LUKAS 1:8 - Kalate Zambe Nnomo a Mfefe Mfefé Nkôñelan

⁸ Eyoñe mboon ésaé asu Zambe ô nga kpwaane Zakari, ane nta'ane ya nsamba betuni wé ô nga liti;

Bible en langue Bulu

⁸ Eyoñe mboon ésaé asu Zambe ô nga kpwaane Zakari, ane ntaʼane ya nsamba betuni wé ô nga liti;

LUKAS 1:8 Iomraidhean Croise

1 Minkte 24:19

Avale di nde be nga nyoñe mbe'e ya ésaé jap, asu ya nyiin e *nda Nti, avale nye'elan ô né ñwô ésaa wop Aron a nga telé avale Nti, Zambe ya Israél a nga bendé nye.

1 Minkte 24:2

Nadab a Abihu be nga taté wu a ésaa wop teke li'i bon; Eléazar a Itamar be nga bo ésaé betuni.

2 Minkte 11:14

amu Belévit be nga li'i menda map a e biôme biap a ke e Yuda a e Yérusalém, amu Yérôbôam a bone bé be nga ndeñele be na be bo te bo ésaé betuni jap asu Nti.

2 Minkte 31:19

Mfa'a bone b'Aron, betuni mbe be nga too afan, mefôla ma bômane bitisone biap, tison ése é nga bili mingum mi bôt, be lo'one be a môé map, asu ya ve bôte bese mengap e betuni été; be nga ve fe Belévit be nga lañeban mengap.

2 Minkte 31:2

Ane Ezékias a nga telé betuni a Belévit ane minsamba miap mi né, môt ase aval'ane ésaé jé é né, betuni a Belévit asu mimvean ba di'i ngumba, mimvean ya nlatane ngbwa, ésaé nkañan, asu *mebôk a bia ya ékaña'a, e mimbé ya minkane mi Nti.

2 Minkte 8:14

A nga telé minsamba betuni, aval'ésaa wé David a nga mane kôm, aval'ane bisaé biap bi né, Belévit, aval'ane mbe'e wop ô né, ô too na be kañe Nti a bo ésaé betuni, be too aval'ane nta'ane mam ya *môs ôse ô né, avale te fe beba'ale mimbé, be too nkaban e *mbé ôse, aval'ane minsamba miap mi né; amu avale te nde David, môta Zambe a nga bendé.

ESDRAS 6:18

Be nga telé betuni aval'ane minsamba miap mi né a bone be Lévi avale be ne nkaban mfa'a ya bo ésaé Zambe e Yérusalém, aval'ane é ne ntilan e kalate Môze été.

NKÔLAN 28:1

Bo'o na monyoñ Aron a subu ma bebé, bone bé be bo ma ésaé betuni; Aron a bone bé: Nadab, Abihu, Eléazar a Itamar.

NKÔLAN 28:41

Avale te nde wo ye jalé monyoñ Aron a bone bé, wo ye wo'o be mbon, a ve be ngu, a telé be étyi, a ba ye bo ma ésaé betuni.

NKÔLAN 29:1

Avale di nde wo ye bo mfa'a ya telé Aron ba be *bon be bo m'ésaé éto betuni: Nyoñe étoñ nnôme nyak a beyôm mintômba bebaé be too *mvo'é ne selem.

NKÔLAN 29:44

Mamien ma ye telé *nda éndelé bisulan a ata'a metuna'a étyi, avale fe ma ye telé Aron a bone bé étyi, mfa'a ya na be bo ma ésaé ane betuni.

NKÔLAN 29:9

Wo ye tiñeti Aron a bone bé meses, a jalé fe be mintôme miap; ésaé betuni é ne énjab amu mvinda ya te nné: Wo ye telé Aron, bone bé a mvoñ bôte jab be bo ésaé betuni mfa'a wom melu mese.

NKÔLAN 30:30

Wo ye wo'o Aron a bobefame bé mbon; wo ye telé be étyi be bo ma ésaé betuni.

NLAÑANE BÔT 18:7

Womien a bone bôé, mia ye ba'ale bisaé ya éto betuni jenan asu jam ese da fombô ata'a metuna'a, a jôm ése é ne e *nda été, éndelé ya zañe yat, mia ye bo ésaé y'été. Esaé betuni jenan é ne e ji me veya mia. Nneñ ase a ye subu bebé a ye wôéban.

LUKAS 1:5

Melu Hérôde a nga too njô bôt e Yudé, *ntuni éziñ a mbe jôé na Zakari, a too e nsamba betuni Abia; minga wé a mbe mvoñe bôte Aron, jôé na Elizabet.

LUKAS 1:7

Ve be nji bi mon amu Elizabet a mbe nkôkôm a bebaane bese be ntoo minnôm.