MIKÉ 5:2 - Kalate Zambe Nnomo a Mfefe Mfefé Nkôñelan

² Ajô te Nti a ye li'i bôte bé, nté a yange na minga a yiane biaé a biaé monafam, éyoñe te *mebuka'a bobenyañ ma ye beta zu be bone b'Israél.

Bible en langue Bulu

² Ajô te Nti a ye liʼi bôte bé, nté a yange na minga a yiane biaé a biaé monafam, éyoñe te mebukaʼa bobenyañ ma ye beta zu be bone bʼIsraél.

MIKÉ 5:2 Iomraidhean Croise

KALATE METATAʼA 35:16

Be nga kôlô Bétél, valé Efrata a ngenan ôbe nté, ane Rachél a nga biaé. Abiaé e nga lôte nye njuk;

KALATE METATAʼA 35:19

Ane Rachél a nga wu a be nga jame nye zene ya Efrata e nye a ne Bétléhém.

KALATE METATAʼA 48:7

Eyoñe me nga kui Padañ Aram, Rachél a nga wu a ye'e be ma bi too dulu ya Kanaane zañ, teke ôyap a Efrata; e nne me nga jame nye valé, e zene ja ke Efrata, e nye a ne Bétléhém.

KALATE METATAʼA 49:10

Ntum éjôé wo ye bo te kôlô Yuda. Nge ndeme môta metiñ e kôlô mebo mé zañ. Akekui Mesi a soya a *meyoñ me bôte ke me veya nye mewôk.

1 Minkte 2:54

Bone be Salma: Bétléhém a Benetôfatieñ, Arrôt-Bét-Yôab, Hatsi-Hammanati, Besoréieñ;

1 Minkte 4:4

Penuél a mbe ésaa Gedor a Ezér ésaa Husa. Bone be Hur mbe le, ntôle mone Efrata ésaa Bétléhém.

1 Minkte 5:2

Yuda nye a nga dañ éwôlô e bobenyañ été a e nne môt a nga su'ulane bo évet a nga so be nye, ve Yôsep a nga nyoñ éto ntôl.

BESAM 132:6

Bi nga wôk be jô'ô na: Ewolo é ne étyi é ne Efrata, bi nga koone je mefôla ya Yaar.

BESAM 90:2

Valé beta minkô be ngenan te bialé a ô ngenan teke té si a émo minlañ ése, aso nnôm éto a nnôm éto ô ne Zambe.

NKÔLAN 18:21

Wôna tobôk ayoñ été, benyabôtô, ba ba ko Zambe woñ, ba ba nye'e bebela, ba ba vini ma'an me ne ékotekot; telé'é be bivete ya bôte toyini, ntet, mewôm metan nge bôte awôm.

NKÔLAN 18:25

Ane a nga tobe benyabôtô Israél ase été, a telé be minlô ya ayoñ: bivet ya toyina bôt, ntet, mewôm metan a awôme da.

EZAYI 11:1

Ntyaé wo ye faa e nnôm ékume Izayi. A éfa'alé ya mindi mié ja ye wume bibuma.

EZAYI 53:2

A nga yaé asu Nti ane éfa'alé, ane nkañ wo vame si ja wô'ô évé; a mbe tek'éyeka'a nge abeñ bia tindi na bi fombô nye. Ñyenan bi nga yene nye ô nji bi jam éziñe ya na bi fombô nye.

EZAYI 55:4

O lôô me nga telé nye ane ngaa ya *meyoñ, ane nliti *zen, a jô'ô *meyoñ.

EZAYI 7:14

Ajô te Nti émien a ye ve mia ndem: mi lôô ngone minga é ntoo abum, Ja ye biaé monafam, a ja ye yôlé nye na: Emmanuel.

YEREMIA 30:21

Evete jé ja ye so abume dam été, nyô a jôô nye a ye so b'émien: ma ye bo na a zu bebé, a a ye subu be né, amu na, za a ne nyô a ye kee nleme wé ôbien asu ya subu ma bebé' Nalé Nti a jô.

Oz 6:3

Ajô te ñyemane nye na a ne Zambe, a bi jeñe na bi yeme Nti. Nzuane wé ô ne bebela ane melenda me tyé; a ye zu asu dangan ane mendim, ane mveñ ésep ja ve si mendim.

Am 9:11

Môs ôte, ma ye bete ébeme David ja ndeñetan, a mane kôme mevôm mese me ne ntuan été; mevôm mese me nga mane tyamban, ma ye bete me si, a beta lôñ ébeme te, ane é mbe melu mvus.

MIKÉ 4:10

A ngone Sioñ wô'ô mintaé a tat ane minga a kô'ôlô mie: Amu wo ye kui e tison atan éyoñe ji, a wo ye bo étaba'a jôé e mefup, wo ye ke a kui Babilôn, nne ñhe wo ye kôtébane wé, e mo be besiñe bôé.

ZAKARI 13:7

A nkpwaté mekôn wosa'ane mba'ale mintômba me nga bo élat a nye. Wôék mba'ale mintômba, éyoñe te mintômba mia ye mialane vôm ase, a ma ye jimbi bone ya mbam.

ZAKARI 9:9

Va'ak a Yérusalém! Loñ ôyenga a tisone Siôn! O lôô njô bôt a zu be wo, a too *zôsôô a ndañan, nsilibane si a bete éjakase yôp, e mon éjakase yôp, e mon ngal éjakas.

