LUKAS 11:2 - Kalate Zambe Nnomo a Mfefe Mfefé Nkôñelan

² A nga jô be na: éyoñ mia ye'elan, jô'ane na: A Esaa! E jôé dôé e bo'o étyi; éjôé jôé é za'ak!

Bible en langue Bulu

² A nga jô be na: éyoñ mia yeʼelan, jôʼane na: A Esaa! E jôé dôé e boʼo étyi; éjôé jôé é zaʼak!

LUKAS 11:2 Iomraidhean Croise

1 Bb. 8:43

wo wo ye wôk e yôp, e vôm ô too, a wo ye ve nneñ e jôm ése a ye sili wo meye'elane mé été, nalé *meyoñ mese ya si ma ye yeme jôé dôé a ko wo woñ, aval'ane ayoñe dôé Israél, a be yeme na ba loone jôé dôé e *nda me maneya lôñe nyô!

2 Bb. 19:19

Eyoñe ji a Nti, e Zambe wongan, nyi'i ñhe bia e mo me Sénakérib, nalé meyoñe mese ya si ma ye yeme na wo Nti étam ô ne Zambe.

2 Minkte 20:6

Nye na: A Nti, Zambe b'ésaa bangan, ye ô nji bo Zambe e yôp a ye sa wo ô koo bijôé bise ya *meyoñ e nlô yôp? Ye ngu a éwolo bi nji bo e wo wôé été? Ajô te nde môt éziñ a se nguleya dôñgane wo!

BESAM 103:20

Mia be Engele bé, va'ane Nti akéva, mia bete mia bo jam a jô, a wô'ô nye te mfete, a ngule jenan ése.

BESAM 108:5

amu beta mvame wôé a bet ôyap yôp a dañe yôp a ntôan minjôane wôé ôyap yôp a dañe minkut.

BESAM 11:4

Eyoñe mimbôka'a mi bulekaneya, zôsôa môt a ye bo aya'

BESAM 57:11

Amu mvame jôé ja kui yôb été, a bebela wôé e minkut été.

EKLEZIASTE 5:2

Abui mam da tyelé môte nleme yôp nde da soo nye abui mbia biyeyem a bifuuk mejô bia so abui nkobô.

EZAYI 63:16

Ve da na wo ô n'ésaa wongan, Abraham a nji yeme bia, Israél (Yakob) fe a nji meme bia, wo Nti ô ne Zambe wongan, wo, aso nnôm éto, wo lobane na: Nkôté wongan.

EZEKIEL 36:23

Ma ye telé jôé dam e n'anen étyi nde e nga ndamane meyoñe bikul été, jôé te nde mi nga ndaman e *meyoñ mete été, a meyoñe bikuu ma ye yeme na me ne Nti, nalé Nti Nyô a ne Zambe a jô, éyoñe mia ye telé ma étyi e mise map.

DANIEL 2:28

Ve Zambe a ne yôp, Nye a kulane minsolane mi mam, nye a bo na ô yeme jam da ye bobane melu ma zu. Biyeyem ô nga yem ô too ôyo mbie bi:

DANIEL 2:44

Melu ya bejô bôte bete, Zambe ya yôp a ye telé éjôé ja ye bo teke tyamban, a éjôé te ja ye bo teke éjôé y'ayoñ afe si, ja ye fit a bo bijôé bite momo; a ébien ja ye tabe nnôm éto:

DANIEL 7:18

Mvuse jap nje *ayoñe Zambe da dañ ôyabe yôp e n'étyi da ye nyoñ éjôé a ba'ale je nnôm éto.

DANIEL 7:27

Ejôé, ndañan a anene ya bijôé ya *si nyô bia ye veban e be *ayoñe Zambe da dañ ôyabe yôp e n'étyi. Ejôé ya ayoñe te ja ye tabe nnôm éto, a mingungule minjôane mise ya émo ji mia ye wô'ô nye a saane nye.

Oz 14:2

A Israél, bula'an e be Nti Zambe wôé, amu ékobe jôé nje é nga bo na ô ku.

LEVITIK 10:3

Ane Môze a nga jô Arone na: Nde te ma ye teléban étyi e be ba ba subu ma bebé, a ma ye wum e vôm ayoñe bôt ese é né, nalé Nti a jô. Aron a nga tabe évôl.

LEVITIK 22:23

Nge tit éziñ: nyak, ntômba nge ékela é bili éyem éziñ, nge na bibu'a bié biziñ bi nji yaé ane da yian, be ne ve je ane mvean *nlem ôbien wo kômbô, ve saa ane mveane ya tôé ntiñetan.

HABAKUK 2:14

Amu *si nyô ja ye jaé a ñyeman étôto'o Nti, avale f'ane mendim ma yandan édo'o mañ.

