MIKÉ 3:11 - Kalate Zambe Nnomo a Mfefe Mfefé Nkôñelan

¹¹ Bivete bié bia tyi'i mejô amu éboteze, betuni bé ba ye'ele bôt amu tañ, bekulu mejô bé ba kulu mame ya akiti amu moné; a ba ye'ebe be Nti be jô'ô na: Ye Nti a nji bo e zañe jangan' Bidim bia ye bo te kui be bia.

Bible en langue Bulu

¹¹ Bivete bié bia tyiʼi mejô amu éboteze, betuni bé ba yeʼele bôt amu tañ, bekulu mejô bé ba kulu mame ya akiti amu moné; a ba yeʼebe be Nti be jôʼô na: Ye Nti a nji bo e zañe jangan? Bidim bia ye bo te kui be bia.

MIKÉ 3:11 Iomraidhean Croise

MINKANA 17:23

Mbo *abé a kañese biboteze alô'ô été, asu ya bo mezen me ne *zôsôô ékotekot.

EZAYI 1:23

Bivete biôé bia bene njôan, ba be miñwuwup be ne *tyiñ, bese ba nye'e biboteze A ba tôñe ma'an; be nji ke tyi'i ajô monenyui *zôsôô, nge kamane nkus.

EZAYI 48:2

Amu jôé dap da téé tison é n'étyi, a ye'ebe e be Zambe Israél nye jôé dé e ne Nti ya *minsamba mewosan.

EZAYI 5:23

Ba kale e môt a yiane ku amu tañ a bene ve môt a ne te bijô mekabe mé.

EZAYI 56:11

Bone mindôndo'o bemvu be ne te yeme jaé bidi. Be ne beba'ale mintômba be ne te yeme wô'ô jôm; bese ba tôñe zene jabe bebien, môt ase fo'o v'ane mfi wé ô né;

YEREMIA 23:17

Be bili ayo'o nleme ya kôme jô ba ba biasé ma na: Nti a jôya na: mia ye tabe *mvo'é. A ba jô môt ase a tôñe ntibe ya nleme wé na: bidime biziñ bia ye bo te kui be wo!

YEREMIA 26:7

Betuni, bekulu mejô, a bôte bese be nga wôk ane Yérémi a tote mejô mete Nda Nti,

YEREMIA 5:12

Ba belane medu'an mfa'a Nti, ba jô na: Nti a nji bo! A bidim bia ye bo te kui be bia, bia ye bo te yene nkpwaté mekôn nge zaé.

YEREMIA 6:13

Amu na, ataté be nyô ya be be a ne tyôtyoé, a kui nyô a dañ anen, bese be n'ôzañ akum; ataté *nkulu mejô a kui *ntuni, bese ba belane medu'an.

YEREMIA 7:4

Te bunane mejô medu'ane na: *nda Zambe Nti nje nyô, Nda Zambe Nti, Nda Zambe Nti!

YEREMIA 8:10

Ajô te ma ye ve binga bap e be bôte befe a mefube map, e be bôt ba ye wôlé be biôm. Amu ataté nyô a dañ atek a kui nyô a dañ éwôlô, bese, be n'ôzañ akum; ataté *nkulu mejô a kui *ntuni, bese be ne mvô.

EZEKIEL 22:12

E be wo bôt ba nyoñe memvaka asu ya kuli metyi. Wo sili nsenge a abet. Wo wôlé môte mbo'o jôm a étibela'a ve wo vuane ma, nalé nyô a ne Zambe a jô.

EZEKIEL 22:27

Bivete bié bi ne ny'été ane beze ba landé jôm ba te bi ba kuli metyi, ba dimili minsisim asu ya jalé ñwôlane biôme wop.

EZEKIEL 34:2

A mona môt, kulu'u mejô ma wosane beba'ale mintômba y'Israél! Kulu'u mejô a jô be na: Mfa'a beba'ale mintômba: Avale di Nti nyô a ne Zambe a jô na: Ngo'o beba'ale mintômba y'Israél mbe ba ve bebiene bidi! Ye beba'ale mintômba be nji yiane ve mintômba bidi'

Oz 4:18

Nné ane ba mane nyu, be nga bum ébamba été. Bivete biap bia dañe nye'e mam me n'ôson.

