MIKÉ 2:3 - Kalate Zambe Nnomo a Mfefe Mfefé Nkôñelan

³ Ajô te Nti a jô avale di na: Tame yen, ma simesane bidim asu ayoñe bôte di; mia ye bo te kamane tyiñe jenan, a mia ye bo te wulu nlô ô tele, amu éyoñ é ne ji bidim.

Bible en langue Bulu

³ Ajô te Nti a jô avale di na: Tame yen, ma simesane bidim asu ayoñe bôte di; mia ye bo te kamane tyiñe jenan, a mia ye bo te wulu nlô ô tele, amu éyoñ é ne ji bidim.

MIKÉ 2:3 Iomraidhean Croise

EZAYI 29:20

amu asu'ulane ya betibili da ye kui, bekpwe'ele ba ye bobane momo a ba bese ba tebe mesoé asu ya bo mbia be mam ba ye jiaban:

EZAYI 3:16

Nti a jô na: amu bengone ya Siôn be ne mebun, A ba wulu metyiñ me dene, mise ki me kele ma fombô mefep, amu ba ke ba mo'o dulu ne do do do, mengôñ be be'e mebo mme ma duñ ne woñ woñ woñ.

EZAYI 5:19

A ba jô na: A bo'ok avô, e jam a kômbô bo a bo'o de avô bi yen. Ôsimesane Nyô y'Israél a n'étyi ô yené'é a ô boba'an nalé ate bia ye yeme wô.

YEREMIA 18:11

Kobô'ô bôte ya Yuda, a bôte be too Yérusalém éyoñe ji a jô na: avale di nde Nti a jô na: mi lôô ma kômesane bidim asu denan, ma bindi ôvañ ya wosane mia. Bula'an môt ase mbia zene wé, kômane mezene menan a mimboone mienan!

YEREMIA 27:12

Avale te ebien nde me maneya kobô Sédékias, njô bôte ya Yuda na: Ke'ane tyiñe jenan ébôñeté njô bôte ya Babilôn, bo'one nye bisaé, émien a bôte bé, éyoñe te mia ye nyiñ.

YEREMIA 34:17

Ajô te Nti a jô na: Mi nji wô'ô ma éyoñe mi nga yôtan, môt ase, éto fili monyañ nge môt a ne nye bebé. Tame yen: ma yôtan, me too mia ngame yat, éto fili nkpwaté mekôn, ji bim a ji mfumbale zaé, a ma ye kôñelane mia jôme woñ asu bijôé bise ya si.

YEREMIA 36:23

E mbe na Yehudi a lañe minnoñ mila nge minyin njô bôte ki a tyi'i mie a ôtyenjeñe ñyeme bekalate a wua mie nduan é mbe éndum été akekui mvulekane kalat'ôse ô nga mane dik.

YEREMIA 43:2

Eyoñe te Azaria, e mone Hôkaya, Yôhanañ, e mone Karéa a bôte mebune bete bese be nga jô Yérémi na: Jame wo jô e ne minsos; Nti, e Zambe wongan a nji lôme wo ô jô na: Te kean Ejipte a tabe wé.

YEREMIA 8:3

Awu da ye bo jôme ya kañese a dañ ényiñ e be *mebuka'a ma ye li'i be mvoñe bôt é ne *nkpwala éte, e mevale mevôm mese me nga mane wôé be, nalé Nti ya *minsamba mewosan a jô.

MINYÔN 1:14

Nti a lôô bikobe biam me nga bo, bi boya *atiñ e wo wé été, bi beteya a kui me *tyiñ. Nti a boya ngule jame momo jôm, a kalaneya ma e mo besiñ mbe me se nguleya bo jam.

MINYÔN 2:17

Nti a tôéya jam a nga tyik, a boya mejô a nga nyoñe ntyi'an mimbu ya mvus. A tyameya te k'éngôngo; a boya wo ava'a besiñ, a beteya ngule ya besiñe bôé yôp.

MINYÔN 5:5

Bi be'e bôte ba tibili bia mvus; bi te'eya, bi nji bi awo'on.

Am 2:14

Nyô a ne avôle mebo a ye bo te yene vôme ya sobô, a nyô a ne ngu, a ye bo te liti ngule jé, a nyô a ne ngu a ye bo te nyii ényiñe jé.

Am 3:1

Vô'ôla'an ajô Nti a kobô, mia Israél, e ngume *nda bôt me nga soo wô si ya Ejipte me jô'ô na:

Am 3:2

Mia étam me nga nye'e ézezañe ya menda me bôte mese ya *si nyô: ajô te dise dam da fombô *abé denan ése.

Am 5:13

Ajô te bezôsôô be bôt mia vini a siñ, ba tabe évô avale biyoñe te, amu bi ne mbia biyoñ.

MIKÉ 2:1

Bidim a bôt ba fase mam me n'ékotekot, a kômesane mboon abé éyoñe be bôô binoñe biap a alu! Eyoñe *môs ô kuiya, ba bo e jam ba te kômesan, nge be bili mezene ya bo de.

BERÔMEÑ 16:4

Be nga ve bebien asu ya kaman ényiñe jam. Saa ma étam ma ve be akéva, ve nalé fe bekeké bese ya bikuu.

EFEZE 5:16

Mmbe mia yeme belan éyoñe ya éyoñe ji, amu melu me ne *abé.

DEUTERONOME 28:48

Ajô te wo ye bo besiñe bôé Nti a ye lôm be wosane wo ésaé e zaé été, évé été, e soé été, e njembane mam mese été. Nti a ye beté éboñeté étyé e tyiñe jôé, akekui a boya wo na ô jañ.

YAKOB 2:13

E ne na: Ntyi'ane mejô ô ne njet e be nyô a nji koo bôt éngôngo. Nkoon éngôngo wo vini ntyi'ane mejô.