LUKAS 7:16 - Kalate Zambe Nnomo a Mfefe Mfefé Nkôñelan

¹⁶ Woñ ô nga bi bese; be nga kañe Zambe be jô'ô na: Beta *nkulu mejô a tebeya ézezañe jangan, a Zambe a zuya jom ayoñe bôte dé.

Bible en langue Bulu

¹⁶ Woñ ô nga bi bese; be nga kañe Zambe be jôʼô na: Beta nkulu mejô a tebeya ézezañe jangan, a Zambe a zuya jom ayoñe bôte dé.

LUKAS 7:16 Iomraidhean Croise

BESAM 65:9

Ba be too e meku'u y'émo ji ba ko woñ amu mendeme môé; wo jalé avak mfa'a jôbe da tôô a kui mfa'a da dim.

NKÔLAN 4:31

Nde ayoñ ese e nga buni. Ane be nga nyoñ foé na Nti a zuya jome bôte ya Israél a naa a yeneya fe éngôngole jap: ane be nga kumbu si a kañe nye.

YEREMIA 33:9

Tisone nyô ja ye bo jame mevak asu dam, nalé fe jôme duma a étôtok e meyoñe mese ya si nyôna été, mme ma ye wôk mvaé ése ma bo be; *meyoñ mete ma ye ko woñ a fô'ôban, amu mvaé ése a afo'o ese ma ye ve be.

METIAS 15:31

jama bôt a nga kam éyoñ a nga yen ane mimvumvuk mia kobô, mimbôbôk mia bo *mvo'é, miñyeyem mia wulu a mindindim mia yen; ane be nga ve e Zambe Israél duma.

METIAS 21:11

Jama bôt a mbe a jô'ô na: Nyôna a ne *nkulu mejô, Yésus, a so Nazarét ya Galilé.

METIAS 28:8

Be nga ke avô a li'i soñ, njalan a woñ, mbunda'an a abui mevak, be mate'e asu ya kate beyé'é bé foé.

METIAS 9:8

Eyoñe minkunda mi bôt mi yeneya jame di, mi nga ko woñ a ve Zambe duma nyô a nga ve bôt avale ngule njôane di.

LUKAS 1:65

Ane woñ ô nga bi e ba bese be nga too mefôla ma bôman mete; e si minkôl ése ya Yudé, be mbe be kobô'ô ajô ya mam mete mese.

LUKAS 1:68

E Nti, e Zambe Israél a bo'o ébotan, amu a zuya jome bôte bé a tôé nkôtane wé;

LUKAS 19:44

ba ye ko'o wo a bone bôé ézezañe jôé, a ba ye bo te li'i wo akok e bete di avo'o yôp, amu ô nji ke yem éyoñe be nga zu jome wo.

LUKAS 2:20

Wôna beba'ale mintômba be nga bulan, be yi'a duma a bikaña'a bi Zambe amu mam mese be nga wôk a yen, nluka'an a e ma mese be nga kate be.

LUKAS 24:19

Jia? E Yésus a sili be. Be nga yalane nye na: E jam e nga kui ajô Yésus ya Nazarét, e nye a mbe *nkulu mejô a ne éwôlô e mimboon a e nkobô asu Zambe a asu bôt,

LUKAS 5:26

Bese be nga semé a be nga kañe Zambe. Njalan a woñ, be mbe be jô'ô na: Bi yeneya bitua bi mam e môse wu.

LUKAS 5:8

Eyoñe Simon Pierre a nga yene nalé a nga ku Yésus meboñ a jô na: A Nti, kele ma ôyap amu me ne mbo *abé.

LUKAS 7:15

Ane mbim ô nga tabe tôtoo a taté na wo kobô. Yésus a nga kee nye nyia wé.

LUKAS 7:39

A yene a nga yene nalé, e nde Farizieñ a nga bañete nye a nga jô émien été na: Nge môte nyô a mbe *nkulu mejô, a nga ye yeme za e nye minga a nnambe nye a né, a na a ne mbo *abé minga.

LUKAS 8:37

E ba bese ya afôla si Begerazénieñ be nga sili Yésus, môt teke li'i na a kôlô be be, amu beta woñ a nga bi bese. Ane Yésus a nga dañ e bial été a bulan.

LUKAS 9:19

Be nga yalane na: Yôanes Babtist; bevo'o na: Elie; ba bevo'o na wua ya minnôme bekulu mejô a wômôya.

YOANES 1:21

E nde be nga sili nye na: Wo jô aya? Ye wo ô ne Eli? Ane a nga jô na: Sake ma! Ye ô ne *nkulu mejô? E nde a nga yalane na: Teké'é!

YOANES 1:25

Ane be nga beta nyoñe nkobô a sili nye na: Ve amu jé wo du bôt, nge ô nji bo Krist, nge Eli, nge ke *nkulu mejô'

YOANES 4:19

E nde minga a zu jô nye na: A Nti, ma yene na ô ne *nkulu mejô.

YOANES 6:14

Ayene be nga yen étua jam a nga bo, bôte be nga ke ba jô na: E bebela, e môte nyô e nye a ne *nkulu mejô a zu e si ndôn.

YOANES 9:17

E nde be nga beta jô ndindime na: Wô wo jô ajô dé aya, amu na e nye a te kui wo mis? Ane nye k'a nga jô na: K'a ne *nkulu mejô!

Mm 5:5

Eyoñ Ananias a nga wô'ô mejô mete, a nga ku si, ve wu. Beta woñ a nga bi bôte bese be nga wô'ô, ajô te.

Mm 7:37

Môze ate nye, a nga jô mvô'ô Israél na: Zambe a ye ve mia *nkulu mejô, a so'o e zañe bobenyoñ, aval ane ma.

GALATI 1:24

A be nga wumulu Zambe amu ma.

DEUTERONOME 18:15

Nti, e Zambe wôé, a ye lôme mia *nkulu mejô a too ane Môze, a ye bo môte ya ayoñe dôé: mia ye wô'ô jam ese a ye jô mia.