MIKÉ 4:12 - Kalate Zambe Nnomo a Mfefe Mfefé Nkôñelan

¹² Ve jama *meyoñ ate a ne teke yem asimesane Nti, a ne teke yeme mintyi'ane mié, a ne teke yeme na a maneya sulane nye ane mimbom mi ne nka'an afup été.

Bible en langue Bulu

¹² Ve jama meyoñ ate a ne teke yem asimesane Nti, a ne teke yeme mintyiʼane mié, a ne teke yeme na a maneya sulane nye ane mimbom mi ne nkaʼan afup été.

MIKÉ 4:12 Iomraidhean Croise

BESAM 147:19

A kalan ayoñe dé ajô dé, a tiñeti Israél metiñ ya ényiñ.

BESAM 147:20

A nji tame bo ayoñ afe avale jame te a teke'e ayoñ afe da yeme metiñ mé. Alléluia, ényiñ é bo'o jôme Nti!

EZAYI 10:7

Ve nye ki a nji wô'ô jame te nalé, nleme wé ô nji tyi'i jame te avale te, amu ôsimesane wé ô ne na a mane jian, a na a mane abui *meyoñ.

EZAYI 21:10

A bôte y'ayoñe dam, mbe be nga tya'aban ane fôn afube dam été, e jam me nga wôk e be Nti ya *minsamba mewosan, Zambe y'Israél, nde le me kateya mia.

EZAYI 29:7

Jame te da ye bo ane biyeyem, ane jame môt a yen a alu, e be jama bôt a mbe a wosa'an Ariél, e be ba bese be mbe be bo'o nye bita, be mbe be ndeñele'e nye a bametane nye.

EZAYI 55:8

Amu asimesane dam e nji bo éndenan a mezene menan me nji bo émam, nalé Nti a jô.

YEREMIA 29:11

Ma ma yem asimesane me bili ajô denan, nalé Nti a jô, asimesane *mvo'é saake di bidim, nalé ma ye ve mia akiti e bili mam mia ye tabe me ndi.

YEREMIA 51:20

Ô nga too ôkuta'a wom, mengale bita. A wo, me nga bômôlô *meyoñ. A wo, me nga tyame bijôé.

YEREMIA 51:33

Amu avale di Nti ya *minsamba mewosan, e Zambe Israél a jô na: a ngone ya Babilôn ô ntoo ane vôme ba vaa bidi bikôla'a éyoñe ba tya'a bie a mebo; étun éyoñ é ngenane na éyoñe ya nkôane bidi ô so asu dé.

Yo 3:2

To'o na e be bebo bisaé befam a binga ma ye sôé Nsisime wom melu mete.

LUKAS 3:17

A bili éfeba'a e wo wé, wôna a ye vos e vôme wé ba fiale fes, a ye kôane nlisi angune dé, ve a ye di'i bivua e nduan é ne teke dim.