ESDRAS 2:1 - Kalate Zambe Nnomo a Mfefe Mfefé Nkôñelan

¹ Môé me bôte ya Palestine (bone b'Israél) mbe Nébukatnétzar njô bôte ya Babilôn a nga kee be minkôm e Babilôn a mbe be nga kôlô minkôm a bulan e Yérusalém a e Yuda, mme ma, môt ase e tisone jé.

Bible en langue Bulu

¹ Môé me bôte ya Palestine (bone bʼIsraél) mbe Nébukatnétzar njô bôte ya Babilôn a nga kee be minkôm e Babilôn a mbe be nga kôlô minkôm a bulan e Yérusalém a e Yuda, mme ma, môt ase e tisone jé.

ESDRAS 2:1 Iomraidhean Croise

2 Bb. 25:11

Nébuzaradañ, évete beba'ale, é nga kee *mebuka'a me bôt me nga too tison minkôm, nalé fe ba be nga kañese ke éjôé njô bôte ya Babilône si, a e jama bôte mbok.

1 Minkte 9:1

Israél ase a nga lañeban a tiliban e kalate bejô bôte ya Israél. Yuda a nga ke minkôm e Babilôn amu be nji wulu ane da yian e mise me Zambe.

1 Minkte 9:2

Nsoone ya minkôm, e bôt be nga taté tabe mevôme map, e bitisone biap, be mbe jama nsamba bone b'Israél, betuni, Belévit a e bôt be mbe be bo'o bisaé ya a mo e Nda Zambe.

ESDRAS 1:11

Biôm bise bi mbe mboon a or a argent bi mbe toyini étan a mintet minyin. Sésbatsar a nga bo na biôm bite bi ke nsamba bôt be nga too minkôm be nga kôlô Babilôn a ke e Yérusalém.

ESDRAS 2:2

Be nga bulan ba be Zôrôbabél, Yasua, Néhémie, Séraya, Rilaya, Mardôsé, Bilkan, Mispar, Bignayi Reyum a Baana. Befam bese ya Israél be mbe ana:

ESDRAS 2:70

Ane betuni a bone be Lévi, bone be bôt, beyia bia, beba'ale mimbé a Benétinieñ be nga tabe e bitisone biap, a bone b'Israéle fe e bitisone biap.

ESDRAS 5:8

Njô bôt a tame yeme na bi nga ke éfase éjôé é ne Yuda a kui e ndaa Zambe a ne anen. Ba lôñe je a *mekok me ne mbaan; be nga bôé bilé e mimfin; ésaé ja boban a ngômôtô ése a ja wulu fe *mvo'é e mo map été.

ESDRAS 6:2

Eyoñe te be nga koone mvulekane kalate e tison Ameta, éfas éjôé ya Médi, jam ya simesan é mbe ntilan été avale di:

ESDRAS 8:35

Ane bôt be nga so minkôm be nga ve e Zambe Israél mimvean mi ne ngum: beyôme benyak awôm a bebaé asu Israél ase, beyôme mintômba mewôm ébu a besaman, bone mintômba mewôm zamgbwa a zamgbwa a beyôme bikela awôm a bebaé asu *abé. Bise bi nga vebane ngum e be Nti.

NEHEMIE 12:1

Betuni a Belévit be nga so mekaban ba be Zôrôbabél mone Séaltiél, a Yasua, mbe ba: Seraya, Irméya, Ezra,

ESTHE 1:1

Jame di e nga boban melu njô bôt Asuérus a nga jôô bifuse bi si mewôm mebaé a zamgbwa, ataté Inde a kui Etiôpi.

ESTHE 1:11

a bendé be na be zuu nye Vasti, nga njô bôt, a be'e ékate njô bôt. Asuérus a nga kômbô liti biwôlô bebo bisaé bié a e bôte bevo'o be mbe valé, abim avé nga njô bôt a mbe abeñ, amu a mbe fo'o étua abeñ.

ESTHE 1:3

Mbu lale ya njôane wé, ñwô a nga bo beta dina asu bivete bié, bebo bisaé bé bese, nkane bita Perse a wu ya Médi, bingok a bengovina ya meku'u me si;

ESTHE 1:8

Ajô te môt ase a mbe nguleya nyu aval a kômbô, amu njô bôt a nga bendé bebo bisaé bese ya *nda jé na be jalé minkômbane mi bôte bé a nga bañete.

ESTHE 8:9

Môs ôte ôbien, ngone lale ba loone Sivan é too melu mewôm mebaé a mela, be nga bañete betili bekalate be njô bôt. Be nga tili bekalate avale Mardôsé a nga liti be a lôme be e be Beyude e be bijiane bi njô bôt, e be bengovina a biwôlô bebo bisaé ya mebôta me si mewôm mebaé a zamgbwa ya si Asuérus a nga jôô, ataté Inde a kui Etiôpi. Be mbe ntilan e *minkobô a mevale mintilan mi bôt be too e mebôta me si mevale meva, a e nkobô a avale ntilan Beyude be bili.

EZAYI 48:20

Kôla'an e Babilôn, tuban mi kôlô ézezañe Bekaldééñ! Katane foé ya jame te, bo'one na bôt be wô'ô de a tyiñe ndañan; miala'ane de a kui susu'a si. Jô'ane na: Nti a kôtéya Yakob mbo ésaé wé!

YEREMIA 50:19

Ma ye bulan Israél abemba dé, a ye bi bidi bié ya Karmel a Basañ, a ñwô'ane bidi mvaé wé wo ye jaé e minkôle mi Efrayim a e Galad.

MINYÔN 1:3

Eyoñe Yuda a ke minkôm, ôsame a éto *ôlo bi lateya nye. Yuda a too bikule zañ, ve a kate bi awo'on. Bekpwe'ele bé be diliya nye ôfanefane vôm.

MINYÔN 1:5

Bôte be ne nye ngame yat be dañeya nye besiñe bé be too *mvo'é. Nti nye a tulu nye nlem amu abui melo dé. Ayôme bongô dé da ke minkôm be tele nsiñ ôsu.

MINYÔN 4:22

A ngone Siôn, ékobe jôé é maneya; Nti aa ye fe beta kee wo minkôm. A ngon Edom, ékobe jôé nje a ye ve *melep. A ye kulan *abé dôé.

SOFONI 2:7

Nsa'a mañe te wo ye bo asu *mebuka'a me *nda Yakob; nde ba ye ve mimbame betite miap bidi valé; ba ye bômbô si mamengô'é e menda ya Akalôn été; amu Nti, e Zambe wop a ye wosan asu dap, a bulane soo minkôme miap.

Mm 23:34

Ane ngovina a nga lañe kalate a sili na Paul a ne bialébialé ya afôla avé? Be nga jô na, e Silisi.