LUKAS 11:42 - Kalate Zambe Nnomo a Mfefe Mfefé Nkôñelan

⁴² Ve ngo'é mia Befarizieñ! Amu mia ya'ane *ngab awômô ya biôme mevale meva, ve mia biasé *zôsôô a nye'ane Zambe: e jam mi nga yiane taté bo e nde le, teke vaa ma ma li'i.

Bible en langue Bulu

⁴² Ve ngoʼé mia Befarizieñ! Amu mia yaʼane ngab awômô ya biôme mevale meva, ve mia biasé zôsôô a nyeʼane Zambe: e jam mi nga yiane taté bo e nde le, teke vaa ma ma liʼi.

LUKAS 11:42 Iomraidhean Croise

NEHEMIE 10:37

bi tiñetiya fe na bia ye soo mintôle ya bobefame bangan, a mintôle ya mimbam biyeme miangan asu betuni ba bo ésaé e ndaa Zambe wongan aval e ne ntilan e metiñ: mintôle ya mimbam biyeme miangan mi ne anen a mi ya mimbame miangan mi ne tyôtyoé;

MINKANA 21:3

Zambe a yene nya ntyi'ane mejôô a mboone *zôsôô mvaé, a dañe mveane biôme metuna'a.

EKLEZIASTE 7:18

A ne mvaé ya bi jame dina, ve wo wôé teke jô'é dili: amu nko Zambe woñ a nji yiane fubane bibé.

MIKÉ 6:8

A môt, be litiya wo Jam e ne mvaé, jame Nti a sili wo e ne ve na: Nsemane nya ntyi'ane mejôô, nye'ane ya bo mvaé, a ntôñane zene Zambe wôé a liti wo.

MALAKI 1:6

Mona fam a wumu ésaa, a mbo ésaé a wumu masa wé. Nge me ne ésaa, duma dam e ne vé? Nge me ne masa, ésemé jam é ne vé? Nalé Nti ya *minsamba mewosan a jô mia betuni mia biasé jôé dam. Ve mia jô na: Jé ja liti na bia biasé jôé dôé'

MALAKI 2:17

Mia ndeñele Nti a *minkobô mienan. Mia jô na: Bia ndeñele nye aya? Eyoñe mia jô na: Môt a bo *abé a ne mbamba môt e mise me Nti, bôte bete e mbe a yene mvaé; nge na: E Zambe a tyi'i mejô *zôsôô a ne vé'

MALAKI 3:8

Ye môta binam a ne du'u Zambe? Ve mia du'u ma! A mia jô na: Bi du'uya wo vé? Ajô *ngab awômô a mimvean mivo'o mise.

METIAS 23:13

Bidim a mia, *beyeme bekalate a Befarizieñ bôte bebadu'u, amu mia dip éjôé ya yôp ôsu be bôt; miabebien teke nyiin été a teke jô'é ba ba kômbô nyiine na be nyiin.

METIAS 23:23

Bidim a mia, *beyeme bekalate a Befarizieñ, bôte bebadu'u, amu mia ve *ngab awômô ya mesep, ôsim a ndôñ, ve mi vuane jam da dañ anen e metiñ: nya ntyi'ane mejôô, nkoon éngôngo a mbunan; mam mana mme mi nga yiane bo, ve teke jô'é ma mevok.

METIAS 23:27

Bidim a mia, *beyeme bekalate a Befarizieñ, bôte bebadu'u! Amu mia funane mesoñ me ne ndubane fem, mme ma yené abeñ atan, ve été me ne njalan a bivese mimbim a mvin mevale mese.

LUKAS 18:12

ma tyi bidi biyoñ bibaé sondô ase, ma ve *ngab awômô ya biôme bise ma bi.

YOANES 5:42

ve ma yeme mia, mi nji bi nye'ane Zambe e minlem.

1 Jn 4:20

Nge môt éziñ a jô na: Ma nye'e Zambe! Ve a vini'i monyañ wé, a ne nlaa minsos. Amu, e môt a ne te nye'e monyañ a lôô a mis, a se ngule ya nye'e Zambe a nji yen.

SAMUEL ÔSU 15:22

Ane Samuel a nga jô na: Ye Nti a vak a mimvean ba di'i ngumba a biôm ba tyik, a dañe mewô'ô ya tyiñe Nti' O lôô mewôk ma dañe biôm ba tyi'i mvaé a nsuubane si fe wo dañ avoñe beyôm mintômba.