LUKAS 10:2 - Kalate Zambe Nnomo a Mfefe Mfefé Nkôñelan

² A mbe a jô'ô be na: nkôane bidi ô ne abui, ve bebo bisaé be ne tyôtyoé. Ye'ela'ane ñhe masa nkôane bidi na a lôme bebo bisaé e nkôane bidi wé.

Bible en langue Bulu

² A mbe a jôʼô be na: nkôane bidi ô ne abui, ve bebo bisaé be ne tyôtyoé. Yeʼelaʼane ñhe masa nkôane bidi na a lôme bebo bisaé e nkôane bidi wé.

LUKAS 10:2 Iomraidhean Croise

1 Bb. 18:22

Ane Elie a nga jô bôte na: Me li'iya *nkulu mejô Nti v'étam, ve bekulu mejô be *baal be ne mintete minyin a mewôm metan.

BESAM 68:11

E nne bôte bôé be nga tabe valé, wo, wo Zambe a ne mbamba *nlem, ô nga kômôtô bingôngole bi bôt.

YEREMIA 3:15

Ma ye ve beba'ale mintômba, a ba nleme wom wo yene mvaé, a ba ye ve mia bidi a atyeñ, a mbamba mfasan.

ZAKARI 11:17

Bidim a mbia mba'ale mintômba a li'i mintômba! Kpwaté mekôn ô jiba'ane nye wo a e dise ya mbo nnôm! E wo wé ô tame mane kôt ôse, a dise dé ya mbo nnôm e tame fo'o dim.

ZAKARI 11:5

Ba ba kuse mie, ba tyi'i mie *tyiñ, teke buni na mi bili mekua, a ba ba kuane mie, ba yôtane na: mva'ane Nti akéva, amu bi ntoo kum! Beba'ale babe bebien teke ko mie éngôngo.

NLAÑANE BÔT 11:17

Ma ye sise valé a kobô wo; ma ye nyoñe ngab éziñe ya *nsisim me nga ve wo a sôé wô e be be; éyoñe te ba ye bo nguleya volô be'e wo mbe'e ya bôte ba, a wo ye bo te beta bo ésaé te étam.

NLAÑANE BÔT 11:29

Ve Môze a nga yalane na: Ye wo bo ma éviele? Ke ma dañe yene mvaé nge ayoñe bôte Nti ese e bili fo'o ve bekulu mejô, a ngo'é nge Nti a ne sôé *nsisim e be be!

METIAS 20:1

Ejôé ya yôp ja funane fo'o ve ane mie ndaa éziñ, nye a nga kui atan mametyé na a nyoñe bebo bisaé asu afube mindi'i mi woon dé.

MARKUS 13:34

Aval ane môt a ke e dulu, a li'i *nda jé a mane ve bebo bisaé éjôé jé, môt ase ésaé jé, a ve fe mba'ale *mbé ya jal *atiñ na a mombô.

MARKUS 16:15

Ane a nga jô be na: Kelane mefôla me si mese, mi ke mia yôtan ékôkôma'a ése Mbamba Foé.

MARKUS 16:20

Beyé'é kik, akôlô ya valé, be nga ke ba kañete Mbamba Foé vôm ase, Nti a kelee be nsamba e ésaé été, a yemete'e nkañetane wob ya ajô Zambe ngu amu bitua bi mam bi mbe bi boba'an.

LUKAS 9:1

A nga loone beyé'é awôm a bebaé a ve be ngul a éjôé e be mimbia minsisim mise, nalé fe ngule ya yete akon.

Mm 11:19

E ba be nga tub ékpwe'ele éyoñ Etienne a nga wu be nga kui Fénésie, Sipre a Antiôche, ve te kate bôte befe ajô Zambe, vengevenge ve Beyude.

Mm 13:2

Môs éziñ be nga bo ésulane ya kañe Nti a bômbô zaé asu meye'elan. Mfufube Nsisim a nga kobô be na: Jôka'ane me Barnabas baa Saül be bo ésaé me tyi'iya na be bo.

Mm 13:4

Eyoñe Mfufube Nsisim a maneya lôme be, ane Barnabas baa Saül be nga siliki a kui Sélesi. Nkôlane ya valé, be nga fubu miel été a ke mfa'a ya Sipre.

