LUKAS 8:13 - Kalate Zambe Nnomo a Mfefe Mfefé Nkôñelan

¹³ E ba be ne ako'o yôp, be ne e ba be ne na éyoñe ba wô'ô mejô me Zambe, ba nyoñe me a mevak; ve be ne teke minkañ; ba yaé nté éziñ, v'éyoñe *meve'ele, be mane kôlô.

Bible en langue Bulu

¹³ E ba be ne akoʼo yôp, be ne e ba be ne na éyoñe ba wôʼô mejô me Zambe, ba nyoñe me a mevak; ve be ne teke minkañ; ba yaé nté éziñ, vʼéyoñe meveʼele , be mane kôlô.

LUKAS 8:13 Iomraidhean Croise

Yb 19:28

Eyoñ mia ye jô na: Amu jé bia kpwe'ele nye' Eyoñe te mia ye yem bebela y'ajô dam.

MINKANA 12:12

Mbia môt a nyamete mvaé bikotekot bi bôt, ve tine bezôsôô be bôt ja wume bibuma.

MINKANA 12:3

mboon *abé ô ne te bo môte na a bo môt, ve vôme bezôsôô be bôt be beme a ye bo te fô'ôsan.

EZAYI 58:2

Ba jeñe ma *môs ôse, ba kômbô yeme mezene mam aval'ane ayoñe bôt e ne *zôsôô, nde e nji li'i metiñe Zambe a nga telé. Ba sili ma mintyi'ane mejô mi né aval'ane *zôsôô a yian, ba yene mvaé ya subu Zambe bebé, be jô'ô na:

EZEKIEL 33:32

Ô lôô ô ntoo be be ane jia é n'abeñ: Mbamba mezik a mbaa tyiñe jia. Ba wô'ô mejô môé ve te bo me.

Oz 6:4

Ma ye bo wo aya a Efrayim' Ma ye bo wo aya a Yuda' Nye'ane wôé ô ne ane nkute ya mametyé, aval'ane mfô ya mametyé a lôt.

MARKUS 6:20

Mbôl Hérôde a mbe a ko Yôanes woñ, a kôme fe yeme na a ne *zôsôô a mfufube môt, a nga ba'ale ñhe nye. Eyoñe a wô'ôya nye ane a kobô, fek é nto nye ne vema, ve da a nyeke'e a wô'ô nye.

LUKAS 8:12

E ba be ne zene *zen, be ne ba ba wôk, mvus éte, *satan a zu a vaa mejô me Zambe e minleme miab été, nalé ate ba ye bo teke yaé a ba ye bo teke nyiiban.

LUKAS 8:14

E mvoñ é nga ku e minsini'i été, é ne ba be ne na éyoñ be maneya wô'ô mejô me Zambe, be kelé, mam ma tyelé bôte minleme yôp, akum a mimvôman y'ényiñ bia mane dibetane be, be ntoo teke fe ve bibuma bi ne bitôtôlô.

YOANES 15:2

Efa'alé ése é tii be ma te wum bibuma, a tyi'i je, a e ji ése ki ja wum bibuma a seb je na é wum bibuma abui.

YOANES 15:6

Nge môt éziñ a nji tabe be ma, ba ye wua nye atan aval ane éfa'alé, ve mane kôt, be ve kôane bie a wua bie nduan été, bi ve mane dik.

YOANES 5:35

E môt ôsu a mbe lambe a yôñ e va'a fe éfufup, ve mi nga kômbô vak a éfufub jé ve mon étun éyoñ.

1 Ko 13:2

Ja'ane me nga ye bi mveane ya kulu mejô, ñyemane minsolane mi mam mise, a ñyeman ôse; ja'ane me nga ye bi mbunan, e wu wo vaa minkô, nge nye'ane wo jembane ma, me seke jôm.

1 Ko 15:2

a nye mia ye nyiñe nye, nge mia ba'ale nye, avale me nga kañete mia nye; nalé momo, wôna mi nga buni e zesé.

GALATI 3:1

A mekute me bôte ya Galati, za nye a nga ndumekane mia, éyoñ e ne na, Krist ntyelan élé yôp, a nga kañeteban e mise menan été'

GALATI 3:4

Ye abime ñyemane te e mbe zezé? A na, nge ô mbe zezé,

EFEZE 3:17

a bo'o na Krist a tabe e minleme mienan été a zene ya mbunan na; mbemban a mi too e mbôka'a nye'ane yôp,

KÔLÔS 1:23

Ve, da sili na, a zene ya mbunan, mi tebe ngu, te yeñelan, a bo te kañese na, mi jañele ndi nleme ya Mbamba Foé mi nga wôk, nye a nga katebane e be ététéa ése e yôbe si, nye ate ma, Paul, me ntoo mbo ésaé ya été.

KÔLÔS 2:7

Yemeta'ane minkañe mienan e be nye, a too mbôka'a wônan, mi yeme ngul e mbunan été aval ane be nga ye'ele mia wô, mi bulu'u ve akéva.

1 Tes 3:5

Ajô te, amu teke ngule ya jibi, me nga lôme na be zu nyoñe mefoé ya mbunane wônan, me ko woñe na, ye Mve'ele bôt a ve'eleya mia, nju'u bi nga wu ki ô za bo momo.

1 Tim 1:19

a mbunan, a *mfuban mone môte ya *nlem, nye ate bôte bevok be nga bene bo mewôk, a mbunane wop ô nga ke ényônyongo.

HÉBRE 10:39

Ve bia, bi nji bo ba ba bulane mvus a sup, ve ba ba buni amu nyiane ya minsisime miangan.

YAKOB 2:26

Ajô te, aval ane nyôl é ne tee mvebe é ne ñwuan, nalé fe mbunan ô ne teke mimboon ô ne ñwuan.

2 Pi 2:20

Amu nge ba be kôlô ya e mvine mame ya *si nyô été amu ñyemane ya yeme Nti a Nyii wongan Yésus Krist, ba beta ku a kañese mam mete, ényiñe jap ja su'ulane bo angôndô ya *abé, a lôt aval é nga too.

2 Pi 2:22

E jam e nga kui e be be, da kale e ngana nyô na: Mvu ja beta di bendôlô bé, a ngale ngôé, éyoñ a maneya woban, a beta ke bume mboto'été.

1 Jn 2:19

Be nga too e be bia, ve be nji bo émbangan. Nge be nga ye bo émbangan, ve be nga ye tabe a bia. Ve be nga kôlô e be bia, nde da ye yené ne ngeññ na, teke wua ya e be be a mbe éñwongan.

YUDE 1:12

Bôte bete bebien mbe ba ve ndiane wônan ya nye'ane bobenyañ mvin, éyoñ ba di te wô'ôson a toñe ve bebien. Be ne minkut mi ne tee mendim, mmie mite mia dutuban a évuñulu. Be ne bilé bi ne tee bibuma, ñwuan biyoñe bibaé, ntéane si.