MIKÉ 5:7 - Kalate Zambe Nnomo a Mfefe Mfefé Nkôñelan

⁷ Mebuka'a me Yakob ma ye bo e zañe *meyoñ, e jama *meyoñ me bôt été, ane ngbwengbwem ézezañe betite ya fé, ane étoñe ngbwengbwem e mbam mintômba a bikela été; éyoñ ja lôt, ja tibi a nyap, a teke môt a nyii.

Bible en langue Bulu

⁷ Mebukaʼa me Yakob ma ye bo e zañe meyoñ , e jama meyoñ me bôt été, ane ngbwengbwem ézezañe betite ya fé, ane étoñe ngbwengbwem e mbam mintômba a bikela été; éyoñ ja lôt, ja tibi a nyap, a teke môt a nyii.

MIKÉ 5:7 Iomraidhean Croise

SAMUEL BAA EJÔÉ DAVID 17:12

Bia ye kui be nye avale vôm ése a né a bia ye ku nye yôp aval'ane mfô a ku si. Teke wua a ye li'i, to'o nye, to'o môte wua ya bôte ba be be be né.

BESAM 110:3

Bôte be ne biwôlô be kele li'itane wo môse wu ñwô wo kôane nsamba mewosane wôé. E minkôle mi ne étyi bisoé bi bôte biôé bia zu be wo, aval ane élok ja bialé ndip tyé.

BESAM 133:3

E ne aval ane mfô ya nkôle Hermon e nye a siliki e minkôle mi Siôn. a so'o mbetane ya Sioñ yôp, amu valé nye Nti a ve ébotan jé a ényiñ, nnôm éto a nnôm éto.

BESAM 72:6

A ye sis aval ane mveñ ja noñe si é ne ntyéan, aval ane mendim ma ve si émumun.

MINKANA 19:12

Ayaa njô bôt e ne ane mvame ngbwengbwem, a *mvam jé ane mfô mendim e bilo'o yôp.

EZAYI 32:15

Akekui Nsisim ô soya yôp a mialane be bia, a na *nkôte si ô veñesaneya afube bilé bia wume bibuma, a na afube bilé bia wum e yené ane afan.

EZAYI 44:3

Amu ma ye sôé nyô a wô'ô évé mendim a atôñe mendim e si é ne nkôte yôp; ma ye sôé Nsisime wom e mvoñe bôte jôé, a ébotane jam e be bone bôé.

EZAYI 55:10

avale mveñ a meta'a bia sis bi so'o yôp, bi too te nguleya bulan te na bi mane ve si émumun a atek, a bo na bibébéa bi faa, te na bi tame ve mmiase mvoñe mvoñ a bidi e be nyô a di.

EZAYI 66:19

Ma ye futi ndem e be be a ma ye lôme ba ya be be ba ye nyiñ mfa'a meyoñe bikuu me né. e Tarsis, e Pul, e Lud, bewua bilaé, e Tubal, a e Yavan, bikôte bi mañ bi n'ôyap *meyoñ bikule mete me ngenane te wô'ô nkobô y'ajô dam, a be ngenane te yen étôto'o jam; a ba ye kañete étôto'o jam e be *meyoñ bikuu.

YEREMIA 14:22

E bemomo bengunemelane ya *meyoñ, ye bevo'o y'été be ne bo na mveñ é noñ' Nge na ye yôp nde da ve mendim' Ye sa wo Nti, e Zambe wongan' Bi too wo ndi, amu wo wo bo mam mete mese.

EZEKIEL 14:22

Ba ye kui be mia: Mia ye yene ntabane wop a mimboone miap a mia ye volebane minlem ajô bidim ma zuu bie Yérusalém, ajô jam ese ma zuu de be nye.

EZEKIEL 47:1

A nga zuu ma anyiine ya Nda Zambe; mendim me mbe me vamek *mbé ya Nda Zambe si, mfa'a jôbe da tôô, amu anyiine ya Nda Zambe si, mfa'a jôbe da tôô, amu anyiine ya Nda Zambe e mbe mfa'a jôbe da tôô; a mendim me mbe me siliki'i e Nda Zambe si mfa'a ya mbo nnôm, ata'a metuna'a nké.

EZEKIEL 5:5

Avale di Zambe nyô a ne Nti a jô na: Avale te nde da ye kui be Yérusalém: me nga telé nye ézezañe ya *meyoñ, a mesi ma bômane nye.

DANIEL 11:32

Njô bôt émien a ye dutu bôt be ben élat a atyeñe nkobô dé. Ve ba bese be ne avale da mfa'a Zambe, ba ye yem e mboone wob été.

Oz 14:5

Nti a jô na: ma ye saé Israél mfa'a bijabô bié. Ma ye bo te tindi mamien, asu ya liti nye nye'ane wom, amu me nji jeñe nye *abé.

Oz 6:3

Ajô te ñyemane nye na a ne Zambe, a bi jeñe na bi yeme Nti. Nzuane wé ô ne bebela ane melenda me tyé; a ye zu asu dangan ane mendim, ane mveñ ésep ja ve si mendim.

