MIKÉ 1:5 - Kalate Zambe Nnomo a Mfefe Mfefé Nkôñelan

⁵ Jame te ese da boban amu mbia mboone Yakob, amu mam *abé ya *nda Israél! Mbia mboone Yakob a ne jé' Ye sa Samari, nlô tison Israél' Bito bikôndô'ô yôbe ya Yuda bi ne jé' Ye sa Yérusalém, nlô tison Yuda'

Bible en langue Bulu

⁵ Jame te ese da boban amu mbia mboone Yakob, amu mam abé ya nda Israél! Mbia mboone Yakob a ne jé? Ye sa Samari, nlô tison Israél? Bito bikôndôʼô yôbe ya Yuda bi ne jé? Ye sa Yérusalém, nlô tison Yuda?

MIKÉ 1:5 Iomraidhean Croise

1 Bb. 11:7

Ane Solômon a nga lôñ éto y'ékôndô'ô yôp *zôsôô a Yérusalém, asu kémos, mbia jôme Môab, a asu Molok mbia jôma Beamônite.

1 Bb. 13:32

Amu e ne fo'o bebela na: Nkobô bidim a nga kobô ata'a metuna'a ya Bétél a menda bito ya bikôndô'ô yôp mese me ne bitisone ya Samari, a jôé Nti, wo ye fo'o tôéban.

1 Bb. 16:24

Eyoñe te a nga kuse nkôle Samari Sémer tañe betalañ be argent bebaé. A nga yemete nkôle Samari a yôlé tison a nga lôñe na Samari, jôé te e nga so e di môt a mbee nkôl Sémer.

2 Minkte 34:3

E mimbu muame ya njôane wé, valé a ngenan ésoé, a nga taté na a jeñ e Zambe David ésaa wé; e mbu awôm a baa ñwô a nga taté na a fubu Yuda a Yérusalém ajô bito ya bikôndô'ô yôp, mekône m'akéra, bive'ela bezambe a bengunemelan be ne mboon a nyeman étyé.

2 Minkte 34:4

Be nga sô'ôlô meta'a metuna'a Bebaal si émien a too, a nga ba'é fe biôme ba di'i beôlobinda bi mbe été yôp; a nga bu'u mekône m'akéra, bengunemelan be ne nkpwelan a ba be ne mboon a nyeman étyé, a nga di'i be be bo v'asub asup, a kut asube te e mesoñe ba be nga tyi'i be biôm;

EZAYI 7:9

Samari a ne nlô y'Efrayim. A mone Remalia a ne nlô ya Samari nge mi nji yeme ngu mbunane wônan été, mia ye bo teke dañ.

YEREMIA 2:17

Ye nalé a nji kui be wo, amu ô nga bene Nti, e Zambe wôé, éyoñ ébien a nga wulu wo mbamba *zen'

YEREMIA 2:19

Nkpwala wôé ô tame lebe wo, a beyeñeyeñe bôé be tame liti wo njuk. Yemek a yene na jame te e n'abé a ôlune na, ô bene Nti e Zambe wôé, a bo te ko me woñ, nalé Nti ya *minsamba mewosan a jô.

YEREMIA 23:13

Me yeneya b'angôndô be mam e be bekulu mejô ya Samari; be kuluya mejô a jôé Baal, be keya Israél, ayoñe dame zene fe.

YEREMIA 23:14

Ve me yeneya mam ma dañ angôndô e be bekulu mejô ya Yérusalém; be ne *mejian, ba wulu ékotekot été; ba yemete mo me bôt ba bo abé na wua éziñ a bo te bulane mvus évô jé été; bese be ne e mise mam ane Sodom, a bôte be too Yérusalém ki ane Gômor.

YEREMIA 4:18

Asu'ulane ya mboone wôé a ntabane wôé nde le, *nkpwala wôé ñwô le; nalé a ne fo'o ayô, a jame te da tulan a kui *nlem.

YEREMIA 5:25

bikobe bienan mbie bi nga zametane mam mese, *abé denan nde da suu mia mvaé éte.

YEREMIA 6:19

Vô'ôlô'ô a si! O lôô: ma ma zuu bidim e be bôte ba; bibuma y'asimesane dap; amu be nji vô'ôlô mejô mam; a be nga biasé metiñe mam

MINYÔN 5:16

Ekate duma ya nlô wongan é kuya! Ngo'o bia amu bi boya *abé!

EZEKIEL 16:46

Ntôle monyoñ ô too wo mbo nga ô ne Samari a bengo bé, a mone monyoñ a too wo mbo nnôm a ne Sodom a bengo bé.

Oz 7:1

Awolo ebien ma kômbô yete Israél, nde ékob Efrayim a mewôé me bôt me Samari bia kulan: ba laane minsos, ñwuwup wo nyiine menda; ñwôé bôte ki a bole zo'o atan.

Am 6:1

Bidim a bôt ba nyiñe mvaé e Sioñ, a ba ba nyiñ e nkôle Samari minlem teke tyebe yôp, ba yené biwôlô bi bôt e mise me Israél ase, a bôt ba zu jeñe mvolan e be be.

Am 7:9

Mevôm mese mvoñe bôt Izak ja kañe ma, ma ye tyamban. A mevôm Israél me ne étyi ma ye bo ne sangaññ, a ma ye wosane Yérôbôam a nkpwaté mekôn.

Am 8:14

E mbe ba kane ngana, e ntyamane mam me ne étyi ya Samari yôp a jô na: A Dañ, e Zambe wôé a tabe'e nnôm éto! Nalé fe nkômane mame me nkañan ya Birséba ô tabe'e nnôm éto! Ve ba ye ku a bo te nguleya beta tebe tetele.

MIKÉ 1:13

A mia bôt mi too Lakis, tiñeta'an bevagoñ a bikabela bienan! Amu mi nga vu mbia mimboon mi Israél, a dutu Yérusalém na a bene njôane wom.