METIAS 2:1

Eyoñe Yésus a bialéya e Bétléhém ya Yudé, melu njô bôte Hérôde, ô lôô beyeme mam ya jôb da tôô be nga kui Yérusalém be sili'i na:

METIAS 2:6

Amu wo a Bétléhém, si ya Yudé ô nji dañe dañe tyôtyoé ézezañe minlô minlame ya Yuda, Amu na Njôô a ye so be wo, A ye ba'ale mbame wom Israél.

METIAS 28:18

Eyoñ a subuya be bebé, Yésus a nga kobô a jô be na: Ngul ése é maneya vebane be ma e yôb été a e *si nyô.

LUKAS 23:2

Be nga taté na ba bo'olô nye mejô be jô'ô na: Bi nga koone môte nyô a sô'ôlô'ô bôte y'ayoñe dangane na be bene njôan, a kama'ane na be bo teke ya'ane kéza *toya, a jô'ô fe émiene na a ne Krist, njô bôt.

LUKAS 23:38

Ntilan ô mbe nye nlô yôbe na: Nyôna a ne njôô Beyude.

YOANES 7:42

Ye Mintilan mi nji jô na Krist a ye so e mvoñe bôte David, e Bétéléhém, nlame David a nga too'

DEUTERONOME 1:15

Mfa'a ya wulu mia, nde me nga sulan e bôt be ne fek, be bili mbamba jôé, be too fe ba be tameya be'e mimbe'e miziñ e meyoñe menan été; me nga telé bevok bivete ya toyini, ntet, mewôm metan nge bôt awôm.

KÔLÔS 1:17

A too ôsu ya biôme bise. A biôme bise bi tii e be nye.

HÉBRE 13:8

Yésus Krist a ne avale da angô'é a den. A ye tabe nalé nnôm éto.

HÉBRE 7:14

A ne jame ya tu'a yeme na, Nti wongan a so ayoñe Yuda, e nde Môze a nji tote jam éziñ e fete *ntuni e mintilane mié.

1 Jn 1:1

E jam e nga too a so atata'a, e jam bi nga yen a mise mangan, e jam bi nga fombô ne tooñ a e mo mangan me nga nambe. A jô ya ényiñ.

NLITAN 19:16

alô'ô dé e yôp, a abo dé, a be'e jôé ntilane na: Njôô ya bejôô a Nti ya beti.

NLITAN 2:8

Tili'i éngele a ne keké Smirne na: Avale di nde Nyô ya ôsu, a Nyô a su'ulan, a Nyô a nga wu a beta bulan ényiñ a jô:

NLITAN 21:6

A a nga jô me na: E bobaneya nalé. Me ne Alfa a Oméga, atata'a a susu'a. E môt a wô? évé, ma ye ve nye a nyu anjeñe bevevee mendim e zesé.

BETYIʼI MEJÔ 17:7

Esoé Lévite é mbe, é too e Bétléhém ya Yuda, sii ayoñe Yuda.

Rt 1:1

Melu betyi'i mejô be nga jôô, mfumbale zaé a nga kui Israél. Nde môt éziñ ya Bétléhém, si ya Yuda, a nga kôlô baa ngal a bobefam bé bebaé; nalé be nga ke tabe nté éziñ mebôta me si me ne nte'an e si ya Môab.

Rt 4:11

Ane bôte bese be nga too *mbé a bemvendé be nga jô na: Bi ne bengaa! Nti a kañese'e na e minga a nyiine wo *nda a bo ane Rachél a Léa, mbe bebaé be nga lôñ ayoñ Israél. Bo'o Efrata ngu, bo'o fe jôé Bétléhém na e wô'é.

SAMUEL ÔSU 10:19

Ve den, mia mia ben e Zambe wônan a nga nyii mia e minju'u mienan mise a biyebe bienan bise, a mia jô nye na: Telé'é bia njôô! Za'an éyoñe ji asu be Nti, ane *meyoñ menan a betoyini be bôte benan be né.

SAMUEL ÔSU 17:12

Ve David a mbe mona mon'Efratieñ e Bétléhém ya Yuda, jôé na Izayi, nyô a nga bili bone muam, a nye ate, melu Saül, a mbe nnôm ayoñ Israél été.

SAMUEL ÔSU 17:18

Nyoñe fe befrômage awôme ba, wo ye ve be môt a jôô nkane bita bobenyoñ be né. Wo ye yemelan nge bobenyoñ be ne *mvo'é, éyoñ wo bulan, ô za'a ndem éziñ ja liti na mam mese me ne *mvo'é.

SAMUEL ÔSU 23:23

Fasan a yemelan mevôm mese a ne nguleya sobô; éyoñe te mia ye beta zu be ma a koé na mi mbili bebela éziñ, éyoñe te bia be mia bia ye su'ulane ke. Nge nne a ne e si jangane va, wôna ma ye jeñe nye e zañe betoyini be bôt bese y'Israél.

SAMUEL ÔSU 8:12

A ye bo be bivete ya toyini, a bi ya mewôm metan, a ye fe belane be asu ya senane mesi mé, asu ya kôane bidi bié a kôme mengale bita mé a biôme ya bevagoñe bé.