MIKÉ 4:7 - Kalate Zambe Nnomo a Mfefe Mfefé Nkôñelan

⁷ Ma ye bo *mebuka'a me so'ok e be nyô a feñke. Ma ye bo ayoñe bôt e ne ngu e so'ok e be nyô me nga telé fefe; a Nti a ye bo njô bôte wop e nkôle sioñe yôp, ataté éyoñe te a kui nnôm éto.

Bible en langue Bulu

⁷ Ma ye bo mebukaʼa me soʼok e be nyô a feñke. Ma ye bo ayoñe bôt e ne ngu e soʼok e be nyô me nga telé fefe; a Nti a ye bo njô bôte wop e nkôle sioñe yôp, ataté éyoñe te a kui nnôm éto.

MIKÉ 4:7 Iomraidhean Croise

BESAM 2:6

Ma me teléya njô bôte wom e Sioñ yôp, nkôle wom ô n'étyi!

EZAYI 16:5

éyoñe te ñhe, amu ô ne mbamba môt, éto njôan é ne ngu a ja tabe ja ye boban asu mvoñe bôte David. A ye tabe éto njôan ane ntyi'i mejô a bôô évevé ajô nya ntyi'ane mejô a *zôsôô.

EZAYI 24:23

Ngon ja silibane si a jôp da woban ôson. Amu Nti ya minsamba mewosan a jôô e beta nkôle Siôñ a e Yérusalém, étôto'o jé été. bemvendé be too.

EZAYI 6:13

Nge ngap awômô ya bôt be né ja li'i ane *mebuka'a, ngabe bôt éte ja ye di'ibane nduan v'aval ane ôkô'a a élôn bia ba'ale bikume biab éyoñ bi maneya ba'éban, nalé ate ekume ya ngab éte Ja ye ve mvoñe bôt é n'étyi.

EZAYI 60:22

Nyô a dañe tyôtyoé a ye bo ngume toyini bôt, a nyô ba biasé ki ayoñ e ne ngu. Ma, Nti, ma ye tindi mam mete avô éyoñ ja yian.

EZAYI 66:8

Za a tameya wô'avale ajô te' Za a tameya yen jam e funa'ane dili' Ye ngume si ô ne bialé môse wua' Ye ngum ayoñ ô ne bialé éyoñe jijia' Siôn a nga biaé bobefame bé a ndôme ndôme taté ésaé jé

EZEKIEL 43:7

Be nga jô me na: A mona môt, vôme y'éto njôane jam a ételé mebo jam nye nyô; nne ma ye tab'été, e zañe bone b'Israél nnôm éto. Ayoñ Israél da ye bo te beta ve jôé dam é n'étyi mvin; to'o ebien, to'o bejô bôte bé a ébamba jap, to'o mimbime bejô bôte bé a mesoñe map.

DANIEL 2:44

Melu ya bejô bôte bete, Zambe ya yôp a ye telé éjôé ja ye bo teke tyamban, a éjôé te ja ye bo teke éjôé y'ayoñ afe si, ja ye fit a bo bijôé bite momo; a ébien ja ye tabe nnôm éto:

DANIEL 4:34

Ajô t'éyoñe ji ma, Nébukatnétzar, ma kañ, ma zalé, ma ve Njô bôte ya yôbe duma! Jam ese a bo e ne *zôsôô, mimboone mié mise mia yian. A bili nguleya sili ba ba wulu mebune si.

DANIEL 7:14

Nde be nga ve nye ndañan, duma, éjôé. Asu ya na bôte ya mesi mese, *meyoñ mese a *minkobô mise mi saane nye. Ndañane wé wo ye tabe nnôm éto, teke man, a njôane wé wo ye bo te tyamban.

DANIEL 7:27

Ejôé, ndañan a anene ya bijôé ya *si nyô bia ye veban e be *ayoñe Zambe da dañ ôyabe yôp e n'étyi. Ejôé ya ayoñe te ja ye tabe nnôm éto, a mingungule minjôane mise ya émo ji mia ye wô'ô nye a saane nye.

ABDIAS 1:21

Bekôté bôt ba ye bete nkôle Siôn, asu ya tyi'i nkôl Esô mejô; a njôan wo ye bo wu Nti.

MIKÉ 2:12

E ne bebela na, ma ye kôane mia bese a mvoñe bôte Yakob! E ne bebela na: Ma ye sulane mia a *mebuka'a ya Israél! Ma ye sulane mia ane mintômba ya abemba, ane mbam biyem e vôme wo di; éduñ ja dañ môta binam ja ye bo.

MIKÉ 2:13

E môt a yooé *zen a tele mia ôsu; mi kôtébaneya, mia dii *zen a ngu a mia kui atan. Nti, njô bôte wônan, nye a wulu mia.

MIKÉ 5:3

A ye tebe a ve be bidi a ngule Nti, a éjijine ya jôé Nti, e Zambe wé; a ba ye bi étaba'a ya buni éyoñ ése. Amu ataté éyoñe ji, a wum a kui meku'u ya *si nyô.

MIKÉ 7:18

Za a ne Zambe ane wo, nyô *a jamé ékop a lôte mbia mboon amu a kamane *mebuka'a ya ngabe jôé' A ne te ba'ale ayaa nnôm éto, amu *a nye'e mvam.

SOFONI 3:13

Mebuka'a me Israél ma ye jô'é mboone mvô. Ma ye bo te laa minsos ôyeme mvô wo ye bo te bo e menyu mab été, éyoñe ba ye bi bidi a vôme ya bômbô teke môt a ndeñele be.

SOFONI 3:20

Eyoñe te ebiene ma ye beta bo na mi bulan, éyoñe te nje ma ye kôane mia; amu ma ye bo mia jôme duma a ékaña'a e *meyoñ me bôte ya *si nyô été, éyoñe ma ye soo minkôme mienan mise menan me lôô, Nti a jô nalé.

LUKAS 1:33

a ye jôô *nda bôte Yakob nnôm éto, a e njôane wé wo ye bo teke man.

NLITAN 11:15

Engele zamgbwale a nga loñe toñe jé. Beta metyiñ me nga so yôp me jô'ô na: Ejôé ya *si nyô é nto ji e Nti wongan a Krist wé éyoñe ji. A ye jô'ô nnôm éto a nnôm éto!