MIKÉ 4:8 - Kalate Zambe Nnomo a Mfefe Mfefé Nkôñelan

⁸ A wo, nkôle Yérusalém, wo wo fombô bôt ane ôzomezome *nda bemombô, ana'ana, wo ye beta bi ngul éjôé jôé, aval'ane melu mvus. Yérusalém a ye beta bo nlô tisone ya Yuda.

Bible en langue Bulu

⁸ A wo, nkôle Yérusalém, wo wo fombô bôt ane ôzomezome nda bemombô, anaʼana, wo ye beta bi ngul éjôé jôé, avalʼane melu mvus. Yérusalém a ye beta bo nlô tisone ya Yuda.

MIKÉ 4:8 Iomraidhean Croise

KALATE METATAʼA 35:21

Israél a nga ke a telé *nda éndelé jé alôte Migdal-Eder.

SAMUEL BAA EJÔÉ DAVID 5:7

Ve David a nga nyoñe vôm a mbe nlôñan ôlem jôé na Sioñ: nye a ne beta tisone David.

NEHEMIE 3:25

Palal, mone Uzayi, a nga saé *zôsôô a aku'u *nda njô bôt, bebé a nseñe *nda mimbôk. Pedaya, mone Paréôk, a nga saé e mvuse jé.

BESAM 24:7

Beta'ane mimbô'ô mienan ôyabe yôp, mia mimbé, beta'an miabebien ôyabe yôp, mia mimbé ya nnôm éto! ndembene njô bôte y'étôtok a ye nyiin!

BESAM 48:3

Nkôl ô n'abeñ, ava'a ya si ése, nkôle Sioñ: mfa'a y'akôé, e tisone beta njô bôte le.

BESAM 61:3

Ma yône be wo me too aku'u ya si, nleme ntya'an; kele ma akôme da dañe ma ôyabe yôp!

JIA JA DAÑ ABEÑ 4:4

A botyiñe dôé e n'aval ane *nda ôleme David, nje é nga lôñebane asu ya naane biôme bia so ndañane mewosan, vôm ate toyini biben a tyele, bibene mevale mese asu biwôlô bi bôt.

EZAYI 1:26

Ma ye beta bulane betyi'i mejô bôé, avale be mbe melu mvus, a bebôndé mefe'e bôé avale be mbe atata'a. Mvuse valé, ba ye loone wo jôé na Tisone ya *zôsôô, Tison ja wulu *mvo'é.

EZAYI 10:32

a môse te ôbien éyoñ a tebe e Nob, a sise nkôle ya ngone Sioñ, a wo wé, nkôle Yérusalém.

EZAYI 5:2

A nga tyee si a vaa *mekok, nd'a nga bé ndi'i woon wo dañe mvaé, Ezezañ, a nga lôñe *nda benonô afup a fa'a ébé ba miate bibuma. A nga yange na mbamba bibuma bia ye wum été, ve viane teme na bibuma bi n'abé mbie bi nga viane wum été.

DANIEL 2:44

Melu ya bejô bôte bete, Zambe ya yôp a ye telé éjôé ja ye bo teke tyamban, a éjôé te ja ye bo teke éjôé y'ayoñ afe si, ja ye fit a bo bijôé bite momo; a ébien ja ye tabe nnôm éto:

DANIEL 7:18

Mvuse jap nje *ayoñe Zambe da dañ ôyabe yôp e n'étyi da ye nyoñ éjôé a ba'ale je nnôm éto.

ABDIAS 1:21

Bekôté bôt ba ye bete nkôle Siôn, asu ya tyi'i nkôl Esô mejô; a njôan wo ye bo wu Nti.

MIKÉ 2:12

E ne bebela na, ma ye kôane mia bese a mvoñe bôte Yakob! E ne bebela na: Ma ye sulane mia a *mebuka'a ya Israél! Ma ye sulane mia ane mintômba ya abemba, ane mbam biyem e vôme wo di; éduñ ja dañ môta binam ja ye bo.

ZAKARI 9:10

A ye vaa bevagoñe bita Efrayim, a bikabela e Yérusalém; a ye bu'u bilaé bita, a ye telé *mvo'é e meyoñ; a ye bo njôô ataté mañe ma a kui ma mevok, ataté Efrat a kui aku'u si.

ZAKARI 9:12

A mia mimbôk mia nyiñ a ndi *nlem, bula'an e tisone jenan, nje mimfin mi nto mbetan. Ma kate mia de éyoñe jina na: ma ye ya'ane mia minju'u mienan a mbamba be mam biyoñ bibaé.

ZAKARI 9:9

Va'ak a Yérusalém! Loñ ôyenga a tisone Siôn! O lôô njô bôt a zu be wo, a too *zôsôô a ndañan, nsilibane si a bete éjakase yôp, e mon éjakase yôp, e mon ngal éjakas.

NLAÑANE BÔT 24:19

Nyô a so be Yakob a jô'ô ane mben, a wôé *mebuka'a ya tison.

METIAS 21:33

Vô'ôla'ane *nkana ôfe: Môt a mbe mie *nda, nde ñhe a bé afube mindi'i mi woon a bômane fe de nka'alé, a fa'a ébé ba miate bibuma été a lôñe nkum, a tooé beba'ale été, a kele ñhe ke dulu.

MARKUS 12:1

Ane Yésus a nga taté na a kobô bôt a minkana. Nye na: Môt éziñ a nga bé afub woon, a lôñe nka'alé mbôma'ane, a mane fak ébé éfu'u woon, a lôñe fe nkume-nda ya ba'ale woon. Ane a nga nyoñ afub a ve bebo bisaé, ane a nga ke e dulu.

EFEZE 1:21

mbetane yôp a dañe Ngul éjôé ése, Njôan, Ewôlô, Eto Fili a jôé ese é ne ngule ya toteban, saa ve émo jina étam ve nalé fe émo ja zu.

NLITAN 22:5

Alu daa ye fe bo, teke môt a ye yi éfufube lambe, nge ji jôp, amu Nti, Zambe, a ye lôm éfufube jé e be be. A ba ye jôô nnôm éto a nnôm éto.