LUKAS 6:21 - Kalate Zambe Nnomo a Mfefe Mfefé Nkôñelan

²¹ Ebotan a mia mia wô'ô zaé éyoñe ji, amu mia ye jaé! Ebotan a mia mia yôn éyoñe ji, amu mia ye vak!

Bible en langue Bulu

²¹ Ebotan a mia mia wôʼô zaé éyoñe ji, amu mia ye jaé! Ebotan a mia mia yôn éyoñe ji, amu mia ye vak!

LUKAS 6:21 Iomraidhean Croise

KALATE METATAʼA 17:17

Ane Abraham a nga ku asu e butu si; a nga woé a jô e nleme wé été na: Ye monafam a ye bialé be fam é ntoo mimbu 100? Nalé fe Sara, mimbu 90, ye a ye biaé'

KALATE METATAʼA 21:6

Eyoñe te nje Sara a nga jô na: Zambe a nga bo ma éwovioé be bôt; môt ase a ye wô'ô jame te a ye woé amu ajô dam.

BESAM 107:9

Amu a nga ve ba be nga ku som mendim amu évé, a ba be nga wu zaé, a nga jalé be a mam mese ma yian.

BESAM 119:136

Ma yôn a mili'i mam mese ma yiane nyôle jam, éyoñ ma yene na bôt be nji ba'ale atiñe dôé.

BESAM 143:6

ma same mo mam yôp e be wo a nde'elane me, ma wô'ôtane na me ne ôsu wôé aval ane si ja wôk évé.

BESAM 17:15

Ve ma, e *zôsôô été, ma ye yen asu dôé; éyoñe ma ye vee ôyo, ma ye jaé a éyeka'a jôé.

BESAM 28:7

Nti a ne ngule jam a ébene jam; nleme wom ô too ndi be nye a nne mvolan wo so ma be nye: nleme wom wo fôn.

BESAM 65:4

amu mam *abé. Eyoñe mintyamane metiñ mia dañe bia ngu, wo wo ye jamé bia mie.

EZAYI 25:6

Nti a ne ngul ése a ye bo beta dina asu *meyoñ me bôt mese e beta nkôle nyô yôp, dina betit be n'avoñ a minnôm mi woon, mevoñe betit be ne mvaé abui a minnôme mi woon mi ne nya nléan.

EZAYI 30:19

Amu ayoñe bôt da ye beta tabe Siôn, e Yérusalém, wo ye bo te beta yôn! E nloone ya ñyône wôé, a ye mvamane wo; nné ane a ye wôk, a ye yalane wo.

EZAYI 66:10

Va'an a Yérusalém, bo'ane nye tine jame ya mefône menan mia bese mia nye'e nye; tyibela'an a mevak mia be nye, mia bese mia wô'ôlun ajô dé,

YEREMIA 13:17

Nge mia bo te vô'ôlô jame di, ma ye yi asoé, amu mia dañe buni miabebien; ma ye sôôé milik, a mise mam ma ye kuli milik, amu mbame Nti wo ye keebane minkôm.

YEREMIA 31:25

Amu ma ve *nlem ô ne nte'an bivôvoé mendim, a ve *nsisim wo wô'ô zaé bidi.

YEREMIA 31:9

Ba zu be yônôk, a ma ya'ale be ézezañe minja'ane miab été; ma kee be mfa'atôñe mendim e né, nkone *zen, e vôm be se nguleya kolé ôbak; amu me n'ésaa asu Israél, a Efrayim a ne ntôle mone wom.

YEREMIA 9:1

Ngo'é nge me too ye bi *nda afan été, vôme bewulu dulu be ne nguleya sobô! Me nga ye li'i bôte bam a ke be ôyap! Amu bese be ne bebo *mejian, nsamba bekoñe bôt.

EZEKIEL 7:16

Befam awu bap ba tup, be ne e beta minkôle yôp ane bezume ya mimbi'ili; bese ba tat, môt ase amu ékobe jé.

EZEKIEL 9:4

Nti a nga jô nye na: Kele temeteme tison ézezañe Yérusalém beangôndô be mam bese ba boban été.

METIAS 5:4

Mvom a bôte ba wô'ô ôlun, amu ba ye volebane minlem.

METIAS 5:6

Mvom a ba ba wô'ô *zôsôô zaé a évé amu ba ye jaé.

LUKAS 1:53

A nga jalé bewô'ô zaé akum, a viane ke suu minkukum teke jôme mo.

LUKAS 6:20

Ane a nga fombô beyé'é bé a jô na: Ebotan a mia minzôzoé, amu éjôé ya yôp é ne énjenan!

LUKAS 6:22

Mia ye bo ébotan, éyoñe bôt ba ye siñe mia, éyoñe ba ye titane mia, ba ye taa mia a wua jôé denan ane di ôsame, amu mona môt.

LUKAS 6:25

Bidim a mia mebum me ne minlem éyoñe ji, amu mia ye wô'ô zaé! Bidim a mia mia woé éyoñe ji, amu mia ye ku ôlun a e milik été!

YOANES 11:35

Ane Yésus a nga yi.

YOANES 4:10

Ane Yésus a nga nyoñe nkobô a jô nye na: Nge wo too yeme éfa'a Zambe a yeme fe môt émien a jô wo na: Nyu'u me mendim, ve ô ye viane ja'aja'é nye, a nye ki a te ye ve wo mendime m'ényiñ.

YOANES 6:35

Ane Yésus k'a nga jô be na: Ke ma me ne belet ya ényiñ, e môt a zu be ma, aa ye wô'ô zaé, a môt a buni ma, aa ye wô'ô évé ne tya.

1 Ko 4:11

Awolo di, bia wô'ô zaé a évé, bi ne soé, bia tôban ékpwe'ele, bi ne b'éwuluwulu,

2 Ko 11:27

Nyôle nte'an a njuk; évevé bebé éyoñ ése; zaé a évé, mbômbane zaé éyoñ ése; avep a soé;

2 Ko 12:10

Ajô te ma vak ate'e été, e meta été, e mengata'a été, e bitibela'a été e a woñ été amu Krist! Amu éyoñe me ne atek e nje me ne ngu.

2 Ko 6:10

njalan a ôlun, ve éyoñ ése e mevak été, minzôzoé, ve bi bo'o bôt abui minkukum; teke jôme mo, ve e too ke na, bia bi bili mam mese!

YAKOB 1:12

Ebotan a e môt a jibi *meve'ele, amu na, éyoñ a kabeya, a ye nyoñ ékate duma ya ényiñ é ne ntiñetan e be ba ba nye'e nye.

NLITAN 21:3

A me nga wô'ô *tyiñ é so'o éto njôan, é jô'ô na: Mi lôô étaba'a Zambe é ntoo e be bôt. A ye tabe baa be be. Ba ye bo e bôte bé, a nye a ye bo e Zambe baa be be be too.

NLITAN 7:16

Baa ye fe wô'ô zaé nge évé. Jôp a nduane jé bia ye bo te beta di'i be.