FILIP 2:3 - Kalate Zambe Nnomo a Mfefe Mfefé Nkôñelan

³ Te boone jam éziñ a mesengan, nge a mebun asu bone be mam, ve a éjoté nyô, yenane bôte befe na ba dañe mia.

Bible en langue Bulu

³ Te boone jam éziñ a mesengan, nge a mebun asu bone be mam, ve a éjoté nyô, yenane bôte befe na ba dañe mia.

FILIP 2:3 Iomraidhean Croise

MINKANA 13:10

Bôt ba ben e môt ase a ne mebun, ve ba ba kañese *melep ba liti na be ne fek.

LUKAS 18:14

Ma jô mia de na: a nga siliki e *nda jé a mbili mekabe, ve saa ñhe môte mbok. Amu nyô ase a bete émiene yôp, a ye silibane si, a nyô a sili émiene si, a ye betebane yôp.

BERÔMEÑ 12:10

Nye'ane ya bobenyañ ô late mia wua a nyô mbok. Bômba'an évévé ya semane mia mia.

BERÔMEÑ 13:13

Nwula'ane *zôsôô, aval ane a *môs, saa e mbia ndian a e nso'one bilam, saa ébamba a e mbia bivôé, teke mintañete nge *aban.

BERÔMEÑ 2:8

Ve ayaa a ôson, mfa'a ba, mbe bete, amu nkañgane wop, ba bene benya mejôô, a suu bebiene si ékotekot été.

1 Ko 15:9

Amu me ne nlômane wo dañe tyôtyoé, e ma me nji yiane lobane na *nlôman, amu me nga kpwe'ele keké Zambe.

1 Ko 3:3

amu mi ngenane minsôn. Eyoñe mesengan a ntañete bi nee be mia, ye mi nji bo ba minsôn, a ye mi nji nyiñ ane bôt'

2 Ko 12:20

Ma ko fo'o woñe ya zu koone mia, éyoñe ma zu, mi too teke avale ma kômbô, a na, mi ke mi bo te yene ma avale mia kômbô: metyama'an a bo momo be mia nalé fe éviele, ayaa, mesengan, bibôta, ékobôkobô, *minkobô mi ébiasé, biduñ.

GALATI 5:15

Ve nge mia lôan, a diane mia mia, taba'ane ntye. Mia ye wôan, bana a ba bevok.

GALATI 5:26

E mbo'an te bo mebun e zañe jangan, a te soñ mintañete a minyamete wua a nyô mbok.

EFEZE 4:2

A nsuane bebiene si, a évôvoé, a njiban, jiba'ane mia mia e nye'an été.

EFEZE 5:21

E woñe Krist été, kañesa'ane kean éjôé bana a ba bevo'o si;

FILIP 2:14

Bo'one mam mese te menyiñ nge minsitik,

KÔLÔS 3:12

Amu mi ne mintobane mi Zambe a nga nye'e a telé étyi, jaane ñhe minleme mia wô'ô bôt éngôngo, *mvam, nsuubane si, nje'eban a njiban.

KÔLÔS 3:8

Eyoñe ji, mia fe va'ane ñhe mam mete mese be mia: ayaa, ñwô'an ôlun, évô, meta, mbia *minkobô mia kui e menyu menan.

1 Tim 6:4

yeme na, a ne ndim amu mebun. A ne ndiman, nkôkon wo jeñe ve nsañeta'ane a bifia bi môman. Vôm ate minyamete, mewôman, nkobane Zambe ébiasé,

1 Pi 3:8

Ma su'ulane jô mia na fula'ane minlem a wulu a fe'e jia. Mi nye'esan ane bobenyañ, a bi minleme ya éngôngo a anyep.

1 Pi 5:5

Avale te mia bisoé bi bôt, su'ane miabebiene si e be bemvendé be bôt. A mia bese fufulu, bo'on éjoté nyô e zañe jenan. Amu Zambe a tele bôt be ne mebun e ngame yat. Ve a mvamane ba be ne nje'ebane minlem.