LUKAS 2:9 - Kalate Zambe Nnomo a Mfefe Mfefé Nkôñelan

⁹ Ane éngele Nti a nga tebe be ôsu, étôto'o Nti ke ve futi be éfufub été, nde beta woñ a nga bi be.

Bible en langue Bulu

⁹ Ane éngele Nti a nga tebe be ôsu, étôtoʼo Nti ke ve futi be éfufub été, nde beta woñ a nga bi be.

LUKAS 2:9 Iomraidhean Croise

1 Bb. 8:11

Betuni be nji fe bo ngule ya tabe été na, be bo ésaé, amu *nkut abui, amu étôto'o Nti é nga jalé Ndaa Nti.

NKÔLAN 16:10

A nga bo na, Aron a kobô'ô ékôane bôte ya Israél, ane be nga fombô mfa'a ya *nkôte si a yene étôto'o Nti é za'a *nkut été.

NKÔLAN 16:7

A mametyé mia ye yene étôto'o Nti, amu a wô'ôya menyiñ menan ma wosane nye; amu na bi ne beza, ane mi ne kobô menyiñ ma wosane bia'

EZAYI 35:2

ja ye be'e same ya mefup, ja ye yôô, ja ye jem a yôtan a mevak. Abeñe ya Libañ da ye vebane be je, nalé fe étôto'o ya karmel a ji ya Saroñ, éyoñe te ba ye yen étôto'o Nti a minkôkô mi Zambe wongan.

EZAYI 40:5

Eyoñe te étôto'o Nti ja ye kulan a bôte bese mfula'an ba ye yene je amu anyu Nti e kobôya,

EZAYI 60:1

Kôlô'ô si a faék, amu éfufube jôé é soya a étôto'o Nti é tôôya be wo.

EZEKIEL 3:23

Ane me nga kôlô si a ke mbi'ili; ô lôô na étôto'o Nti é mbe wé avale me nga yene je bebé ôsôé Kédar. Nde me nga ku asu é butu si.

METIAS 1:20

A ngenan a kele a bindi mam mete e nleme nalé, nde éngele Nti a zu kui nye nlô biyeyem a jô nye na: A Yôsep, mone David, te ve'ele ko woñe ya nyoñe Marie, e minga wôé. Amu na, e mon a ye bialé be nye a ne ésaé Mfufube Nsisim.

LUKAS 1:28

Engele a nga nyiine be nye a jô nye na: Va'ak, a wo ô bili Mvame Zambe, mia Nti mi ne!

LUKAS 2:8

Beba'ale mintômba be mbe fe e si éte, be too e mefup, be ba'ale'e mimbame miap a alu.

LUKAS 24:4

Mbôlô be mbe fe'e ne vema ajô di, ateme na bôte bebaé be nga yené be be be be'e mengômesan ma faé.

YOANES 12:41

Ezayi a nga kobô mejô mete amu a nga yene étôto'o jé, a kobô fe ajô dé!

Mm 12:7

Atemeteme na, éngele Nti a nga so. Ane *nda é nga jaé ne lut a éfufup. Engele a nga vele Pierre ôyo a mbibane nye mone abaé abum, a jô nye na: Kôlô'ô si avôl! Eté été, bengôkop be nga sotane mo me Pierre.

Mm 27:23

Alu ebiene di, éngele Zambe wom, nyô ma bo ésaé, a te yené e be ma,

Mm 5:19

Nde éngele Nti a nga zu yoé mimbé ya *nda mimbôk a alu ese, a kuli be atan, a jô be na:

2 Ko 3:18

A bia bese mesu me ne tee mbutan, bia liti minkôkô mi étôto'o Nti, bia veñesañe mesu a nyoñ éyeka'a te ébien, njalan a étôto'o ja beta dañ anen amu Nti, nyô a ne Nsisim.

2 Ko 4:6

Amu e Zambe a nga jô na: éfufup é faék ézezañe dibi. Emien ate nye a nga faé e minleme miangan été, asu ya bo na ñyemane ya étôto'o jé ja kuli minkôkô asu Krist ô faé.

1 Tim 3:16

E ne bebela na, nsolane jame wo fombô mbunan ô ne anen. Ô nga yené minsôn, nkaleban a Nsisim, beéngele be nga nye'e be yene wô, ô nga kateban e be bikuu. Ô nga buniban émo jina été, ô nga wum étôtok été.

HÉBRE 12:21

A jame te e mbe étua angôndô avale Môze a nga kui vôme ya jô na: Ma wô'ô étua angôndô a fô'ôban.

NLITAN 18:1

Wôna me nga yen éngele mfe a sise si a so'o e yôp. A nga bili beta ngu. A si é nga faé a étôto'o jé.

NLITAN 20:11

Ane me nga yene beta éfumulu éto njôan, a e nyô a nga too je e yôp: ôsu vié, yôp a si bi nga tup, teke li'i awoé.