MIKÉ 4:10 - Kalate Zambe Nnomo a Mfefe Mfefé Nkôñelan

¹⁰ A ngone Sioñ wô'ô mintaé a tat ane minga a kô'ôlô mie: Amu wo ye kui e tison atan éyoñe ji, a wo ye bo étaba'a jôé e mefup, wo ye ke a kui Babilôn, nne ñhe wo ye kôtébane wé, e mo be besiñe bôé.

Bible en langue Bulu

¹⁰ A ngone Sioñ wôʼô mintaé a tat ane minga a kôʼôlô mie: Amu wo ye kui e tison atan éyoñe ji, a wo ye bo étabaʼa jôé e mefup, wo ye ke a kui Babilôn, nne ñhe wo ye kôtébane wé, e mo be besiñe bôé.

MIKÉ 4:10 Iomraidhean Croise

2 Bb. 20:18

Ba ye nyoñe bone bôé, ba ba so e be womien, e mbiane wôé. Ba ye bo bemiak e *nda njô bôte ya Babilôn.

2 Bb. 25:4

be nga tub afôla aka'a ya tison. Ane njô bôt a nga tup a alu, a bôte mewosan bese, be nga lôt e zene ya *mbé ô ne e zañe mimfine mibaé, bebé afube njô bôt, éyoñe te Bekaldééñ be bôma'ane tisone nkuk. A nga tyii e zene ya Araba.

2 Minkte 33:11

Ajô te Nti a nga zuu bivete ya nsamba mewosane njô bôte ya Asiri na bi wosane be; be nga bi Manasé a menen m'akop, be ka'a nye a ngôkobe mvot é ne mimba'a mibaé a kee nye Babilôn.

2 Minkte 36:20

Nébukatnétzar a nga kee ba bese be nga fam nkpwaté mekôn e Babilôn; be nga bo bebo bisaé bé émien a ba be bone bé akekui éyoñ éjôé ya Perse é nga tebe,

2 Minkte 36:23

Avale di nde Sirus, njô bôte ya Perse a jô na: Nti, Zambe ya yôp, a veya ma bijôé bise ya si, a a veya ma ésaé ya lôñe nye *nda e Yérusalém Yuda. Za ya be mia a ne môte ya ayoñe dé ete? Nti, e Zambe wé, a tabe'e be nye a a ntoo ve bet a ke Yérusalém.

BESAM 106:10

A nga nyii be be bôt be nga kômbô bo be abé a nga kôté be e biaé bi nsiñe wop.

EZAYI 43:14

Avale di nde, Nti a jô, nyô a kôté wo, nyô y'Israél a n'étyi na: asu denan nde me nga lôme môt a wosane Babilôn. Ma ye bo na be mane kubu ôsôé, bôte ba tube bete bese, be Kaldééñ bete be too besitima meva'a map été.

EZAYI 45:13

Ma me nga telé Sirus asu ntyi'ane mejô a ma ye tyee mezene mé mese; a ye beta lôñe tisone jam a suu minkôme miam mi ke teke ma'an nge memvak, nalé Nti ya *minsamba mewosan a jô.

EZAYI 48:20

Kôla'an e Babilôn, tuban mi kôlô ézezañe Bekaldééñ! Katane foé ya jame te, bo'one na bôt be wô'ô de a tyiñe ndañan; miala'ane de a kui susu'a si. Jô'ane na: Nti a kôtéya Yakob mbo ésaé wé!

YEREMIA 13:4

nyoñ ases ô nga kus, nde e tii wo angeteñ; kôlô'ô si, kelek mfa'a y'ôsôé Efrat a, e wé, solé'é asese te mbamele ako'o été.

YEREMIA 15:21

Ma ye kôté wo e mo me mbia be bôt, ma ye vaa wo e mo betibili bôt.

YEREMIA 29:20

Ve mia, vô'ôla'an ajô Nti, mia bese, bekee minkôm me nga lôme Babilôn be so'o Yérusalém!

YEREMIA 4:31

Amu ma wô'ô miñyôn ane mi minga a kô'ôlô mie, miñyône biyebe ane mi ya abiaé ôsu. Tyiñe ngone Sioñ nje le; ja vebe abuk, a same mo na: za éngôngole me ne di, me kuya e mo bewôé bôt été.

YEREMIA 48:41

Kériôt a nyoñebaneya, alem é vasebaneya, a minleme mimbene ya Môab mi ne *môs ôte a ne minleme ya minga a kô'ôlô mie.

YEREMIA 52:27

Nye ki ve bo na be wôé be awolo te ébien e si ya Hamat.

Oz 13:13

Mintaé ya nyô a kô'ôlô mie mia ye kui be nye. Ve mon ate a ne akut, amu a bene kui atan abume nyia éyoñ éyoñ é kuiya.

Oz 2:14

Ma ndamane ndi'i woone wé, a e figié wé, mbie a mbe a jô'ô na: tame yene ma'ane bibone biam bi veya ma. Ma ye bo ndi'i woone te a befigié bete afan, a bia ye bo bidi betite ya fé.

MIKÉ 5:2

Ajô te Nti a ye li'i bôte bé, nté a yange na minga a yiane biaé a biaé monafam, éyoñe te *mebuka'a bobenyañ ma ye beta zu be bone b'Israél.

MIKÉ 5:3

A ye tebe a ve be bidi a ngule Nti, a éjijine ya jôé Nti, e Zambe wé; a ba ye bi étaba'a ya buni éyoñ ése. Amu ataté éyoñe ji, a wum a kui meku'u ya *si nyô.

NLITAN 12:14

Ve mefap mebaé me beta ndôé me nga veban e be minga na, a yele a ke e *nkôte si, e vôm a ne nye mba'alane na, be ve nye bidi, ôyab a nyo, tañe mimbu mila a étun.