LUKAS 10:42 - Kalate Zambe Nnomo a Mfefe Mfefé Nkôñelan

⁴² Ve jame da étam é ne mfi: Marie a tobeya e ngap é ne mvaé ba ye bo te vaa nye je.

Bible en langue Bulu

⁴² Ve jame da étam é ne mfi: Marie a tobeya e ngap é ne mvaé ba ye bo te vaa nye je.

LUKAS 10:42 Iomraidhean Croise

BESAM 119:111

mam wo yi na bi bo wo me ne mvaé jam, me ne ma édima nnôm éto ma ve ma avak *nlem.

BESAM 119:173

Wo wôé ô tabe'e valé mfa'a ya zu volô ma, amu me tobeya mam wo yi na bi bo wo.

BESAM 119:30

Me nga tabe na ke ma ye tabe wo ndi *nlem, a suu mamien mintyi'ane miôé si.

BESAM 142:5

Fombô'ô mefefele mam a yene de: teke'e môt a nyoñe ma ngap; me nji ke fe bi vôm mfe éziñ ya sobô, teke'e môt a bisi ma.

BESAM 17:15

Ve ma, e *zôsôô été, ma ye yen asu dôé; éyoñe ma ye vee ôyo, ma ye jaé a éyeka'a jôé.

BESAM 27:4

Ma sili Nti jôme jia: nje ma jeñ a ayôñ ese: e tabe *nda Nti nté y'ényiñe jam ése, mfa'a ya nye'e me yenek étôto'o Nti a tu'a fombô *nda Zambe jé.

BESAM 73:25

Za mfe me bili e yôb été' Nge ô vaa womien, teke mvaé éziñ ma yen e *si nyô.

EKLEZIASTE 12:13

Asu'ulane ya nkobô wuna ôse e ne na: Ko Zambe woñ a ba'ale mebendé mé. Amu ngume jam môt a yiane bo ñwô le.

MARKUS 8:36

Da ye volô môte jé na a bi ngume si ôse, nge a viane jañele ényiñe jé'

LUKAS 10:39

A nga bili monyañ jôé na Marie a nga zu tabe e mebo me Nti a wô'ô mejô mé.

LUKAS 11:1

Yésus a mbe a ye'ela'ane *môs éziñ e vôm éziñ. Eyoñ a nga man, wua ya beyé'é bé awôm a mebaé a nga jô nye na: A Nti, ye'ele'e bia ane bi ye'elan, avale Yôanes a nga ye'ele beyé'é bé.

LUKAS 12:20

Ve Zambe a nga jô nye na: a akute môt! Alu dina ebien, ba ye nyoñe nsisime wôé; e biôm ô maneya kômesan bia ye bo e bi bi za'

LUKAS 12:33

Ku'ane jôme mi bili, a va'ane je bingôngole bi bôt. Bo'one na mi bi mimfe'e mi moné mi ne te vele, akum e ne te man e yôp, e vôme miñwuwup mi ne te kui bebé, nge si'ibem te ndamane biôm.

LUKAS 16:2

A nga loone nye a jô nye na: Za jame ma wôk be kobô'ô ajô dôé? Bo'o sito'o ya mba'alan akume wôé, amu ô se nguleya beta bo mba'ale akume wom.

LUKAS 16:25

Abraham a nga yalane na: A mone wom, simesa'ane na ô nga bi akum éyoñ y'ényiñe jôé, a na mfa'a Lazar, a nga tôbane minjuk, éyoñe ji a volebaneya nleme va, ve wo wo wô'ô mintaé.

LUKAS 18:22

Yésus, éyoñ a maneya vô'ôlô nye, a nga jô nye na: Jame da e ngenane da jembane wo: Ku'an e biôme bise ô bili, kabe bie bingôngole bi bôt, a wo ye bi mefok e yôp. Wôna za'ak a tôñe ma.

LUKAS 8:18

Taba'ane ñhe ntyel a avale mia vô'ôlô; amu ba ye ve e môt a bili, ve nyô a nji bi, ba ye vaa ja'ane jôm a simesane na a bili.

YOANES 11:1

Môt éziñ a mbe a konôk, e Lazar ya Bétani, e jal Marie baa monyañe wé Martha.

YOANES 11:19

Beyude abui be nga ke fe tabe Martha baa Marie ébeñese na be volô be minlem ajô awu ndôme jap.

YOANES 12:3

E nde Marie a nga nyoñe mbon ôlobinda naléda, étune kili, abeñe dia mbon, a nga wo'o wô Yésus e mebo, a fimi fe nye mebo a ésile jé. Nda ve mane jaé a menyum m'ôlobinda.

YOANES 17:3

Enyiñe ya melu mese ki é ne na bôt be yeme wo na wo étam ô ne nya Zambee, be yeme fe nyôô nga lôm, nye a ne Yésus Krist.

YOANES 4:14

Ve nyu ki a ye nyu mendim ma ye ve nye, a ye bo te fe beta wô'ô évé akekui nnôm éto; amu mendim ma ye ve nye, ma ye bo nye anjeñ e nleme wé été, e nde da kui mendime m'ényiñe ya melu mese.

YOANES 5:24

Bebela, bebela émien, ma jô mia na e môt a wô'ô mejô mam a buni fe e Nyô a nga lôme ma, môt ate a mbili ényiñe ya melu mese, a nji zu vôm ya ntyi'ane mejô, amu a lôteya a kôlô'ô awu a kui ényiñ.

YOANES 6:27

Bo'an ésaé bidi, sake bidi bia ndaman, ve bidi bia tabe akekui ényiñe ya nnôm éto, bidi Mone Môt a ye ve mia, amu e nye Zambe Esaa a nga kpwele ndem.

1 Ko 13:3

Ja'ane me nga ye kabe biôme biame bise, e be bewô'ô zaé ja'ane ve nyôle jame na é dik, nge me nji bi nye'an, me nji bi ma'an m'éziñ.

GALATI 5:6

Amu mfa'a nyô a nee be Yésus Krist, mfi ô nji bo ntyi'ane atyel, nge tee ntyi'ane atyel. Ve mbunan wo bo ésaé a nye'an.

DEUTERONOME 30:19

Den, ma nyoñe bengaa be ne wo ngame yat: yôp a si; me teléya ôsu vôé, ényiñ a awu, bibotan a biyo'é. Tobôk ényiñ, nalé wo ye nyiñ, womien a e mvoñe bôte jôé,

YASUA 24:15

A nge mi nji simesane na mia yiane saane Nti, toban, e môse wu, môt mia kômbô saane nye, nge bezambe b'ésoo be nga saane be Efrate yat, nge bezambe Beamorééñ ya mi too si jap: ve ma, a *nda jam, bia ye saane Nti.

YASUA 24:22

Nde Yasua a nga jô bôte na: Mi ne bengaa ya bo'olô miabebiene na: Miabebien mia te tobe Nti na mia bo nye bisaé. Be nga yalane na: Bi ne bengaa.