangan me kpwaneya; yaa, asu'ulane dangan e soya.

EZEKIEL 22:12

E be wo bôt ba nyoñe memvaka asu ya kuli metyi. Wo sili nsenge a abet. Wo wôlé môte mbo'o jôm a étibela'a ve wo vuane ma, nalé nyô a ne Zambe a jô.

EZEKIEL 24:6

Ajô te Nti nyô a ne Zambe a jô avale di na: Ngo'o tison ja kuli metyi, minkeññ a ne njalan a mieñgele, nye mieñgele a ne te k'akôlô! Toké'é afus, dina mvuse di avok, teke bo *asimba.

Oz 5:1

Vô'ôla'ane jame dina, mia betuni, vô'ôlô'ô a *nda bôt Israél, ke'e alo a *nda njô bôt, amu ntyi'ane mejô ô ne jôme jenan, ve mi nga viane bo ôlam e Mispa, a avot é yaa e nkôle Tabor,

Oz 6:9

Nsamba betuni wo wôé bôt e zene ya Sikem, aval'ane nsamba wo yabe bôt asoé. Beangôndô be mam ba bo mbe le!

MIKÉ 2:8

Ve Nti a jô mia na: Mi tebeya ane besiñe be bôte bam. Mia wôlé ngômesane ya yôp e be bôt ba so bita be kelek ôsu a ndi ése.

MIKÉ 3:10

mia mia lôñe Siôn a nkulane metyi, a lôñe fe Yérusalém a mboone *nkpwala.

MIKÉ 3:2

Ve mia vini jam e ne mvaé a mia nye'e di e ne *abé, mia wôlé bôte biôm a kui ékôp a minsôn bia solé be bives.

ZAKARI 11:6

Ajô te ma Nti, ma jô na: ma fe ma ye bo te ko bôt be too si éngôngo. Ma zu ve môt ase e mo me môt a too nye bebé, a e mo me njô bôte wé. Bejô bôt ba ye sa si, a ma ye bo te kôté môt e mo map.

Mm 24:9

Beyude be nga kañese nkobô wé a jô na: A nji ke beté mam mefe yôp.

SAMUEL ÔSU 24:11

O lôô a mise môé mebiene na e môse wu Nti a te ve wo e mo mam mbas ako'o été. Ba te jô me na me wôé wo; ve ma te nyii wo me jô'ô na: Me se nguleya same wo wom a nnambe tate wom, amu a ne Nyôa Nti a ne *ñwo'one mbon.

SAMUEL ÔSU 26:20

Ve metyi mam me bo'o te toé si e vôme Nti a ne momo! Amu njô bôte y'Israél a keya kpwatôla ya jeñe zesé mbembe asô, v'ane ba ke nsôm akpwal e minkô.