LUKAS 20:16 - Kalate Zambe Nnomo a Mfefe Mfefé Nkôñelan

¹⁶ A ye so, a bo na beba'ale bete be wôéban, a a ye ve afube mindik e be beba'ale befe. Eyoñe be nga wô'ô nalé, be nga jô na: jame te daa ye ke boban!

Bible en langue Bulu

¹⁶ A ye so, a bo na bebaʼale bete be wôéban, a a ye ve afube mindik e be bebaʼale befe. Eyoñe be nga wôʼô nalé, be nga jô na: jame te daa ye ke boban!

LUKAS 20:16 Iomraidhean Croise

METIAS 21:34

Eyoñe ya nkôane bibuma, nde a lôme bebo bisaé bé e be beba'ale afube mindi'i mi woone na be nyoñe bibuma y'été.

METIAS 21:41

Be nga yalane nye na: A ye wôé bingôngole beba'ale bete mbia ñwôan, a kee afup e mo beba'ale befe mbe ba ye ve nye bibuma éyoñe ja yian.

METIAS 22:7

Nde njô bôt a nga yaa a lôme minsamba bezimbi mié na mi wôé bewôé bôt bete a di'i tisone jap.

MARKUS 12:9

Mie afub woon a ye bo aya? A ye zu jiane bebobisaé bete, a ve fe bôte befe afub woon.

LUKAS 19:27

Jam afe na: besiñe bam be nji kômbô na me jôô be, za'ane be va a tyi'ane be *tyiñ me too.

LUKAS 20:15

A be nga wua nye afube mindi'i atan a wôé nye. Eyoñe ji miene afube mindik a ye bo be aya'

Mm 13:46

Ane Paul baa Barnabas be nga bo ayo'o ya kpwaane be na: E be mia nye ajô Zambe e nga yiane taté kateban, ve amu mia bene de, a yene miabebien ane ba be nji yiane nyoñe ngab ényiñe ya melu mese, nde bia ke e be meyoñe bikuu.

BERÔMEÑ 11:1

Me nga sili ñhe na, ye Zambe a nga bene bôte bé? Teke bebé! Mamien me ne Israél mvô'ô Abraham, ayoñe Bényamin.

BERÔMEÑ 11:11

Nde ma sili na: Ye be nga kolé ôba'a na ba ye ku nkuane nkuan? Teke bebé! Amu nkuane wop, nde bikul bi nyiibaneya. Ajô te, ba ye soñelô *aban, e nleme Israél été.

BERÔMEÑ 3:31

Nalé a jô aya, ye bia vaa metiñe mfi wop? Momo, ke bia yemete yemete me.

BERÔMEÑ 3:4

Teke bebé! Zambe a yiane yené ane nyô benya mejôô, a môt ase ke nlaa minsos. Aval ane e ne ntilane na: Wo yiane yené *zôsôô mfa'a ya nkobô wôé, a dañ éyoñ ba tyi'i wo ajô.

BERÔMEÑ 3:6

Ve e nji bo nalé. Amu nge e ne nalé, Zambe a ye tyi'i *si nyô mejô aya'

BERÔMEÑ 6:15

Nde jé? Ye bia ye bo *abé amu bi nji bo metiñe si, ve mvame si? Teke bebé!

BERÔMEÑ 6:2

Teke fo'o bebé! Da ye bo aya na, bi too miñwuan mfa'a *abé, bi beta fe vebe mfa'a *abé'

BERÔMEÑ 7:13

Nde, ye jôm é ne mvaé é vianeya té awu mfa'a wom? Teke bebé! Abé nde e nee ajô. Mbelane e nga belane jôm é ne mvaé, nde e nga kee ma awu été, ajô te da ye tu'a yené *abé a litibane fo'o abim avé *abé e ne angôndô a zene memvinda.

BERÔMEÑ 7:7

Nde bia ye jô aya, ye metiñ me ne *abé? Teke bebé! Amu me nga yen *abé ve amu metiñ. Me mbe te ngule ya yeme miñyamete, nge metiñe me nga ye bo te tyili miñyamete.

BERÔMEÑ 9:14

Nde, bia ye jô aya, ye ékotekot é ne be Zambe? Teke bebé.

1 Ko 6:15

Ye mi nji yeme na, menyôle menan me ne bibu'a bi Krist? Ye ma ye nyoñe bibu'a bi Krist a bo bie bi minga ébamba? Teke bebé!

GALATI 2:17

Ve nge a njeñane ya jeñe mekabe e be Krist, bia fe bi nga yené bebo *abé, ye Krist a ye bo mbo ésaé ya *abé? Teke bebé!

GALATI 3:21

Ye metiñ ma wosane mengaka'a me Zambe? Teke bebé: nge *atiñ éziñ e nga veban, e nde e bili ngule ya ve ényiñ, wôna *zôsôô a nga ye so metiñ.

GALATI 6:14

Ve mfa'a wom, teke bebé, teke jam afe ya wume de, vengevenge ve Krôa Nti wongan Yésus Krist. A Krôa éte, *si nyô é ne ntyeléban mfa'a wom, aval ane me fe me ne ntyeléban mfa'a *si nyô.