METIAS 10:32

Nyô ase a ye meme na a ne éñwom asu bôt, ma fe ma ye meme na me ne éñwé asu ésaa wom a ne yôp.

METIAS 3:2

a jô'ô na: Kôñela'ane minlem amu éjôé ya yôp é ntoo bebé.

METIAS 5:16

Avale te nde éfufube jenan ja yiane faé e mise me bôt, nalé ba ye yene mbamba mimboone mienan a ve ésoo wônan a ne yôbe duma.

LUKAS 11:1

Yésus a mbe a ye'ela'ane *môs éziñ e vôm éziñ. Eyoñ a nga man, wua ya beyé'é bé awôm a mebaé a nga jô nye na: A Nti, ye'ele'e bia ane bi ye'elan, avale Yôanes a nga ye'ele beyé'é bé.

BERÔMEÑ 1:7

Mvam a *mvo'é bi so'o e be Zambe Esaa wongan, a be Nti Yésus Krist, bi tabe'e be ba bese Zambe *a nye'e be nee Rôm a e be mimfufup amu nloone Zambe.

BERÔMEÑ 8:15

Mi nji nyoñe Nsisime wo bo mia belo a beta ve mia woñe minlem, ve wu wo ve mia éto *bon, a ñwô ôte bia yôtane na: Abba! Tate!

1 Ko 1:3

Mvam a *mvo'é, bi tabe'e be mia, bi so'o e be Zambe Esaa wongan a e be Nti Yésus Krist.

2 Ko 1:2

Mvam a *mvo'é bi bo'o e be mia, bi so'o be Zambe Esaa wongan a Nti Yésus Krist.

GALATI 1:4

nye a nga ve émien ajô mam *abé mangan, ane a ye vaa bia e si ya *abé nyô, aval ane nkômbane Zambe a ne ésaa wongan ô né.

EFEZE 1:2

Mvam a *mvo'é bi tabe'e e be mia bi so'o e be Zambe Esaa wongan, a e be Nti Yésus Krist.

FILIP 1:2

Mvam a *mvo'é bi bo'o e be mia, bi so'o e be Zambe Esaa wongan a e be Nti Yésus Krist.

FILIP 4:20

Duma e bo'o be Zambe Esaa wongan, nnôm éto a nnôm éto. Amen.

KÔLÔS 1:2

ma tili mimfufup, bobejañe ya buni be ne Kôlôs kalate. Mvam a *mvo'é bi tabe'e e be mia, bi so'o e be Zambe Esaa wongan.

1 Tes 1:1

Ma, Paul, bia Silvain bi too a Timôté, ma tili keké ya Tésalônik é nee be Zambe Esaa wongan a e be Nti Yésus Krist. Mvam a *mvo'é bi bo'o be mia.

1 Tes 1:3

éyoñ ése bia simesane mbunane wônan wo bo ésaé, nye'ane wônan wo tôbane njuk a mbane ndi minleme jenan, mbie bite bia sobia e be Yésus Krist, asu be Zambe ésaa wongan,

2 Tes 2:16

Nde Nti wongan, Yésus Krist émien, a Zambe Esaa wongan, nyô a nga nye'e bia, a ve bia amu mvame jé, mvolane minlem ô ne nnôm éto, a mbamba ndi *nlem,

NLITAN 11:15

Engele zamgbwale a nga loñe toñe jé. Beta metyiñ me nga so yôp me jô'ô na: Ejôé ya *si nyô é nto ji e Nti wongan a Krist wé éyoñe ji. A ye jô'ô nnôm éto a nnôm éto!

NLITAN 15:4

Za a ye bo te ko woñ, a wumu jôé dôé, a Nti' Amu wo étam ô ne mfufup. Meyoñe mese ma ye zu, a kumbu si asu dôé, amu mintyi'ane mejô miôé mi maneya yené.

NLITAN 19:6

A me nga wô'ô zô'é, aval ane nyô beta nsamba bôt, avale fe ane nyô beta be mañ, aval a ne mvame mingungule bezo'oyañ é jô'ô na: Alléluia! Amu Nti, Zambe wongan a ne Ngulése a litiya éjôé jé.

NLITAN 20:4

A me nga yene bito bi njôan. Nguleya tyi'i mejô é nga veban e be bôt be nga zu tabe bie yôp. Me nga yene fe minsisime ya ba be nga wôéban amu nkañetan Yésus a ajô Zambe, a e ba be nga bo te kañe tit, nge éve'ela jé, a bo te nyoñe ndem e mvome mesu nge wo. Be nga wômô, a jôô baa be Krist tañe mimbu toyini.