MIKÉ 2:9 - Kalate Zambe Nnomo a Mfefe Mfefé Nkôñelan

⁹ Mia titane binga y'ayoñe dam e menda map ba nye'e, mia vaa bone bap duma me nga ve be na: Be ne émbam nnôm éto.

Bible en langue Bulu

⁹ Mia titane binga yʼayoñe dam e menda map ba nyeʼe, mia vaa bone bap duma me nga ve be na: Be ne émbam nnôm éto.

MIKÉ 2:9 Iomraidhean Croise

BESAM 72:19

Jôé dé e n'étôtok é bo'o ébotane nnôm éto, si ése é jaé ne lut a étôto'o jé! Amén! Amén!

YEREMIA 10:20

Nda éndelé jam é maneya tyamban, minkole miam mi maneya téé, bone bam be kôlôya be ma; be nji beta bo; me nji bi môt a ne beta limi *nda éndelé jam, nyô a ne beta bete menda bindelé mam;

EZEKIEL 39:21

Ma ye liti duma dam e be meyoñe bikuu, a meyoñe bikule mese ma ye yene mintyi'ane mejô ma ye bo, nalé fe e wo wom ma ye bôôé me nyô.

Am 2:7

A ba nyamete ja'ane mbulu'u ya si, ñwô ô ne e nlô ya bôt ba nyiñ ve a mimvolan; a ba vôône zene ya bôte ba suu fe bebiene si. Monafam ba ésaa wé ba tôban e be monaminga wua, mfa'a ya ndaman jôé dam e n'étyi.

MIKÉ 2:2

Ba nyamete mefup, a nyoñe me a ngu, avale te fe menda, ba wôlé me; ba tibili bialébialé a *nda bôte jé, môt a ngab éli'i jé.

HABAKUK 2:14

Amu *si nyô ja ye jaé a ñyeman étôto'o Nti, avale f'ane mendim ma yandan édo'o mañ.

ZAKARI 2:5

Nde ma bete mis a yene môt a bili nkole ba ve'e wô si e wo.

METIAS 23:13

Bidim a mia, *beyeme bekalate a Befarizieñ bôte bebadu'u, amu mia dip éjôé ya yôp ôsu be bôt; miabebien teke nyiin été a teke jô'é ba ba kômbô nyiine na be nyiin.

MARKUS 12:40

E mbe ki be mane'e di minkuse mi binga biôm, be dañe fe viane liti ve miñyené ya atan a zene ya abui ayabe meye'elan. Ba ye nyoñe mekua ma lôte nkôñ.

LUKAS 20:47

Ba mine menda minkus, ba bo ayabe meye'elane bebadu'u. Ba ye tôban ngum avale *melep ne teke fianga.

2 Ko 3:18

A bia bese mesu me ne tee mbutan, bia liti minkôkô mi étôto'o Nti, bia veñesañe mesu a nyoñ éyeka'a te ébien, njalan a étôto'o ja beta dañ anen amu Nti, nyô a ne Nsisim.

2 Ko 4:6

Amu e Zambe a nga jô na: éfufup é faék ézezañe dibi. Emien ate nye a nga faé e minleme miangan été, asu ya bo na ñyemane ya étôto'o jé ja kuli minkôkô asu Krist ô faé.

SAMUEL ÔSU 26:19

Ajô te njô bôt ésaa wom a tame jibi wô'ô nkobô mbo ésaé wé éyoñe ji; nge Nti nye a tindi wo na ô wosane ma, a Kañese'e nyoñe mvean; ve nge bôt mbe ba tindi wo, Nti a yoké'é be amu ba titane ma môse wu na be vaa ma éli'i Nti été, nalé a kômbô jô na ba titane ma me ke kañe bezambe befe!