MIKÉ 5:4 - Kalate Zambe Nnomo a Mfefe Mfefé Nkôñelan

⁴ Nye a soo *mvo'é! Eyoñ Beasirieñ ba ye zu e si jangan, a nyiine menda bejô bôte mangan, bia ye telé nye beba'ale mintômba zamgbwa, a bivete y'ayoñ muam e ngame yat.

Bible en langue Bulu

⁴ Nye a soo mvoʼé ! Eyoñ Beasirieñ ba ye zu e si jangan, a nyiine menda bejô bôte mangan, bia ye telé nye bebaʼale mintômba zamgbwa, a bivete yʼayoñ muam e ngame yat.

MIKÉ 5:4 Iomraidhean Croise

BESAM 145:12

Nalé ba ye ye'ele bôt be vee mindañane miôé a beta duma a étôtok ya éjôé jôé.

BESAM 22:27

Besili bebiene si ba ye di a jaé, ba ba jeñe Nti, ba ye kañe nye. Nleme wônan ô tabe'e nnôm éto!

BESAM 72:19

Jôé dé e n'étôtok é bo'o ébotane nnôm éto, si ése é jaé ne lut a étôto'o jé! Amén! Amén!

BESAM 72:8

A ye dañ a so mañe ma a kui ma mevok, ataté ôsôé vi a kui meku'u ya si.

BESAM 93:1

Nti a ne njôô, a jaéya éjijine jé aval ane ngômesan, mbôma'ane a ngu aval ane kandé. Si nyô é ne ñyemetane ngu, ja ye tebe ne bip.

BESAM 98:3

A nga simesane *mvam jé a ntôane ya ndi jé asu ayoñ Israél. Akekui susu'a ya *si nyô, be yeneya na Zambe wongan a nga nyii bia.

NKÔLAN 23:21

Tabe'e ntyel asu dé, wô'ô nye; te bo nye na a wô'ô ôlun, amu a ye bo te jamé *abé denan: Amu jôé dam e ne be nye.

EZAYI 45:22

Kôñela'ane be ma mi nyiiban, mia, meku'u mese ya si ma dañ ôyap! Amu me ne Zambe, a mfe a nji bo.

EZAYI 49:5

Eyoñe ji Nti a kobô. Nyô a nga kôme ma aso abume nyia wome na, me bo mbo ésaé wé, na me bulane Yakobe be nye, na Israél a sulan e fefele jé; me nyoñeya duma e mise me Nti, amu Zambe wom nye a ne ngule jam.

EZAYI 52:10

Nti a liti soé ya étyi jé e mise *meyoñ me bôte mese; a meku'u mese ya si nyô ma ye yene nyiane Zambe wongan.

EZAYI 52:13

Mbo ésaé wom nye nyô, mame mé ma ye ke ôsu; a ye bet, a ye ke ôyabe yôp, a ye bebe étua ôyabe yôp.

EZAYI 8:7

Ajô te, amu nalé, ô lôô Nti a zuu ndône beta mendim y'ôsôé me ne ngu e be be: nalé a ne na, njô bôte y'Asiri a duma dé ese. Osôé te wo ye kui ndôn A yandane mekindi'i mé mese;

MIKÉ 7:14

Va'a bôte bôé bidi a ntume wôé, mbame biyem ô ne ngabe jôé ñwô ô too étam afan été ézezañe Karmel! Be ja'ak e Basañ a e Galad aval'ane melu mvus.

ZAKARI 13:7

A nkpwaté mekôn wosa'ane mba'ale mintômba me nga bo élat a nye. Wôék mba'ale mintômba, éyoñe te mintômba mia ye mialane vôm ase, a ma ye jimbi bone ya mbam.

ZAKARI 9:10

A ye vaa bevagoñe bita Efrayim, a bikabela e Yérusalém; a ye bu'u bilaé bita, a ye telé *mvo'é e meyoñ; a ye bo njôô ataté mañe ma a kui ma mevok, ataté Efrat a kui aku'u si.

MALAKI 1:5

Mise menan ma ye yene de, a mia ye jô na: Anene Nti da lôte minné y'Israél!

METIAS 16:18

A ma ma jô wo na: Ô ne Pierre, a ako'o te yôp, ma ye lôñe keké jam, a mimbé y'étôtôlan mia ye bo te dañe je ngu.

METIAS 2:6

Amu wo a Bétléhém, si ya Yudé ô nji dañe dañe tyôtyoé ézezañe minlô minlame ya Yuda, Amu na Njôô a ye so be wo, A ye ba'ale mbame wom Israél.

METIAS 25:31

Eyoñe mona môt a ye so étôto'o jé ba be beéngele bé bese, a ye tabe étôto'o éto njôane jé.

LUKAS 1:32

A ye bo beta môt a ba ye loone nye na e Mone Nyô a dañ ôyabe yôp. Nti, nyô a ne Zambe, a ye ve nye éto njôane David ésaa wé;

YOANES 10:38

Ve nge ma bo me, ja'ane mi ne te buni ma, buna'ane mimboon mite, nde mia ye yem a buni na Tate a ne be ma, a me ki me ne be Tate.

YOANES 20:17

E nde Yésus a nga jô nye na: Te nambe ma! Amu me ngenan te bet be Tate. Kele ñhe yene bobenyoñ ô kate be na ma bet a ke be Esaa wom a Esaa wônan, e be Zambe wom a Zambe wônan.

EFEZE 1:3

Zambe a bo'o ébotan, Esaa Nti wongan Yésus Krist. A nga botane bia a ébotane ya Nsisim ése é ne e yôb été a e be Krist.

1 Pi 1:5

Mia bete ngule Zambe ja ba'ale amu mbunan mfa'a nyian ô ne bebé ya yené éyoñ ja su'ulan.

YUDE 1:1

Ma, Yude, mbo ésaé Yésus Krist, monyañe Yakob, ma tili ba be ne nloon, nye'an e be Zambe Esaa, a mba'alan mfa'a Yésus Krist.

NLITAN 11:15

Engele zamgbwale a nga loñe toñe jé. Beta metyiñ me nga so yôp me jô'ô na: Ejôé ya *si nyô é nto ji e Nti wongan a Krist wé éyoñe ji. A ye jô'ô nnôm éto a nnôm éto!