MIKÉ 2:13 - Kalate Zambe Nnomo a Mfefe Mfefé Nkôñelan

¹³ E môt a yooé *zen a tele mia ôsu; mi kôtébaneya, mia dii *zen a ngu a mia kui atan. Nti, njô bôte wônan, nye a wulu mia.

Bible en langue Bulu

¹³ E môt a yooé zen a tele mia ôsu; mi kôtébaneya, mia dii zen a ngu a mia kui atan. Nti, njô bôte wônan, nye a wulu mia.

MIKÉ 2:13 Iomraidhean Croise

NKÔLAN 14:19

A nge Zambe a mbe a wulu'u ôsu ya ngame Israél, a nga kôlô a tebe nye mvus; ane nsume nkute fe ô nga kôlô ôsu viab a tebe be mvus.

EZAYI 42:7

Asu ya kui mindindime mis, asu ya bo na mimbôk mi kôlô menda mimbôk, a bo bôt be too dibi été na be kôlô afanefane mevôm.

EZAYI 51:12

Mamien, mamiene ma volô mia minlem. Ô ne za wo ko ñwu ba loone môte woñ, e mon Adam, nyô asu'ulane dé e ne di bilok'

EZAYI 52:12

Te kôlan avô, te kean mi tubuk: amu Nti a ke mia ôsu, a Zambe y'Israél a ye bo medib ako'o wônan.

EZAYI 55:4

O lôô me nga telé nye ane ngaa ya *meyoñ, ane nliti *zen, a jô'ô *meyoñ.

DANIEL 2:44

Melu ya bejô bôte bete, Zambe ya yôp a ye telé éjôé ja ye bo teke tyamban, a éjôé te ja ye bo teke éjôé y'ayoñ afe si, ja ye fit a bo bijôé bite momo; a ébien ja ye tabe nnôm éto:

Oz 13:14

Ve ma Nti, ye ma yiane vaa bôte bete e biaé bi awu, a kôté be vôme miñwuan' A awu, mengale môé me ne vé' A vôme miñwuan, ngule jôé ya Jian é ne vé' Dise dam é ne ndiman mfa'a éngôngo.

Oz 2:2

Eyoñe te Yuda a Israél ba ye beta bo jôme jia, ba ye telé bebien évete jia a vambane si éte, amu môse Yizrél wo ye bo beta *môs.

Oz 3:5

Eyoñe mam mete me maneya, bone b'Israél ba ye beta jeñe Nti, e Zambe wop, a David njô bôte wop. Ba ye kôñelane be Nti a akume dé melu ma zu.

MIKÉ 2:12

E ne bebela na, ma ye kôane mia bese a mvoñe bôte Yakob! E ne bebela na: Ma ye sulane mia a *mebuka'a ya Israél! Ma ye sulane mia ane mintômba ya abemba, ane mbam biyem e vôme wo di; éduñ ja dañ môta binam ja ye bo.

MIKÉ 3:1

Ma kobô mia a bete b'ôsu ya mvoñ bôte Yakob, bivete y'ayoñ Israél: ye ésaé jenan é nji bo na mi yeme nya ntyi'ane mejôô'

MIKÉ 4:7

Ma ye bo *mebuka'a me so'ok e be nyô a feñke. Ma ye bo ayoñe bôt e ne ngu e so'ok e be nyô me nga telé fefe; a Nti a ye bo njô bôte wop e nkôle sioñe yôp, ataté éyoñe te a kui nnôm éto.

ZAKARI 10:12

Ma ye yemete ayoñe dam, da ye bo avale ma yene mvaé nnôm éto. Ma Nti ma jô nalé.

HÉBRE 6:20

e vôme Yésus a nga nyiine señe jangan ane asuzo'o, a too beta *ntuni nnôm éto, aval ane Mélkisédék.

YASUA 3:6

A nga jô fe betuni na: Beka'an éwolo élat a ke bôt ôsu. Nalé be nga be'e éwolo élat a wulu bôt ôsu.

NLITAN 17:14

Ba ye wosane Mone Ntômba, a Mone Ntômba a ye dañe be. Amu a ne Nti ya beti a Njôô ya bejôô. E ba be ne nloon, mintoban, a e ba ba nye'e nye, ba ye dañ baa be nye.

NLITAN 7:17

Amu Mone Ntômba a tele ézezañ éto njôan a ye bo mba'ale wop. A a ye kee be vôme menjeñe mendim me né. A Zambe a ye fimi mili'i mese e mise map.