LUKAS 12:15 - Kalate Zambe Nnomo a Mfefe Mfefé Nkôñelan

¹⁵ Wôna a nga jô be na: Tuka'a tabane ntyel a aval ôzañ akum ese; amu ja'ane afo'o été, ényiñe môt é nji ke timbi a e biôme a bili.

Bible en langue Bulu

¹⁵ Wôna a nga jô be na: Tukaʼa tabane ntyel a aval ôzañ akum ese; amu jaʼane afoʼo été, ényiñe môt é nji ke timbi a e biôme a bili.

LUKAS 12:15 Iomraidhean Croise

HÉBRE 13:5

O zañe moné ô bo'o te jôô mia. Va'an abime mi bili, amu Nti émien a nga kobô na! Teke me ye'e suu mia étam, teke me ye'e li'i mia!

MINKANA 15:16

Tyôtyoé biôm ô laté nkoone Zambe woñ bi ne mvaé a dañ abui akum e nzameta'an été.

MINKANA 16:16

Ngo'o abim ane mbiane fek ô ne mvaé a dañe or! Mbiane nyeman a dañe argent!

2 Tim 3:2

E ne na, bôt ba ye bo mimfôfom, benye'e moné, ngunguan a mebun, bekobô Zambe ébiasé, a bekange bebiaé bap, bikalak, te semé jôm é ne étyi,

LUKAS 16:14

Befarizieñ, e mbe be mbe be nyeke'e moné, be mbe be vô'ôlô'ô mam mete mese, be nga woé Yésus.

KÔLÔS 3:5

Ajô te wôéane mame ya *si nyô me ne be mia: ébamba, mvin, ntulane mam ôkup, mbia minkômban a ôzañ akum ôte, ñwô ô ne nkañane bengunemelan.

LUKAS 8:14

E mvoñ é nga ku e minsini'i été, é ne ba be ne na éyoñ be maneya wô'ô mejô me Zambe, be kelé, mam ma tyelé bôte minleme yôp, akum a mimvôman y'ényiñ bia mane dibetane be, be ntoo teke fe ve bibuma bi ne bitôtôlô.

BESAM 62:10

Yaa, bone be bôt be ne fo'o ve mvebe bôt be ne fo'o ve minsos! Be n'éveves e kop, éveves a dañ évuñulu.

BESAM 37:16

Tyôtyoé biôm zôsôa môt a bili a dañ abui akum y'ézu'u bebo abé;

2 Pi 2:3

a ôzañ akume wob été, ba ye diane mia a *minkobô medu'an; mfa'a wop, aso ayap, ntyi'an ajô wop ô nji bômbô zezé nalé fe njañane wop teke ke ôyo.

MARKUS 7:22

*mejian, ôzañ akum, mbia *nlem, medu'an, bijabô, ébamba, mbia be mis, nkoban Zambe ébiasé, mebun, mboan ôkukut.

HABAKUK 2:9

Bidim a môt a jeñ ékotekote mvaé asu ya *nda jé, nalé ate a ye lôñe dumba'a dé e mebôbône minkôle yôp na bidim bi bo te kui e vôm a né.

BESAM 10:3

Amu na mbia môt a se'e émien amu a biya jôm a sôñ; mvus éte a nji botane Nti, ve viane yo'é a biasé nye.

Yb 2:4

Satan a nga yalane Zambe na: Ékôp ja butan ékôp! Jôm ése môt a bili a ne ve je asu ényiñe jé.

YASUA 7:21

me nga yen, e biôm ya nsa été, étua mbamba alô'ô ya Sinéar nalé besikel be argent mintete mibaé a beta ébabe or adit tañ besikel mewôm metan; ane me nga nyamete bie a nyoñe bie; biôm bite bi ne *nda éndelé jam, nsolan si été, argent nye a ne mfa'a ya si.

1 Ko 6:10

nge miñwuwup, nge bewôlé bôte biôm, nge beso'o bilam, nge bendamane bôte môé e zesé, nge benyoñ abet, ba ye nyoñe ngab éjôé Zambe.

LUKAS 21:34

Taba'ane miabebien ntyel, amu woñe na minleme mienan mi za bo adit amu e nnembane mboone mam a nso'one bilam, a e mam ma tyelé nleme yôp ényiñ, a na *môs ôte ô zaa kuu mia yôp éyoñ mi ne te buni,

MIKÉ 2:2

Ba nyamete mefup, a nyoñe me a ngu, avale te fe menda, ba wôlé me; ba tibili bialébialé a *nda bôte jé, môt a ngab éli'i jé.

YEREMIA 6:13

Amu na, ataté be nyô ya be be a ne tyôtyoé, a kui nyô a dañ anen, bese be n'ôzañ akum; ataté *nkulu mejô a kui *ntuni, bese ba belane medu'an.

MINKANA 28:16

Nteb'ôsu a nji bi fek a bo mam m'étibela'a abui abui, ve nyô a vini ma'an me n'ékotekot a kô'ôlane melu y'ényiñe jé.

2 Pi 2:14

Mise njalan a *mejian, be ne teke jaé mboon *abé, be dutu'u minsisim mia yeñelan, be beté'é ôdo'é y'ôzañ akum, be ne bone biyo'é.

EZEKIEL 33:31

Ba ke beta nsamba be wo a ayoñe bôte dam da tabe wo ôsu. Ba wô'ô mejô môé ve teke bo me, amu ba bo mejô m'élen me kui b'anyu, ve da ôzañ akum ô wulu'u minleme miap.

LUKAS 12:16

A a nga kane be *nkana: Sii nkukume môt éziñ é nga ve nye abui bidi.

1 Bb. 2:40

Nde Siméyi a nga kôlô si a dañ éjakase yôp a ke e Gat be Akis, asu ya nyoñe bebo bisaé bé. Simeyi a nga bo ve meke a meso ya bulane soo bebo bisaé bé Gat.