LUKAS 11:4 - Kalate Zambe Nnomo a Mfefe Mfefé Nkôñelan

⁴ Jamé'é bia e mam *abé mangan, amu bia fe bia jamé e ba bese ba bo bia abé; a te bo bia na bi ku e *mebôbela'a été.

Bible en langue Bulu

⁴ Jaméʼé bia e mam abé mangan, amu bia fe bia jamé e ba bese ba bo bia abé; a te bo bia na bi ku e mebôbelaʼa été.

LUKAS 11:4 Iomraidhean Croise

KALATE METATAʼA 48:16

éngele, nyô a nga kôté ma e mfa'a *abé ese, a bota'ane bobefame ba! Be lo'one be jôé dam a jôé b'ésaa bam, Abraham, a be fôék abui ézezañe si Ejipte nyô!

1 Bb. 8:34

wo wo ye wôk ô too yôp, wo ye jamé *abé ya ayoñe dôé Israél a bulane zuu be e si ô nga ve b'ésaa bap!

1 Bb. 8:36

amu nsamelan wo ye samele be, wo wo ye wôk ô too yôp, wo ye jamé *abé bebo bisaé bôé a di ayoñe dôé Israél. Amu wo ye ye'ele be mbamba *zen ba yiane wulu été, a wo ye noo mveñ e si ô nga ve bôte bôé ane ngap!

BESAM 121:7

Nti a ye ba'ale ényiñe jôé a ye kamane wo mfa'a ya *abé ése.

BESAM 25:11

A Nti, wo ye jamé ékobe jam amu jôé dôé, amu ékobe te é n'angôndô.

BESAM 25:18

Yene azoé dam a nju'u wom a jamé'é *abé dam ese.

DANIEL 9:19

A Nti, vô'ôlô'ô bia! A Nti, jamé'é bia! A Nti! A Nti ke'e melo môé! Amu ésemé ô bili mfa'a wôé womien a Zambe wom, bo'o jam éziñ, te yange asu tisone nyô a ayoñe bôte di, mbie bi n'émbiôé.

Oz 14:2

A Israél, bula'an e be Nti Zambe wôé, amu ékobe jôé nje é nga bo na ô ku.

METIAS 18:35

Avale te fe Esaa wom a ne yôp a ye bo mia nge mi nji jamé môt ase monyañe wé, *njaman wo so nye *nlem.

METIAS 26:41

Momba'an a ye'ela'an, nalé mia ye bo te nyiin e *mebôbela'a été; mfa'a wu *nsisim ô ne ngu, mfa'a mbok minsôn mi ne atek.

LUKAS 11:5

A nga beta jô be na: e *mbé ya be mia a ye bi mvôé ja ye ke be nye e zañ alu asu ya jô nye na: a mvôé jam, kôlé'é ma belet élaa,

LUKAS 13:4

Nge na e bôte awôm a muam e nkume ya Siloé ô nga ku yôp a wôé, ye mia bumi na be mbe be bili mekua a dañe bôte bevo'o bese be too Yérusalém'

LUKAS 22:46

a a nga jô be na: Mia ke ôyo amu jé? Kôla'ane si, ye'ela'an, nalé mia ye bo te nyiine *mebôbela'a été.

LUKAS 8:13

E ba be ne ako'o yôp, be ne e ba be ne na éyoñe ba wô'ô mejô me Zambe, ba nyoñe me a mevak; ve be ne teke minkañ; ba yaé nté éziñ, v'éyoñe *meve'ele, be mane kôlô.

YOANES 17:15

Me nji ye'elane wo na ô vaa be e si ndôn, ve na ô ba'ale be, amu Mbia Môt a ne.

1 Ko 10:13

Teke *meve'ele me nga kui e be mia, me too tee nkôñe môt. Zambe a ne nyô ya buni; a ye bo te kañese na, mi tôbane mebôbela ma lôte mia nkôñ. Ve awolo *mebôbela'a, a ye ve mia zene ya tulan a ngule ya jibi me.

KÔLÔS 3:13

Mi jiba'an, bana a ba bevok; a nge môt éziñ a bili nyô mbo'o ajô, mi jama'ane mia mia; avale Nti a nga jamé mia, mia fe bo'one nalé.

2 Tes 3:3

Nti a ne nyô ya buni: A ye yemete mia a ba'ale mia mfa'a mbia môt.

2 Tim 4:18

Nti a ye kôté ma mfa'a mbia mboon ase a nyii ma asu éjôé jé ya yôp. Duma e bo'o be nye nnôm éto a nnôm éto. Amen!

YAKOB 2:13

E ne na: Ntyi'ane mejô ô ne njet e be nyô a nji koo bôt éngôngo. Nkoon éngôngo wo vini ntyi'ane mejô.

NLITAN 2:10

Te ko e mam wo yiane jibi woñ. O lôô, Satan a ye futi bevo'o ya be mia e *nda mimbôk asu ya ve'ele mia, a mia ye ve'elebane melu awôm. Jibi'i akekui awu, a ma ye ve wo ékate duma ényiñ.

NLITAN 3:10

Amu ô nga ba'ale ajô dam a mban ôse, ma fe ma ye ba'ale wo awolo *meve'ele da ye zu e be bôte binam bese, a ve'ele ba bese be too si.