Am 5:15

Vina'an *abé, nyeka'ane mvaé; *mbé aka'a ya ba kobô mejô, bo'one na *zôsôô nye a kabe: ndô'ôtô na, éyoñe te Nti, Zambe *minsamba mewosan, a ye ko *mebuka'a ya *nda bôte Yôsep éngôngo.

MIKÉ 2:12

E ne bebela na, ma ye kôane mia bese a mvoñe bôte Yakob! E ne bebela na: Ma ye sulane mia a *mebuka'a ya Israél! Ma ye sulane mia ane mintômba ya abemba, ane mbam biyem e vôme wo di; éduñ ja dañ môta binam ja ye bo.

MIKÉ 4:13

Kôlô'ô si, a ngone Sioñ ô tibi mefese me mvoñ! Ma ye kôme wo nla'a étyé, a ma ye kôme wo bibo'os bi mvot, wo ye ko'o jama *meyoñ me bôt, mefo'o map, wo ye ve me Nti, akume dap, wo ye ve de Nti ya si ése.

MIKÉ 4:7

Ma ye bo *mebuka'a me so'ok e be nyô a feñke. Ma ye bo ayoñe bôt e ne ngu e so'ok e be nyô me nga telé fefe; a Nti a ye bo njô bôte wop e nkôle sioñe yôp, ataté éyoñe te a kui nnôm éto.

MIKÉ 5:3

A ye tebe a ve be bidi a ngule Nti, a éjijine ya jôé Nti, e Zambe wé; a ba ye bi étaba'a ya buni éyoñ ése. Amu ataté éyoñe ji, a wum a kui meku'u ya *si nyô.

MIKÉ 5:8

E wo wôé ô beteba'ane be besiñe bôé, a besiñe bôé be ntoo ve wôéban!

MIKÉ 7:18

Za a ne Zambe ane wo, nyô *a jamé ékop a lôte mbia mboon amu a kamane *mebuka'a ya ngabe jôé' A ne te ba'ale ayaa nnôm éto, amu *a nye'e mvam.

SOFONI 3:13

Mebuka'a me Israél ma ye jô'é mboone mvô. Ma ye bo te laa minsos ôyeme mvô wo ye bo te bo e menyu mab été, éyoñe ba ye bi bidi a vôme ya bômbô teke môt a ndeñele be.

ZAKARI 14:8

Anjeñe mendim da ye vam e Yérusalém; éfase jia ya mendime mé ja ye lôt mfa'a évele mañ, éfas évo'o ki mfa'a beta mañ tañe ngume mbu, a mfum avale f'ane a su'u.

ZAKARI 9:13

Ma ye belane Yuda an'élaé bita, Efrayim nye a ye bo akoñe y'été. A Siôn, ma ye lôme bôte bôé be té ba ya grés mintañete. Ma ye belane be ane nkpwaté mekône nyô a wosan.

METIAS 28:19

Kelane ñhe a bo'one *meyoñ mese beyé'é mi duu be e jôé Esaa a Mon a Mbamba Nsisim,

Mm 11:15

Ve nné ane ma taté nkobô, ane Mfufube Nsisim a nga zu e be be, avale fe ane a nga bo e be bia atata'a.

Mm 13:46

Ane Paul baa Barnabas be nga bo ayo'o ya kpwaane be na: E be mia nye ajô Zambe e nga yiane taté kateban, ve amu mia bene de, a yene miabebien ane ba be nji yiane nyoñe ngab ényiñe ya melu mese, nde bia ke e be meyoñe bikuu.

Mm 16:9

A alu ese, Paul a nga yene ñyenan, môt éziñ ya Masédôan a nga kui nye nlô, a tele tetele, a ye'elane nye na za'a Masédôan, ô zu volô bia.

Mm 9:15

Ve Nti a nga jô nye na: Kelek, amu môt ate a ne ékpwelé me tobeya mfa'a ya miase jôé dam e be meyoñe bikuu, bejôô bôt a mvô'ô Israél.

BERÔMEÑ 10:20

A Ezayi a bo ayo'o ya jô na: Me nga yené e be ba be nji jeñe ma. Me nga liti mamien e be ba be nji sili ma jôm.

BERÔMEÑ 11:12

Amu nge nkuane wop ô nga bo afok mfa'a *si nyô, a nsuubane si wop, afo'o ya e be bikuu, abim avé nyoñane ngabe wop e nyian wo ye dañe soo mvaé.

BERÔMEÑ 9:30

Nde bia ye jô aya? Ve na bikul, e bi bi nji tôñe *zôsôô, ve be nga nyoñe nye, e ne na, e *zôsôô a so amu mbunan.

1 Ko 3:6

Ma me nga bé, a Apôlôs a nga sôé mendim, ve Zambe nye a nga yale.

DEUTERONOME 32:2

Nyemane wom wo lôt ane mveñ, e mimbéane bilé yôp, a miñye'elane miam mia mialan ane mfôô mendim e bilo'o ya mefube yôp.

BETYIʼI MEJÔ 6:36

Ane Gédéoñ a nga jô Zambe na: Nge wo kômbô nyii Israél a wo wom aval ô jôya, ô lôô: