ESDRAS 10:3 - Kalate Zambe Nnomo a Mfefe Mfefé Nkôñelan

³ Ajô te bi tame bo élat a e Zambe wongan na bi titane binga bete bese ba be bone bap, aval'ane Nti wom a bôt ba nyeñeban ôsu abendé ya Zambe wongan ba yene mvaé. Bia yiane bo aval'an'atiñ da jô.

Bible en langue Bulu

³ Ajô te bi tame bo élat a e Zambe wongan na bi titane binga bete bese ba be bone bap, avalʼane Nti wom a bôt ba nyeñeban ôsu abendé ya Zambe wongan ba yene mvaé. Bia yiane bo avalʼanʼatiñ da jô.

ESDRAS 10:3 Iomraidhean Croise

2 Bb. 11:17

Yehôyada a nga bo élat e zañe Nti, njô bôt a bôte na, be bo ayoñ e ne asu Nti; a nga bo fe élat e zañe njô bôt a ayoñ.

2 Minkte 29:10

Eyoñe ji me bili nkômbane ya bo élat a Nti, Zambe Israél, nalé ate mbia ayaa wé a ye kôlô be bia.

2 Minkte 30:12

E Yuda fe wo Zambe ô nga bo ésaé ya ve bôt avale nleme da ya bo abendé njô bôt a bivete bié aval'ane nkobô Nti ô mbe.

2 Minkte 34:21

Kela yemelane nkômbane Nti asu dam a asu *mebuka'a me Israél a Yuda ajô mejô ya kalate a te some nyô, amu ayaa Nti é maneya sôébane be bia di e ne anen, amu b'ésaa bangan be nji ke ba'ale nkobô Nti a bo aval ése é ne ntilan e kalate nyô.

2 Minkte 34:27

Amu mejô mete ma te bi wo *nlem, amu wo te suu womiene si asu Zambe éyoñ wo te wô'ô mejô mé ma wosane vôme nyô a bôt be too été, amu wo te suu womiene si asu dam, amu wo te nyabe mengômesane môé a yôn asu dam, me fe me wô'ôya, nalé Nti a jô.

ESDRAS 10:11

Ajô te éyoñe ji a ntoo ve meman *abé denan e be Nti a ne Zambe b'ésoo benan a bo nkômbane wé mewôk! Kanda'an a *meyoñ ya si mi too nyô nalé fe a bengone bap.

ESDRAS 10:44

Balé bete bese be nga lu'u bengone bikuu a abui é nga biaé *bon a be.

ESDRAS 10:9

Melu mela me lôteya, ane befam bese ya Yuda a Bényamin be nga sulane Yérusalém. Jame di é nga boban ngon ébulu é too melu mewôm mebaé. Bôt bese be nga tele vôm *nda Zambe é né be fô'ôba'an amu jam é nga bo na be sulane de a amu mveñ.

ESDRAS 9:4

Eyoñe te bôte bese be nga nyeñeban amu mejô me Zambe Israél, be nga sulan vôm me nga too amu mbia mboon besoo minkôm be nga bo, a ma me nga too si, nyôle nte'an akekui éyoñ mimveane ya mamengô'é.

NEHEMIE 10:1

Amu mam mese me maneya kui e be bia, nde bia nyoñe ngume ntyi'an a ba'ale wô ntilan. Biyôlé bivete biangan, Belévit bangan a betuni bangan bi ne ntilan e bekalate bete été.

NEHEMIE 8:14

Be nga koone ntilan e metiñ été na Nti a nga kobô a anyu Môze na: Bone b'Israél ba yiane tabe bibeme si éyoñ abô'ô ya ngone zamgbwale da boban.

BESAM 119:120

Nyôle jam ja tyibelan éyoñ ma wô'ôtan ésemé ja so be wo a mintyi'ane miôé mia dube ma e woñ été.

BESAM 119:59

Me nga fas ajô na, e mezene mam, ma zu bulane tôñe minjôane miôé.

EZAYI 66:2

Biôm bite bise wo wom ñwô ô nga bo bie, éyoñe te nje bise bi nga téban, nalé Nti a jô. Tame yene nyô ma ye fombô: éngôngole môt é bili *nsisim ô ne ntya'an, nyô a fô'ôban amu nkobô wom.

EZAYI 8:20

Mia ye yalane na: bia yiane fombô avale ane miñye'elan a minkulane mejô mi Nti mia jô. E môt a bo te semé abendé di a ye bo te yen melende me tyé.

EZEKIEL 9:4

Nti a nga jô nye na: Kele temeteme tison ézezañe Yérusalém beangôndô be mam bese ba boban été.

DEUTERONOME 29:12

nalé a ye telé wo ô bo ayoñe dé e môse wu, a na Emien a bo e Zambe wôé, avale a nga jô wo, a avale a nga kane b'ésoo ngana: Abraham, Izak a Yakob.

YASUA 9:6

Ane be nga ke yene Yasua e minkan Gilgal a jô nye a bôte bese ya Israél na: Bia so si é ne ôyap. Eyoñ ji, bo'on élat a bia.