FILIP 4:3 - Kalate Zambe Nnomo a Mfefe Mfefé Nkôñelan

³ A wo, nya mvôé bia je bia wulu, ma sili wo de na, ô zu vôlô be, amu bia be be bi nga wosan ajô Mbamba Foé éyoñe jijia a Klémañ a beébe bebo bisaé bam bevok, mbe bete môé ma yené e kalate ényiñ.

Bible en langue Bulu

³ A wo, nya mvôé bia je bia wulu, ma sili wo de na, ô zu vôlô be, amu bia be be bi nga wosan ajô Mbamba Foé éyoñe jijia a Klémañ a beébe bebo bisaé bam bevok, mbe bete môé ma yené e kalate ényiñ.

FILIP 4:3 Iomraidhean Croise

BESAM 69:28

Lañe tañ ése ya mam *abé map, ô lañe dina, ô lañe fe di avok; e be wo be bo'o te yene jôme ya kôtébane je.

NKÔLAN 32:32

Ajô te jamé'é be nsem wob éyoñe ji! Nge nalé momo, ma ye'elan wo, tyame jôé dam e kalate ô maneya tili.

EZAYI 4:3

Eyoñe te *mebuka'a ya Siôn, e ba ya Yérusalém be nga fam awu, ba ye lobane na étyi. Bese ba ye tiliban e Yérusalém a nyiñ.

EZEKIEL 13:9

wo wom wo ye wosane bekulu mejô mbe miñyenane miap mi ne momo a mvi'i jap; minsos ba ye bo te nyiñe nlatan a ayoñe bôte dam, ba ye bo te tilibane minsamba y'ayoñ Israél. Ba ye bo te kui e sii Israél, a mia ye yeme na me ne Nti nyô a ne Zambe.

DANIEL 12:1

Engele a nga beta jô me na: Eyoñe te Engele Miké a ye yené, évete ya beéngele, nyô a ba'ale bôte bôé. Eyoñe te ja ye bo ji ya minlem mi tyele yôp, avale te e ngenan te tame bo nté ane ayoñ e tabe a kui éyoñe te. Ba bese ya ayoñe dôé môé map ma ye bo ntilan e kalate y'ényiñ ba ye nyiiban.

LUKAS 10:20

Ve da, te mia vak amu minsisim mia wô'ô mia, ve va'an amu môé menan me ntoo ntilane yôp.

BERÔMEÑ 12:1

Ajô te a bobejañ, ma ye'elane mia, amu nkoon éngôngole Zambe na, mi ve menyôle menan ane vevee étyi'a, étyi e ji Zambe a yene mvaé. Nalé ate a ye bo nkañane wônan wo yian.

BERÔMEÑ 16:12

Sila'ane ma Triféne, a Trifôze, mbe be nga ve bebiene nju'u abui e be Nti. Sila'ane ma éñwom Persis, nyô a nga jibi abui njuk e be Nti.

BERÔMEÑ 16:9

Sila'ane ma Urbeñ, ébe mbo ésaé wongan, a nyô ma nye'e, Stakis.

FILIP 1:12

Ma yi mi yeme de a bobejañ: E jam e nga kui be ma e nga viane volô meyaé me Mbamba Foé.

FILIP 1:16

Bana ba bo a nye'an. Amu ba yeme na, me ne va amu ma kamane Mbamba Foé.

FILIP 1:27

Ve jame da, nyiñan ényiñ ja yiane Mbamba Foé Krist, nde, nge ma zu yene mia, nge na, me too momo, ma wô'ô be kobô'ô ajô denan, me wô'ô na mi yeme ngu e nsisime wua été. Mi yita'ane bese nleme wua aval ane mbunane Mbamba Foé ô né.

FILIP 1:5

amu ngap mia nyoñ a bia ajô Mbamba Foé, ataté e *môs ôsu a kui den.

FILIP 1:7

E ne fo'o *zôsôô na, me ve mamien ajô denane mia bese. Amu me be'e mia e nleme wom été. Mia bete, ja'an éyoñe minkôme jam, nge ji ya kamane mamien, a ñyemetane ya yemete Mbamba Foé, mia bese mia nyoñe ngabe *mvam é nga vebane be ma.

FILIP 4:2

Ma lebe Evôdie ba Siñtik na, be bo nleme wua e be Nti.

KÔLÔS 1:7

aval ane mi nga yé'é e be Epafra mvôé jangan a ébe mbo ésaé a tyendé bia *mvo'é aval ane mbo ésaé Krist,

NLITAN 13:8

Ba ye kañe nye, ba bese be too e si, e ba bese môé map me nji bo ntilan e kalate ényiñ Mone Ntômba a nga wôéban aso mbôka'a ya *si nyô.

NLITAN 17:8

E tit wo te yen é nga too, ve é nji beta bo. Ja ye so mbi'ili a ke e njañ. A e bôt be too e *si nyô mbe môé me nji bo ntilan e kalate ényiñ ane *si nyô é nga téban, ba ye semé éyoñ ba yene tit éte, amu é nga too, ve é nji beta bo, ve ja ye beta so.

NLITAN 20:12

A me nga yene miñwuan, beta a bone miñwuan, be tele asu éto njôan, a bekalate be nga kuiban. Kalate mfe a nga kuiban, kalate ényiñ, a miñwuan mi nga tyi'ibane mejô aval ane mimboone mi mame miap mi né, avale e mbe ntilane bekalate.

NLITAN 20:15

A e môt ase jôé dé e nga bo te yené ntilan e kalate ényiñ a nga wuaban ato'o nduan.

NLITAN 21:27

Teke mvit éziñ ja ye nyiin été, nge môt a bo mbia be mam a laane minsos, ve ba étam môé map me ne ntilan e kalate ényiñe Mone Ntômba.

NLITAN 3:5

Nalé ate e nyô a dañ, a ye jaé e mengômesan ma fum. Ma ye bo te tyame jôé dé e kalate ényiñ, a ma ye yalan ajô dé asu ésaa wom a asu beéngele bé.