Oz 4:8

Ba nyiñ a *bityi'a, bôte bam ba yiane mekua ba ve, a tindi be na be bo aval'abé be fe ba bo.

Am 5:14

Jeñane mvaé, sa *abé, ndemben mia ye nyiñ, a nalé ate Nti, Zambe ya *minsamba mewosan, a ye tabe be mia avale mia jô.

Am 9:10

Bebo *abé bese ya ayoñe dam, ba ye wu a nkpwaté mekôn, mbe ba jô na: njuk wo ye bo te subu bebé, a wo ye bo te kañese na: nju'u te ô kui a nnambe bia.

MIKÉ 3:5

Avale di nde Nti a jô bekulu mejô ba du'u bôte bam: mbe ba kate foé *mvo'é éyoñe mesôñe map me bili jôme ya di, a wosan e môt ase a nji ve be jôm éziñ.

MIKÉ 7:3

Ba belane mo map asu ya bo *abé, mvaé njô bôt a bo é ne éyoñ a yemete minkômbane mié, *ntyi'i mejô a sili tañe fe abet, beta môt a kobô asu ya volô ôzañ moné wé.

SOFONI 3:3

bivete bié ézezañe jé bi ne bengbwengbwem ba bam; betyi'i mejô bé be ne ane menkamenyañe ya mamengô'é, mme me nji fe bi jôme ya di mametyé,

SOFONI 3:4

bekulu mejô bé be ne bivevese bi bôt, e bôt be ne njoñ; betuni bé ba ndaman étyi ya biôm bi n'étyi, ba tyame metiñ,

MALAKI 1:10

Ngo'é nge môt éziñ ya be mia a ye dibe *mbé nda Zambe, nalé mia ye bo te bo'é nduane ya ata'a metuna'a dam e zesé! Me nji yene mia mvaé, nalé Nti ya *minsamba mewosan a jô, a me nji kômbô nyoñe mvean éziñ e mo menan!

MALAKI 2:9

Ajô te ma fe ma ve mia mi bo jôm ébiasé a jôm ôsame e mise m'ayoñ ese, amu mi nji ba'ale mezene mam, a amu mia nyiñili fulu ôbangam e metiñ me Zambe été.

NLAÑANE BÔT 16:15

Ajô te Môze a nga dañe wô'ôlun a jô Nti na: Te fombô mveane wop. Me nji nyoñe be to'o v'éjakase jia a, me nji ke bo môt éziñ y'été *abé.

NLAÑANE BÔT 22:7

Nde bemvendé ya Môab a bemvendé ya Madian be nga ke be bili mimvean asu Balam. Eyoñe be kuiya e be Balam, be nga kate nye mejô me Balak.

METIAS 3:9

a te mia bo zezé énguñ e be mia bebiene na: Abraham a ne ésaa wongan! Amu ma kate mia bebela na, Zambe a ne soo Abraham *bon e meko'o ma.

1 Tim 3:3

Saa nyuu bilam, nge môta mewosan, ve évôvoé, nlate bôte ngbwa, môt a nji yange ma'an,

Tt 1:11

Ba yiane dibe be menyu. Ba tyame mingumba menda me bôt, a ye'ele mam me nji yian, asu ma'an me ne ôson.

1 Pi 5:2

Va'ane mbame mintômba ô nga vebane be mia bidi, a ba'ale wô, saa a ntindan, ve a nye'an, aval ane Zambe a kômbô.

YUDE 1:11

Amu ajô tañ, nde be nga ku e *meve'ele me Balam a be nga jañ nkangane Koré été.

SAMUEL ÔSU 8:3

Bone be Samuel be nji ke tôñe bibô'a mebo bié; be nga dañe nye'e nseñge, a nyoñe biboteze a tyi'i bôte mejô ékotekot.