MIKÉ 2:12 - Kalate Zambe Nnomo a Mfefe Mfefé Nkôñelan

¹² E ne bebela na, ma ye kôane mia bese a mvoñe bôte Yakob! E ne bebela na: Ma ye sulane mia a *mebuka'a ya Israél! Ma ye sulane mia ane mintômba ya abemba, ane mbam biyem e vôme wo di; éduñ ja dañ môta binam ja ye bo.

Bible en langue Bulu

¹² E ne bebela na, ma ye kôane mia bese a mvoñe bôte Yakob! E ne bebela na: Ma ye sulane mia a mebukaʼa ya Israél! Ma ye sulane mia ane mintômba ya abemba, ane mbam biyem e vôme wo di; éduñ ja dañ môta binam ja ye bo.

MIKÉ 2:12 Iomraidhean Croise

KALATE METATAʼA 36:33

Béla a nga wu, a Yôbab, mone Zéra ya Bôtsra, a nga jôô éjiane jé.

1 Minkte 1:44

Béla a nga wu, a Yôbab, e mone Zéra ya Bôtsra a nga jôô éjiane jé.

EZAYI 11:11

A ye bo *môs ôte na, Nti a ye same wo éyoñe baa na a kôté *mebuka'a ya bôte bé, e ma me li'iya Asiri, Ejipte, Patrôs, Elam, Sinéar a Amat, nalé fe ma me li'iya e bikôte bi mañ.

EZAYI 27:12

Môs ôte, Nti a ye su'u bilé ataté Efrat a kui asô'ô y'Ejipte; a ba ye to'é mia wua wua, a bone b'Israél!

EZAYI 34:6

Nkpwaté mekône Nti ô jaéya a metyi, avoñ é ne *mmialan été, ane metyi beyôme mintômba a beyôme bikela, an'avoñe ya bike'e biap. E Bôtsra, nlô tison, Nti a bo ntyi'ane biyem e sii Edom.

EZAYI 5:17

Bitoñe mintômba bia ye di valé ane vôme wob be wô'ô di, a biyem bi ne avem bia ye di e bili'i ya vôm bi nga too beyeñ.

YEREMIA 23:3

A ma ye kôane mebuka'a ya mintômba miam, me so'o mie mesi mese me nga mane mialane mie, a ma ye bulane mie abemba dap, mia ye fôé a bo abui.

YEREMIA 3:18

Melu mete, *nda bôte Israél a nyô Yuda ba ye wulu nsamba; a ba ye so si y'akôé nsamba wua, be za'ak e si me nga ve b'ésoo ane ngap.

EZEKIEL 34:11

Amu avale di Nti nyô a ne Zambe a jô na: Mamiene ma ye ba'ale mintômba miam a ma ye fombô mie.

EZEKIEL 34:13

Ma ye vaa mie *meyoñ me bôt été, ma ye kôane mie so'o mesi mesi a ma ye zuu mie éfuse si jap; ma ye ve mie bidi e beta minkôle y'Israél, e miñwomelô mi atôñ a mevôm mese ya si bôt be ne nguleya tabe.

EZEKIEL 34:22

Ma ye nyii mintômba miam, be za beta sa mie a ma ye tyi'i ajô e zañe mone ntômba a nyô mbok.

EZEKIEL 34:31

Mia, mintômba miam, mintômba ya ñyanebe wom, mi ne bôt; ma me ne Zambe wônan, nalé Nti a jô.

EZEKIEL 36:37

Avale di Nti, nyô a ne Zambe a jô na: Jame di nde da ye bo na ayoñ Israél é beta viti ma be be: Ma ye bo bôt abui ane mbame biyem.

EZEKIEL 37:21

Wo ye jô be na: Avale di Nti nyô a ne Zambe a jô na: Me nyô, ma nyoñe bone b'Israél e mo meyoñe bikuu vôme be nga mane ke; ma ye kôane be be so'o mevôme mese a ma ye beta zuu be e si jap.

Am 1:12

Ajô te ma ye lôme nduan é di'i Téman, a nduan éte ja ye bo biwôlô menda ya Bôtsra asub asup.

MIKÉ 2:13

E môt a yooé *zen a tele mia ôsu; mi kôtébaneya, mia dii *zen a ngu a mia kui atan. Nti, njô bôte wônan, nye a wulu mia.

MIKÉ 4:8

A wo, nkôle Yérusalém, wo wo fombô bôt ane ôzomezome *nda bemombô, ana'ana, wo ye beta bi ngul éjôé jôé, aval'ane melu mvus. Yérusalém a ye beta bo nlô tisone ya Yuda.

MIKÉ 5:7

Mebuka'a me Yakob ma ye bo e zañe *meyoñ, e jama *meyoñ me bôt été, ane ngbwengbwem ézezañe betite ya fé, ane étoñe ngbwengbwem e mbam mintômba a bikela été; éyoñ ja lôt, ja tibi a nyap, a teke môt a nyii.

MIKÉ 5:8

E wo wôé ô beteba'ane be besiñe bôé, a besiñe bôé be ntoo ve wôéban!

MIKÉ 7:14

Va'a bôte bôé bidi a ntume wôé, mbame biyem ô ne ngabe jôé ñwô ô too étam afan été ézezañe Karmel! Be ja'ak e Basañ a e Galad aval'ane melu mvus.

MIKÉ 7:18

Za a ne Zambe ane wo, nyô *a jamé ékop a lôte mbia mboon amu a kamane *mebuka'a ya ngabe jôé' A ne te ba'ale ayaa nnôm éto, amu *a nye'e mvam.

SOFONI 3:20

Eyoñe te ebiene ma ye beta bo na mi bulan, éyoñe te nje ma ye kôane mia; amu ma ye bo mia jôme duma a ékaña'a e *meyoñ me bôte ya *si nyô été, éyoñe ma ye soo minkôme mienan mise menan me lôô, Nti a jô nalé.