MIKÉ 7:18 - Kalate Zambe Nnomo a Mfefe Mfefé Nkôñelan

¹⁸ Za a ne Zambe ane wo, nyô *a jamé ékop a lôte mbia mboon amu a kamane *mebuka'a ya ngabe jôé' A ne te ba'ale ayaa nnôm éto, amu *a nye'e mvam.

Bible en langue Bulu

¹⁸ Za a ne Zambe ane wo, nyô a jamé ékop a lôte mbia mboon amu a kamane mebukaʼa ya ngabe jôé? A ne te baʼale ayaa nnôm éto, amu a nyeʼe mvam.

MIKÉ 7:18 Iomraidhean Croise

KALATE METATAʼA 4:7

Nge wo bo mvaé, wo ye beta telé nlô wôé tetele, ve nge ô nji bo mvaé, *abé e ne ñyametan e *mbé wôé, a minkômbane mié mia lumbu be wo; ve wo jô'ô de.

1 Bb. 8:23

A Nti, e Zambee Israél! Zambe mfe a nji bo ane wo, nge yôp mfa'a ya yôp, nge si mfa'a ya si; wo ba'ale élat a *mvam e be bebo bisaé bôé ba wulu vôm ô né a *nlem ôse!

2 Minkte 30:9

Nge mia bulane be Nti, bobenyoñ a bone benan ba ye yene *mvam e be ba be nga kee be minkôm, a ba ye bulan zu e si mi too nyô; amu Nti, e Zambe wônan a ye bo te lume mia mvus nge mia bulane be nye, amu a ne *mvam a nkoone bôt éngôngo.

2 Minkte 6:21

Wo ye vô'ôlô minja'an mi mbo ésaé wôé a ayoñe bôte dôé Israél, éyoñ ba ye ye'elan e vôme nyô! Wo wo ye wôk ataté vôm ô too, ataté yôp; wo ye wôk a wo ye jamé!

NEHEMIE 9:17

be nga bene bo mewôk a bo te fe simesan bitua bi mam ô nga bo be. Be nga bo melo, a e mbenan éjôé wob été, bebien be nga telé évete na be bulan éto belo Ejipte. Ve wo ô ne e Zambe *a jamé, nyô a ko éngôngol a mvamane bôt, te ji'a yaa a *mvam abui, ô nji ke li'i be,

BESAM 103:13

Nti *a nye'e bebuni bé, ane ésaa *a nye'e bone bé.

BESAM 130:4

Ve wo ô bili *njaman, ajô te wo yian ésemé.

BESAM 35:10

Bivese biam bise bia ye jô na: A Nti! za a ne nguleya kôté éngôngole môt ane wo e be môt a dañe nye ngu, éngôngole môt a *nzôzoé e be nyô a telé be soé'

BESAM 65:3

a wo, nyô a wô'ô meye'elan! Bôte bese ba ye zu be wo

BESAM 65:4

amu mam *abé. Eyoñe mintyamane metiñ mia dañe bia ngu, wo wo ye jamé bia mie.

BESAM 71:19

A Zambe, ngule jôé a *zôsôô wôé bia kui ôyabe yôb été; wo ô ne nyô a nga bo beta be mam. Za a ne aval ane wo, a Zambe'

BESAM 86:15

Ve wo, a Nti, Zambe a ne nko éngôngo a *mvam, ôte'ete'e ya ji'a yaa, njalan a *zôsôô a mba'alane metiñ,

BESAM 86:5

A Nti, wo ô ne mbamba *nlem, *nlem wo jamé, njalan a zôsôô mfa'a ya ba bese ba loone wo,

BESAM 89:6

A Nti, yôp e kañe étôto'o jame te! a *zôsôô wôé ékôane mimfufup été.

BESAM 89:8

Ekôane mimfufup été, Zambe a ne étua ékowoñ, angôndô a dañe ba bese ba bômane nye.

NKÔLAN 15:11

Z'ane aval ane wo ézezañ bezambe été, a Nti' Z'ane aval ane wo Nyô abeñe dé e tii étyi jé' Nyô a ne angôndô, a yian ékaña'a. Nyô a bo bitua bi mam.

NKÔLAN 34:9

Ane a nga jô na: A Nti, me yeneya *mvam be wo, ajô te Nti a wulu'u ézezañe jangan, amu bi ne bôt be ne *tyiñ ñyemelan; wo ye jamé ékop jangan a nseme wongan, a wo ye nyoñe bia ane ngabe jôé.

EZAYI 1:18

Za'ane ñhe bi sañetan, nalé Nti a jô. Nge *abé denan e ntoo évele ne tyaññ, da ye bo éfumulu ane sut; nge e ntoo évele ne zôññ da ye bo ane mevule me ntômba.

EZAYI 33:24

Te ke môt a too été a jô na: Ma kon! E bôte be too Yérusalém ba nyoñe njamane ya ékobe jap.

EZAYI 38:17

Nju'u wom ô kôñelaneya nyian. Ô tibiya ényiñe jame na me sa'ale ébé, a ô wuaya *abé dam ese e mvuse jôé.