Mm 20:28

Ba'alane miabebien, a ngumba mbam, ñwô ôte Mfufube Nsisim a nga telé mia beba'ale. Bo'one beba'ale mintômba ya Keké, nje éte a nga nyoñ a metyi mé.

Mm 22:21

Ve Nti a nga jô me na: Kele mfa'a ma jô wo. Amu mfa'a wo dañ ôyap, e be meyoñe bikuu, ñwô ma lôme wo.

Mm 8:4

Wôna bôt be nga tup a mialane minlame minlam. Be nga ke li a li, a kate Mbamba Foé ya ajô Zambe.

1 Ko 12:28

A, e ba Zambe a nga telé e keké été be ne: ôsusua minlôman, nsamba baa, bekulu mejô, e wu lale beye'ele wôna mveane ya bo bitua bi mam, wôna wu ya saé bôt, wu ya volô bôt, wu ya jôô, mveane ya kobô *minkobô.

1 Ko 15:10

Ve jôme me né, me ne je amu mvame Zambe a e mvame jé é nji bo zesé mfa'a wom. Amu me nga bo ésaé a lôte bese: saa ma, ve mvame Zambe é nee be ma.

2 Ko 6:1

Amu bia be nye bia bo ésaé, bia lebe mia na mi bo te nyoñe mvame Zambe ane jôm é ne zezé.

FILIP 2:21

Bese be lôô fo'o ve mfi wobe bebien, saa ñhe wu Yésus Krist.

FILIP 2:25

Akôsa bo nalé, me nga yen e too mfi na me lôme mia Epafrôdite, mojañe wom, ébe mbo ésaé a nyô bia nye bia wosan, nyô mi nga lôme na a zu saane ma e minkômbane miam été

FILIP 2:30

amu a nga ye wu amu ésaé Krist. A nga ye dimili ényiñe jé, éjiane ya jôme miabebien mi mbe te ngule ya bo mfa'a ya saane ma.

KÔLÔS 1:29

E jam ma sôñ ésaé jam, a mewosane mam, a ngule jé ja bo ésaé e be ma, e nde ñhe le.

KÔLÔS 4:12

Epafra, a ne fe wua ya be mia, a batane mia; mbo ésaé Yésus Krist ate, a nji jô'é wosan ajô denan a zene ya meye'elan na, mi tebe ne sim, nya *mvo'é asu ya ve nkômbane Zambe mewôk.

1 Tes 2:9

Mia simesan, a bobejañ, minju'u miangan a ñwô'an ate'e nyôle wongan, a mboon ésaé, môse baa alu na bi bo te ka'a môt éziñ ya e be mia mbe'e, nye bi nga kate mia Mbamba Foé Zambe.

1 Tes 5:12

A bobejañ, bia sili mia na mi semé e ba ba wu nju'u ésaé e zañe jenan, ba bômbô évevé ajô denan e be Nti a komekane mia.

2 Tes 3:1

A bobejañ, ye'ela'an ajô dangan, nalé ate ajô Nti e ne ngule ya ji'a mialan a wum aval ane e né e be mia,

1 Tim 4:10

Amu nge bia wu njuk a wosan, e ne amu bi veya ndi nleme jangan e be vevea Zambe, e nye a ne nyii bôte bese, a dañedañ nyô *bebuni.

2 Tim 4:5

Ve wo, jô'ô womien e mfa'a mame mese. Jibi'i mintaé, bo'o ésaé nkatefoé, jalé'é ésaé jôé.

FILEMOÑ 1:1

Paul, mone mimbôk, amu ajô Yésus Krist, bia Timôté bi too, mojañ, ma tili Filémon, ébe mbo ésaé ma dañe nye'e, Afia, kale jangan,

HÉBRE 3:6

Ve Krist nye a ne mon, a too fe *nda jé. Bia bi ne *nda jé nge bia ba'ale mbunan a ndi *nlem bia va'a bie akekui asu'ulan. Nyiane ya awo'one Zambe amu mbunan.

NLITAN 2:1

Tili'i éngele ya keké é ne Eféz na: Avale di nde nyô a bili ateté zamgbwa e wo wé ya mbo nnôm, e Nyô a wulu ézezañe bibii bifufup bi or zamgbwa a jô: