LUKAS 16:8 - Kalate Zambe Nnomo a Mfefe Mfefé Nkôñelan

⁸ Ane masa a nga se'e ékotekote mba'ale akum ate amu a nga bo ane môt a ne ntyee. Amu bone ya *si nyô ba dañe yeme tabe ntyee e mfa'a bôte baa be be be ne avale da, e jame e ne ayaé e be bone y'éfufup be be.

Bible en langue Bulu

⁸ Ane masa a nga seʼe ékotekote mbaʼale akum ate amu a nga bo ane môt a ne ntyee. Amu bone ya si nyô ba dañe yeme tabe ntyee e mfaʼa bôte baa be be be ne avale da, e jame e ne ayaé e be bone yʼéfufup be be.

LUKAS 16:8 Iomraidhean Croise

KALATE METATAʼA 3:1

E betite bese ya fé Nti, nyô a ne Zambe, a nga té, nyo nje é nga dañe mefek. E nga jô minga na: Ye Zambe a nga tu'a fo'o jô na: Mia ye bo te di biôme bia so e bilé bise ya afup'

SAMUEL BAA EJÔÉ DAVID 13:3

Amnon a nga bili mvôé jôé na Yehônadab, e mona Siméa, monyañe David; Yehônadab a mbe atyeñ abui.

2 Bb. 10:19

Eyoñe ji bañeta'ane ma bekulu mejô be *baal bese, ba bese ba saane nye, a betuni bé bese, wua te jemban, amu ma zu ve *baal mimvean mi n'anen; môt ase a ye jemban a ye bo te nyiñ. Yéhu a nga bo nalé a atyeñ ése na a mane jiane bôt ba saane *baal.

BESAM 17:14

Nkpwaté mekône wôé ô mane'e be wôé; mane'e be a wo wôé womien. Asu'ulane dap, e bevevee be bôt été, e bo'o na be bo momo ényiñ été! Bo'o na be nyu ayôle mendim mme ô bili nnaan asu dap. Bone bab be nya'a me a bili, be li'i fe *mebuka'a asu bendaé bap!

NKÔLAN 1:10

zakan bi bôndane fe'e ya sé'é tañ bôte jab é bo te beta bo abui. Amu nge bita bia kui, be ne lat a besiñ bangan a wosane bia, be su'ulane kôlô nge nyoñe si jangan.

MINKANA 12:8

Ba se'e môt a bili mbamba ñwô'ane mam, ve ba biasé nyô *nlem ô n'ékotekot.

METIAS 12:32

A nge môt éziñ a kobô mona môt *abé jame te da ye jambane nye, ve nge a kobô Mfufube Nsisim *abé, jame te da ye bo te jambane nye nge émo ji nge émo ja zu.

METIAS 17:26

Pierre na: E be beyeñ; Yésus a nga jô nye na: Ke bone bap be ne ñhe fili te ya'ane nga'

LUKAS 16:10

Nyô a ne *zôsôô e biôme bi ne tyôtyoé, a ne fe *zôsôô e biôme bi ne anen, a nyô a ne ékotekot a tyôtyoé biôm, a ne fe ékotekot a biôme bi ne anen.

LUKAS 16:4

Ma yem e jam ma ye bo, nalé ate e ba ba ye nyoñe ma e menda map éyoñe ba ye vaa ma e mba'alan akume wom ba ye yené.

LUKAS 16:7

A nga jô mfe na: Wo ki ô bili tañeya? A nga yalane na: Belita be fôn toyini mewôm melaa a ésaman. A a nga jô nye na: nyoñe afebe mvôla dôé a tili'i na: lita fôn 2880.

LUKAS 18:6

E Nti a nga beta jô na: Wô'an ane mbia *ntyi'i mejô a jô.

LUKAS 20:34

Yésus a nga yalane be na: Bone ya zia biyoñe nyô ba nyoñe binga a beyôm,

LUKAS 20:35

ve ba ba ye yené na ba yiane nyoñe ngap e zia biyoñ ja zu a e ñwômane miñwuan ba ye bo teke nyoñ nge binga nge beyôm.

YOANES 12:36

Nté mi bili éfufup, buna'an éfufup éte, nde te mia ye bo bone ya éfufup. Eyoñe Yésus a maneya kobô mejô mete, ane a nga jañe be e mis.

1 Ko 3:18

Môt a bo'o te du'u émien: nge môt éziñe ya be mia a buni na a ne fek e si ndôn, a bo'o akut, nde a ye bo fek.

EFEZE 5:8

Melu mvus, mi mbe dibi, ve éyoñe ji mi ne éfufup e be Nti. Wula'an ane bone b'éfufup.

FILIP 3:19

Asu'ulane dap e ne njañan. E *zambe wop a ne mebume map, a ba futi duma dap ôsone viap été, mbe bete minleme miap mi luu ve mame ya *si nyô.

1 Tes 5:5

Yaa mia bese mi ne bone be ne éfufup été, bone be *môs. Bi nji bo bone b'alu, nge ba be dibi.

1 Pi 2:9

Ve mia mi ne mvoñ é ne ntoban, nsamba betuni be njô bôt, ayoñ e ne étyi, e bôte Zambe a nga kuse na mi yôtane beta mimboone mi nyô a nga loone mia akôlô dibi été, a zuu mia étôto'o éfufube jé.

1 Jn 3:10

A *zen éte, ba yemelane bone be Zambe a bone be Satan. Nyô ase a nji wulu *zôsôô a nji bo mone Zambe. Avale te fe nyô a ne te nye'e monyañe wé.