EZAYI 40:18

Mia kômbô ve'ane Zambe a za' Za éve'ela mia ye telé é funa'ane nye'

EZAYI 40:25

Mia ye ve'ane me za ane me ne funane nye' Nalé Nyô a n'étyi a jô.

EZAYI 43:25

Ve mamiene fo'o ma tyame mbia mimboone miôé, amu ma nye'e mamien, a ma ye bo te beta simesan *abé dôé.

EZAYI 44:22

ane *nkut a ane ôtita me fimiya *abé dôé a bikobe biôé; bula'ane be ma amu me kôtéya wo.

EZAYI 55:7

Mbo *abé a li'i zene jé a mbia môt asimesane dé; a bula'ane be Nti, nye a ye ko ny'éngôngo, e be Zambe wongan, Nyô *a jamé abui abui.

EZAYI 57:10

Nwulan abui wo bo na ô tek ve wo teke jô na: Me tame bulane mvus! Ô ngenan ô wô'ôtane ngu e wo wôé été: ajô te ô ngenane teke tek.

EZAYI 57:16

Eyoñe minsisim mia ku som asu dam, e bôte me nga té, ma ye bo te ben éyoñ ése nge ba'ale ôlun nnôm éto.

EZAYI 62:5

Avale ndôman ja bo nnôme ngone minga, avale te bobefame bôé ba ye bo wo ane beyôm, a avale môt a lu'u minga a va'a mbom, avale te Zambe wôé a va'a wo.

EZAYI 64:9

Bitisone biôé bi n'étyi bi ntoo bilik; Siôn a ntoo bilik, Yérusaleme ki melunga.

EZAYI 65:19

Ma ye bo Yérusalém na a bo mefône mam, a bôte bame na be bo ava'a dam; ba ye bo te beta wô'ô zô'é du, nge zô'é miñyôn été.

YEREMIA 3:12

Kelek, yôta'ane mejô mana, mfa'a y'akôé na: bula'an, a Israél nyô a ne tyabetyabe! Nalé Nti a jô. Ma ye bo te beta bi asu njete be mia, amu me ne *mvam, nalé Nti a jô. Me ne te ba'ale ayaa dam nnôm éto:

YEREMIA 3:5

Ye a ye yaa melu mese' Ye a ye ba'ale ôlun nnôm éto' Nne ô mbe ô jô'ô nalé. Ve ô nga bo abé a ô mbe ô bili ngul éte.

YEREMIA 31:20

Y'Efrayim a ntoo ma mon a nyan, mon ba nyeñele' Amu ane ma kobô ajô dé abui, *nsimesan ma simesane nye wô ki wo beta dañe bo abui be ma; ajô te nleme wom wo dañe yi nye, nalé Nti a jô.

YEREMIA 31:34

Môt a ye bo te beta ye'ele môt a ne nye bebé, nge nyôlé ye'ele monyañe na: Yeme Nti! Amu bese ba ye yeme ma, ataté nyô ya be be a dañe tyôtyoé a kui nyô a dañ anen, nalé Nti a jô, amu ma ye jamé bikobe biap, a ma ye bo te beta simesan *abé dap

YEREMIA 32:41

Ma ye va'ajô dab asu ya bo be mvaé, a ma ye telé be nya ntelan e *si nyô, a nleme wom ôse a nsisime wom ôse.

YEREMIA 33:8

ma ye fubu mie mfa'a ya bikobe biab bise, mbie be nga bo ma bie *abé. Ma ye jamé mie bikobe biab bise mbie be nga bo ma bie *abé, mbie bite be nga bene ma bie njôane wom.

YEREMIA 38:8

Ane Ebéd-Mélék a nga kôlô *nda njô bôt, a kobô nye na:

YEREMIA 50:20

Melu mete a éyoñe te, nalé Nti a jô, ba ye jeñ ékob Israél ve ja ye bo momo, nalé fe *abé Yuda ve da ye bo te beta yené, amu ma ye jamé *mebuka'a ma ye lik.

YEREMIA 9:24

Tame yen, melu ma zu, nalé Nti a jô, ma ye yaa bentyi'iban atyele bese be nji tu'a bo nalé e minleme biab été:

EZEKIEL 18:23

Ye jam ma kômbô ôsusua e ne awu mbia môt? Nalé Nti nyô a ne Zambe a jô. Ye sa na a lume zene jé mvus a na a nyiñ'

EZEKIEL 33:11

Jô'ô be na: Ane me vee! Nalé, Nti nyô a ne Zambe a jô, jam ma kômbô e nji bo na mbo *abé a wu, ve na a tyendé ntabane wé a na a nyiñ. Bula'an, bula'an mi kôlô mbia mezene menan. Amu jé mia yiane wu a ayoñ Israél'

EZEKIEL 33:16

Ba ye bo te simesan *abé da ya ma a nga bo; a bo ane metiñ a nya ntyi'ane mejô bia jô, yaa a ye nyiñ.

