MIKÉ 6:4 - Kalate Zambe Nnomo a Mfefe Mfefé Nkôñelan

⁴ Ye nsoone me nga soo mia Ejipte' Ye *nkôtan me nga kôté mia *nda belo' Ye *nlôman me nga lôme mia belitizen: Môze, Aron a Miriam'

Bible en langue Bulu

⁴ Ye nsoone me nga soo mia Ejipte? Ye nkôtan me nga kôté mia nda belo? Ye nlôman me nga lôme mia belitizen: Môze, Aron a Miriam?

MIKÉ 6:4 Iomraidhean Croise

SAMUEL BAA EJÔÉ DAVID 7:23

Ye ayoñ afe é ne *si nyô é too ane ayoñe dôé Israél, a ye bezambe be nga tame ke kôté ayoñe te na é bo éndap a ve de jôé avale ô nga bo Israél? Ô boya Israél beta be mam, beangôndô be mam asu mvaé ya si jôé, bôte bôé ô nga kôté Ejipte be too, nalé fe *meyoñ a bezambe y'Ejipte be too, asu ya na Israél a bo jôme jôé

BESAM 77:20

Zene jôé é mbe e mañ été, ôsozene wôé ô mbe e beta mendim été a môt a nji fe beta yem awoé dôé.

NKÔLAN 12:51

*môs ôte ôbien Nti a nga vaa bôte ya Israél Ejipte be too mbamba nta'an *minsamba mewosan.

NKÔLAN 20:2

Me ne Nti e Zambe wôé, nyô a nga bo wo ô kôlô Ejipte *nda belo:

NKÔLAN 3:10

Ajô te éyoñ ji za'ak me lôme wo e be Faraoñ ô bo ayoñ Israél dam na e kôlô Ejipte.

NKÔLAN 4:10

Ane Môze a nga jô Nti na: Ôé a Nti! Me nji bo môt a ne ôyem éveves, a jame te e nji taté ma angô'é, nge ôjan, nge ke nté ane ô kobôô mbo ésaé wôé, amu anyu a ôyeme viam bi ne adit.

NKÔLAN 4:16

A ye kobô bôt e señe jôé; nye a ye bo anyu dôé a wo ye bo nye ane *zambe.

NKÔLAN 6:27

Mbe bete be nga bo be kobô'ô Faraoñ njô bôte ya Ejipte ajô mvaane bôte ya Israél Ejipte.

YEREMIA 32:21

O nga vaa bôte bôé y'Israél si y'Ejipte a mendem a bitua bi mam, a éwôlô wo, a wo ô ne nsaman, a dutu beta woñe be bôt.

Am 2:10

Me nga soo mia si ya Ejipte, a wulu mia e *nkôte si tañe mimbu mewôm menyin na me ve mia si b'Amorééñ é bo énjenan.

NLAÑANE BÔT 12:1

Miriam a Aron be nga kobô Môze *abé, amu a nga lu'u ngone ya Kus;

NLAÑANE BÔT 33:1

Mana me ne mewo'on me bone b'Israél, ataté Ejipte akui minje'ese ya Môab, aval'ane *minsamba mewosan miap mi mbe, Môze a Aron be too beliti *zen.

Mm 7:36

Nye ate a nga vaa be si ya Ejipte a mboone bitua bi mam a mendem: évele mañ, a *nkôte si tañe mimbu mewôm menyin.

DEUTERONOME 15:15

Wo ye simesane na ô mbe *ôlo e si y'Ejipte, a na Nti, e Zambe wôé, a nga kôté wo; ajô te ma ve wo abendé di e môse wu.

DEUTERONOME 24:18

Wo ye simesane na ô mbe *ôlo Ejipte, a na, Nti, e Zambe wôé, a nga kôté wo wé; ajô te ma ve wo abendé di na ô bo de.

DEUTERONOME 4:20

Ve mia, Nti a nga nyoñe mia a vaa mia e mbe'e nduan wo nyemé bityé y'Ejipte, nalé mia ye bo bôt be ne e ngabe jé, avale mi né môse wu.

DEUTERONOME 4:34

Ye Zambe a tameya ve'ele zu nyoñ ayoñ éziñ e zañe ya ayoñ afe asu dé a *meve'ele, a mendem a bitua bi mam, a bita, a akule wo e n'éwôlô, a wo ô ne nsaman, a mboone mam me n'angôndô, aval'ane mam mese Nti, e Zambe wônan, a nga bo mia Ejipte, mise menan me lôô'

DEUTERONOME 5:6

Ma, me ne Nti, e Zambe wôé, a nga soo wo si ya Ejipte, e *nda belo.

DEUTERONOME 7:8

V'amu Nti *a nye'e mia, amu a nga kômbô tôé ngana, a wo ô n'éwôlô, a nga vaa mia e *nda belo e wo Faraoñ, njô bôte y'Ejipte.

DEUTERONOME 9:26

Nde me nga ye'elane Nti a jô na: A Nti a too nnôm éto, te jiane bôte bôé, e ngabe jôé nje ô nga kôté anene dôé été, a vaa b'Ejipte a wo wôé ô n'éwôlô.

SAMUEL ÔSU 12:6

Samuel a nga jô bôte na: Nti nye a nga telé Môze a Aron, nye fe a soo b'ésoo e si y'Ejipte.