LUKAS 8:1 - Kalate Zambe Nnomo a Mfefe Mfefé Nkôñelan

¹ Wôna Yésus a mbe a kelek e bitison bitison a e minlam minlam, a kobô'ô mejô me Zambe a kate'e fe bôt mbamba foé y'éjôé Zambe.

Bible en langue Bulu

¹ Wôna Yésus a mbe a kelek e bitison bitison a e minlam minlam, a kobôʼô mejô me Zambe a kateʼe fe bôt mbamba foé yʼéjôé Zambe.

LUKAS 8:1 Iomraidhean Croise

METIAS 11:1

Eyoñe Yésus a maneya ve beyé'é béé awôm a bebaé miñye'elane mite, a nga téé valé na a ke a ye'ele a kate Mbamba Foé e bitisone biap.

METIAS 13:19

Nyô ase a wô'ô mejô y'éjôé ya yôp teke me nyoñ, nalé a ne na ndu'u bôt a so a nyoñe jôm é nga béban e nleme wé été; avale te nde mvoñ é nga béban fefele *zen é né.

METIAS 4:23

Ane a nga wulu e Galilé ase a va'a ñye'elan e meba me Zambe map; a yôta'ane Mbamba Foé y'Ejôé; a yete'e aval ôkon ese a aval éyem ése e be bôt.

METIAS 9:35

Yésus a nga ke a wulu e bitison bise a minlam mise, a ye'ele'e bôt e meba me Zambe map, a yôta'ane Mbamba Foé y'éjôé Zambe a saé aval ôkon ese a aval éyem ése.

MARKUS 1:39

Ajô te a nga ke a kate Foé Zambe e meba me Zambe map, a afôla ese ya Galilé, a tita'ane fe mimbia minsisim.

LUKAS 1:80

Mfa'a mongô, a nga yaé a nsisime wé ô nga yeme ngu; a nga too e mevôme bôt be nji tabe akekui e *môs a nga litiban e be Israél.

LUKAS 20:1

E wua ya mimôs mite, mbôlô Yésus a mbe a ye'ele'e bôt e *nda Zambe été a a mbe a kate'e mbamba foé, minlô betuni a *beyeme bekalate a bemvendé be nga zu

LUKAS 4:18

Nsisime Nti ô ne be ma amu a nga wo'o ma mbone na me kate minzôzoé Mbamba Foé; a nga lôme me na me yôtan éto fili e be minkôm mindindime na mi beta yen, e bôt ba nyiñ étibela'a été na be bulan bi éto fili jap,

LUKAS 9:6

Be nga kôlô a ke e minlam minlam; be mbe be kañete'e mbamba foé a saé bôt e mevôm mese.

Mm 10:38

Yésus ya Nazarét ate, mia yem ane Zambe a nga ve nye Mfufube Nsisim a ngul. A nga volô bôt e vôm ase a nga lôt. A nga saé bôte bese Satan a nga bi éto belo si, amu Zambe a nga too be nye.

Mm 13:32

Bia fe bia kate mia Mbamba Foé ate. Ngaka'a é nga kateban e be betate,

BERÔMEÑ 10:15

A nkatefoé a nga ye kat aya, teke lômban. Amu Ntilan wo jô na: Ngo'o aka'a abeñe mebo ya ba ba kañete mbamba mefoé me né.