DANIEL 9:9

Ve wo, Nti, e Zambe wongan, e mvame jôé été, wo jamé bia, akôsa bo bi nga bene njôane wôé.

Oz 14:2

A Israél, bula'an e be Nti Zambe wôé, amu ékobe jôé nje é nga bo na ô ku.

Oz 14:5

Nti a jô na: ma ye saé Israél mfa'a bijabô bié. Ma ye bo te tindi mamien, asu ya liti nye nye'ane wom, amu me nji jeñe nye *abé.

Am 1:11

Avale di Nti a jô na: amu Edom a boya *abé da dañ biyoñ bilaa, binyin, ma ye bo te bulan ayaa dame mvus: amu a nga titan monyañ wé Israél a nkpwaté mekôn, teke éngôngol ébiene nlem; ayaa dé da nyabe bifus melu mese, a a ba'ale de nnôm éto.

Am 7:8

Ane Nti a nga sili me na: ô lôô jé a Amôs' Me nga yalane na: Atyi étyé, é tii nko, mfa'a ya yemelane tetele ne bip ya mimfin mi *nda. Ane Nti a nga jô me na: ô lôô ma tyelé atyi étyé te ézezañ ayoñe dam Israél: ma ye bo te beta tyendé ôsimesan me bili mfa'a wé éyoñ éfe, na me ve nye *melep.

Am 8:2

ane a nga sili me na: Ô lôô jé a Amôs' Ane me nga yalane na: nkoé bitôtôlô bibuma. Ane Nti a nga jô me na: Eyoñ asu'ulan é kpwaneya mfa'a ayoñe dam Israél, ma ye bo te beta tyendé ôsimesan me bili mfa'a wé éyoñ éfe, na me ve nye *melep.

YONA 4:2

Ane a nga ye'elane Nti a jô nye na: Éé a Nti! ye sa jam me nga jô di éyoñ me mbe si jam? Jam ébien é nga tindi ma na me ke Tarsis nde ñhe di: Me nga yeme na ô ne Zambe a ne *mvam a ñwô'ane bôt mintaé, ôte'etek ya yaa, njalan a *njaman, nyô a wô'ô jôban *abé a te kômesane na a bo.

MIKÉ 2:12

E ne bebela na, ma ye kôane mia bese a mvoñe bôte Yakob! E ne bebela na: Ma ye sulane mia a *mebuka'a ya Israél! Ma ye sulane mia ane mintômba ya abemba, ane mbam biyem e vôme wo di; éduñ ja dañ môta binam ja ye bo.

MIKÉ 4:7

Ma ye bo *mebuka'a me so'ok e be nyô a feñke. Ma ye bo ayoñe bôt e ne ngu e so'ok e be nyô me nga telé fefe; a Nti a ye bo njô bôte wop e nkôle sioñe yôp, ataté éyoñe te a kui nnôm éto.

MIKÉ 5:3

A ye tebe a ve be bidi a ngule Nti, a éjijine ya jôé Nti, e Zambe wé; a ba ye bi étaba'a ya buni éyoñ ése. Amu ataté éyoñe ji, a wum a kui meku'u ya *si nyô.

MIKÉ 7:14

Va'a bôte bôé bidi a ntume wôé, mbame biyem ô ne ngabe jôé ñwô ô too étam afan été ézezañe Karmel! Be ja'ak e Basañ a e Galad aval'ane melu mvus.

SOFONI 3:17

Nti, e Zambe wôé, a ne e zañe jôé mbene wo nyii; a ye bo wo e beta ava'a wé; a ye tabe évô e nye'ane wé été asu dôé. a ye bi mefône ya ndañan asu dôé.

NLAÑANE BÔT 23:21

A nji yen ékotekot éziñ e be Yakob, a nji yene jam éziñ e ne njuk e be Israél. Nti, e Zambe wé, a ne nye ngam. A kulu tyiñe ya njôô bôt.

LUKAS 15:32

ve da yiane na bi vak a jem, amu monyoñ ate a nga wu a a beteya bulan ényiñ; a nga jañ, a a yenéya.

LUKAS 24:47

a na nkôñelane minlem asu njamane mam *abé ô nga yiane kateban e be meyoñe mese amu jôé dé ataté Yérusalém.

BERÔMEÑ 11:4

Ve Zambe a yalane nye aya? Me nga ba'ale mfa'a wom mamien, befame toyini zamgbwa, e ba be nga bo te kute meboñe si asu Baal.

DEUTERONOME 33:26

môt éziñ a nji funane Zambe, e nyô a zu volô wo, Yesurun, a ndañete e yôbe yôb, a e minkut été a ngule jé

YAKOB 2:13

E ne na: Ntyi'ane mejô ô ne njet e be nyô a nji koo bôt éngôngo. Nkoon éngôngo wo vini ntyi'ane mejô.

BETYIʼI MEJÔ 10:16

Ane be nga vaa bezambe ya bikuu be mbe e zañe jab a saane Nti: Nde Nti a nga wô'ô ôlun amu mbia be mam be nga kui e be Israél.